السلام عليكم.

ست أم زياد كيف الحال؟؟

معلش برضه الرد رح يكون طويل شوي ...بس ما باليد حيلة .. تأخرت شوي لكن قرأت كل ما فاتني بالتفصيل


السوق الليلي شكله حلو ... أنا خفت تكون زحمة ونصابين وهيك....بس شكلكم انبسطوا فيه الحمدلله

باص الهيب هوب كمان فكرة حلوة وممتازة في بينانج خصوصاً إنه بيمر بكل المحطات الرئيسة في الجزيرة الصغيرة ... بس الطابق اللي فوق حر شوي

صور الهضبة وكاميرون باخدوا العقل ..... طار مخي وتزكرت الزكريات الحلوة بس اللي أسقط كل الذكريات الرائعة هو المسجد العائم ..... الله يجزاك الخير ويسلم إيديكي .... كان نفسي أشوف المسجد كمان مرة من كاميرا وزوايا مختلفة .... وللعلم أول مرة بسمع بقصة تسوانامي إنه ضرب المنطقة

قصة الترجمة والزوج ضحتني ...[صراحة لهلأ ما بعرف السبب، بس ما يكون خوف الفتنة يا شيخة أكيد في لهم عذر ما منعرفه ....يمكن مقروصين من حدا قبل هيك ...يمكن حاول يساعد وخبص الدنيا مع واحد قبلكم.... وعادي مش كل الناس فاهمين الدنيا صح ... على العموم فرانسوا ما يقصر ... ولد حمايل وقبايل ما شاء الله .... بس لازم تاخديلك حصتين إنجليزي أو كتاب كيف تتعلم الإنجليزية بأسبوع بدون معلم


المطعم الكوري كمان راحت علي...أنا صار لازم أرجع كمان مشوار لهاي الأماكن ... بسيطة بسيطة ... الحق على أخت قصة حب المفروض أكدت علي ... بوفيه مفتوح وسمك وهيك ....وين (على فكرة بمزح أخت قصة...سلامتك عن القصور)

بالنسبة للحدائق إن شاء الله تكونوا انبسطوا فيها ...باينتها حلوة وظريفة ، بس معاك حق في جملة حكيتيها عن كاميرون إنها بالليل بتصير مملة، وهذا السبب مع طول الطريق وتعرجه للأولاد خلاني أصرف نظر عنها ... هذا لا ينفي روعة المناظر الخلابة


آخر شي: تحياتي وأشواقي وتضامني الحار مع زياد وأبوه ...منظر الرجال النائمين في المولات لن يتغير مهما تغيرت الجنسيات

على فكرة هذا الأسبوع إجازة ...استعجليلنا بحلقتين ثلاثة دخيلك
بالانتظار إن شاء الله