موضوع متعوب عليه و خلاصة سنين من السفر
الله يعطيك العافية يا عسل

هذي الطريقة اللي استخدمها و عادة أخذ معي 200 دولار كاش و دائماً ارجع بها
نفس الميتين قعدت عندي سنين لين استخدمت وحدة منها في باندونق اندونيسيا
بسبب ايقاف البنك لبطاقاتي بداعي تحديث البيانات و بعد الاتصال افرجوا عني لحين العودة

من مساؤي حمل الكاش ما تدري وين تحطه لو الفندق ما عنده سيفتي بوكس
بالاضافة لما ذكرت

كنت في سوكابومي اندونيسيا و سكنت في منتجع رائع بس ما عنده سيفتي بوكس الا بالاستقبال
و قررت اني احط شنطة الفلوس الصغيرة اللي معي فوق الدولاب طوله 2.5 متر
و ارمي الشنطة فوق بس سمعت صوت غريب ماهو صوت خشب

واجيب الكرسي واطلع فوق و ما اشوف الشنطة لقيت فيه فتحة مظلمة بين الدولاب و الجدار
طاحت الشنطة فيها
و نكلم السيكيورتي و عندهم سيخ حديد طويل جاهز للحالات هذي
جلس يحاول اكثر من ساعة لين طلعها وعطيناه اكرامية زينة
قال مدري ليه كل الناس يفكرون بهالمكان يعني الشغلة مفضوحة
عدة أسباب خلتني احول للبطاقات و ابتعد عن الكاش :

كثرة السرقات و عمليات النصب والاحتيال
اختلاف الصرف من صراف لآخر مما يعني تضييع الكثير من الوقت للبحث عن الافضل
فروقات التحويل من ريال الى دولار ثم من دولار لعملة البلد اعلى من عمولة البطاقة
تلاعب الصرافين الواضح ياخذ الميه ثم يقول (قديمة/مقطوعة/مطوية)
الهم الكبير خلال حمل النقود مثلا شيكت من فندق لآخر او من بلد لآخر
التوجه الحديث لاستعمال البطاقات ففي اوروبا يندر أن تجد من يحمل الكاش

الله يعطيك العافية صديقي الغالي
نصائح مهمة و مفيدة لكل مسافر