العرب المسافرون تركيا


السلام عليكم ورحمة الله وبركاته

هذي جولة تنفع ليوم واحد لان كل الاماكن قريبة من بعضها
مع إنه يعتبر يوم مزحوم لكن تقدرون تلغون اي واحد من الاماكن

وهذي الاماكن الي في الجولة موضحة على الخريطة



برج سفير

مول فيه مجموعة مطاعم وكافيهات
كان يعتبر اطول مبنى في اوروبا
وملاصق له
فندق Movenpick
وموقعه في منطقة 4. Levent
عند محطة المترو تماماً بس تقطعون الشارع

فيه مطل على اسطنبول من جميع الجهات
والمطل مفتوح بدون سقف وفيه كافيه ومطعم

مطررررررر



ضباااااااب



المبنى الابيض الي تحت هذا الموفنبيك







واجمل شيء بهالمول

عرض (الطائرة التشبيهية)

عبارة عن جولة 4D
لأهم معالم اسطنبول بطريقة حلوه حتى الموسيقى التصويرية كانت جميلة
ويقولون انه فيه لها فروع ثانية انا ماشفتها وسعر الصعود للمطل اضن 15 ليرة والعرض 12 ليرة

وفيه بنفس المول

متحف للشمع





اولوس بارك (ulus park)

حديقة صغيرة مرتفعة تطل على البسفور
وفيها شوية العاب للأطفال
وفيها مقهى ومطعم



اول مادخلنا المقهى حسيت اني
في دبي مول هههه
الطاولات كلها عبايات وثياب العبايات اوك عادي بس الثياب غريبه
ويالنسبة للأكل ما اعرف ايش مستواه
طلبنا بس مشروبات





منطقة اورتاكوي

واحد من أجمل الاماكن على البسفور
و كلمة "اورتاكوي" معناها القرية الصغيرة



وفعلاً تحس انك في قرية صغيرة

وهو عبارة عن مجموعة مطاعم وكافيهات ومحلات بيع تحف وهدايا واكسسوارات
وفيه بازار لبيع التحف والهدايا يوم السبت والاحد


بداية الشارع محلات البطاطا المشوية ومحلات الوافل

وبعد هالمحلات يتفرع الشارع وتحس انك في متاهه وفي واحد من هالممرات اللوحة المميزة
لاورتاكوي



(في هذا الشارع هناك حياة)

وفي يمين الصورة
فندق The House Hotel Bosphorus



وعلى اليسار في مجموعة كافيهات ومطاعم منها
مطعهم وكافيه اوزليم ( OZLEM CAFE)
صاحب الذ كنافة ذقتها في اسطنبول

هذي الصورة وانا جالسة في المطعم
في نهاية ابريل



وهذي في اغسطس
زحمه يا ناس زحمه
احس الناس داخله بالكاميرا



وللأسف ماقدرت اصور الجلسات ولا حتى الاكل والكنافة الي
ازعجتكم فيها
بس هذي صورة من النت كنا جالسين في الزاوية على اليمين الجلسات الخارجية
مكان استراتيجي لا تفوتونه
واكله عموماً حلو




جامع المجيدية "لؤلؤة البسفور"



وأمر ببنائه السلطان عبدالمجيد
كان الجامع مغلق للترميم واستمرت عمليات الترميم 3 سنوات وتم افتتاحه منتصف السنة الي راحت تقريباً

هذا اثناء الترميم


وهذي بعد الترميم




وعلى يسار المسجد فيه

كافية ومطعم بلتاش
تحت الجسر مباشرة وقدام البحر على طول



يعني اذا مر قارب الامواج ترش عليك


واكله لذيذ خصوصاً الكفتة المحشية جبن




طريقة الوصول لاورتاكوي
منطقة اورتاكوي جميلة للسكن بس عيبها انه ما يوصلها المترو
وسواء كنتوا في منطقة السلطان احمد او تقسيم
تنزلون في محطة كبتاش
ومن كبتاش الي اورتاكوي بالباص او التاكسي

وفي الطريق من كبتاش الي اورتاكوي
شارع جميل مظلل بالاشجار اسمه (ciragan caddesi)


وعلى هالشارع فيه

فندق تشيران بالاس كمبنسكي



القصر الفندقي الوحيد في اسطنبول
ويعيشك جو السلاطين
جربوه ليلة او حتى روحوا للمطاعم الي فيه
لان المكان جميل وهذا من الاماكن الي ناوية عليها في الزيارة الجايه إن شاء الله


جزيرة ومطاعم غلطة سراي سودا كلوب (Suada Club)

جزيرة صناعية في البسفور أمر بنائها السلطان عبدالعزيز
وبعد ما خلصت اهداها السلطان عبدالعزيز لمهندس القصور العثمانية
وفي اخر المطاف اشتراها نادي غلطة سراي
وصارت مكان لإقامة الانشطة الاجتماعية والترفيهية للنادي
وبعدين فكروا باستثمارها بشكل افضل وحطوا فيها مجموعة مطاعم ومسبح ونادي صحي
المطاعم الي اعرفها مطعم سمك ومطعم كباب



وطريقة الوصول للجزيرة بقارب مجاني يتبع لها

موجود قدام الجزيرة
وفيه مكان انتظار لين يوصل القارب
هذي الجزيرة من مكان الانتظار



والمطاعم دورين الدور الارضي من ضمنه مطعم الاسماك
وكنا ناوين عليه بس الجلسات كانت مسكرة ومره المكان مزحوم
فطلعنا للدور الثاني مطعم الكباب
هذي الجلسات الي فوق


الجسر




من الجهة الثانية




وبما انه الجو بااااارد في الليل
المطعم مشغل التدفئة
وركزا على الكراسي
كل كرسي فيه بطانية صغيرة



وهذي الجزيرة بالنهار



وما انصح الواحد يروح لها بالنهار لأنه فيها مسبح وأكيد مناظر غير مستحبه
بس لاتفوتون الغروب

هذا مكان المسبح



وبالنسبة للأكل الاسعار غالية والطعم عادي بس المكان جميل

هذا عنوان الجزيرة وموقعها :

Suada Club GS ADASI Kuruçeşme / İSTANBUL



رابط المطعم
Suda Kebap | Contact

وهذا رابط الجزيرة
Suada Club

تسسسلم اناملك على الموضوع الذوق ~

بإذن ـآلله لنا زياره للمنطقة هذي ~

ششششكرا لكـ أختي الكريمة ~

روووعه ..مممم الكفتة بالجبن تهبل

ميزة تركيا مساجدها

يسلمووووا مشرفتنا على الموضوع

العرب المسافرون

هولمز

رائع جدا أيتها الزهرة ...

تقرير مفصل ومميز ...

وبصراحة ...

أفكر في تجميع هكذا مواضيع ...

لنكون معها فعاليات لليوم الكامل ...

منذ الصباح وحتى المساء ... وبالصور ... والخرائط ...




شكرا لك ...

وشكرا لكل من سيقوم بطرح يوميات كاملة لفعاليات مميزة جدا ...



حفظكم الله

يوميات جميلة وطرح راقي


جهودكم جبارة في البوابة التركية

مواضيع مميزة

بارك الله فيك

مبدعة يازهرتي الله يعطيك العافية

شكرا يا زهرة نيسان ....
فما تقدمينه ....يلامس الوجدان......
ومن يرى تلك الاماكن الجمييييييله ... يستحيل عليه لحلاوتها النسيان !!!!

ياسلام ياسلام
موضوع جميل جداً
وتعودنا منك الإبداع دائماً
بارك الله فيك وإلى الأمام