رحلتي القصيره لقطر الحبيبه 2015 - الصفحة 8

فيصل · 04-02-2015, 03:17 PM

المطعم المصري مكانه حلو
هالصوره هل هي لشخصيه بقطر

ما قلتي رأيك في فطور فندقكم

قلتي كرك وبراتا شنو يعني

وهاللي طلع لك بيدق باب كل سويت لين يطلع له حسين وين أمن الفندق عنه

فندق سانت جلساته حلوه

ايش رأيك بالمجمع

هداوه · 04-02-2015, 08:54 PM

اقتباس:
المشاركة الأصلية كتبت بواسطة qa6ar911

صراحه ماعندهم سالفه انا ماحب هالمواقف
لا اسويها ولا احب انحط في هالموقف لان جذي انا اترك المكان بالكامل
خلاص تضرب عندي هههههه
زين الحمدلله ان طلعت الجلسه فيس الراس احلى
الاكل شكله حلووو ريوق رااايق
هذا المول ترا من اقدم المولات في هالمنطقه
هو كان مول السلام وعماره السلام القديمه
للحين حق السلام بس جددو المجمع وجددو العماره وبنو عماره اطول جنبها
متاااااااابعين عن قرب معاج

حتى أنا مستحيل أسوي في حد جيه ، ولما أحجز طاوله لابد وان اترك شي من أغراضي عاد وقتها لو تاركه أغراضي ويا حد يلس من حقي اقولهم انه مكاني أما فاضي وممحجوز وبعدين تقوللي يلا هذا مكانا في هاي الحاله أشوف ممن حقها، والغريبه انه الاماكن الفاضيه كثيره ومتوفره
تدري شو أكثر شي ضايقني في الموضوع ؟
زوجها حسيته وقح وهو واقف ويخزني بعينه يتحسبني بخاف منه ، بس أنا حبيت أترفع ومابغيت أتجادل ع شي تافه مايسوى
المول جميل بعد تجديده وحبيته ومن الاماكن اللي ممكن أعيد زيارتها

اقتباس:
المشاركة الأصلية كتبت بواسطة هاوية الاسفار
ما شاء الله عليكم سفرة خفيفه و حلوة و اختيار موفق للفندق و المطاعم
كان خاطري اسكن في سوق واقف قبل سنتين بس للأسف الفنادق كانت فل وقتها و ما تناسبنا لانه العايله الكريمه ما شاء الله كلها ويانا
و أنا اذا شفت مطعم مغربي مستحيل أفوته احب أكلهم بالزاف و الشاي المغربي عشقي
عيبني وايد فندق الجسرة و حتى سعره وايد زين ان شاء الله نجربه في القريب العاجل
و بالنسبة للريوق بوفيه الفندق وايد حلو بس يا ريت لو شيء مطاعم في سوق واقف و فيها آكلات شعبيه لانه وقتها ما لقينا غير زعتر و زيت
تسلمين على التقرير و بانتظار الباقي

الناس اذواق بس انا مره جربت مطعم مغربي وماعجبني انه يخلطون الحلو والمالح في نفس الأكله ومن يومها أبتعد عن المطاعم المغربيه
الصراحه سوق واقف ماعطيته حقه وما أاعرف المطاعم الزينه اللي فيه بس من كم سنه جربت مطعم ايراني راقي في سوق واقف بس ناسيه أسمه
الله يسلمج حبيبتي واليوم بيوصلكم الجديد

اقتباس:
المشاركة الأصلية كتبت بواسطة ام ميلاد
نحن مانحب البوفيه لأنه مانختار اللي نبيه مثل الاجانب نحن نخم اللي موجود ونتطعم من كل شي وعقب نتعب ونقول ياريت

هههههههههههههههههههه.. ياحلو سوالفك .. اعجبني التعليق
الفطور شكله مررره يشهي.. فرش ومرتب
كلك ذوق بتصرفك مع الحرمه وزوجها
واصلي متابعينك

كل واحد يتصرف حسب اخلاقه ، وانا أبدا ما أحب أرفع صوتي ولا أجادل حد بانفعال في مكان عام واحب أمسك نفسي في بعض المواقف
بخبركم سالفه صارتلي وانا في مردف مول في دبي
مره وأنا طالعه من المسيد مصليه المغرب وأنا أمشي في الممر برع المسيد أسمع هنتين يتراشقون بالالفاظ وصوتهم عالي وهم كانوا جدامي يمشون
وبعد شويه عقب ماطلعت من الممر وهم كانوا طالعين قبلي الا اسمع صوت عالي وتجمع من الناس
اثاري هالهنتين احتد الكلام بينهم وكل وحده وقفت في ويه الثانيه وتصرخ ع الثاني وانا واقفه أتفرج مع الناس ، وفي لحظه حسيتهم بيتشابكون بالايادي ماحسيت الا عقيت نفسي بينهم
زين ماياني بوكس ههههههههههههههههه
أحاول أهدي الوضع مسكت اللي جدامي ووطيت ع اذنها وقلتها عيب ولاتنزلين نفسج وهاي ماتستاهل اللي تسوينه اسكتي عنها ، فوقفت وقالت : صح كلامج فعلا مابنزل نفسي ومن هالكلام وهمت بتمشي عنها وأشوف الثانيه بعدها منفعله وأمسكها واقولها نفس الكلام ههههههههه شو أسويبهن
والحمدالله قدرت أفرق بينهم ، وما أتذكر في حياتي اني دخلت في ضرابت حد ، بس هنيه تصرفت بعفويه وحسيت الموقف مب حلو من بين الحريم

اقتباس:
المشاركة الأصلية كتبت بواسطة FuNnY GIRL
حدها ماتستحي لاهي ولاريلها مالت عليهم فشلووونا فيج قليلن ذوووق والله امسحيها في وجهنا حدهم متخرعين والحمدالله ان الجلسه الثانيه احلى والاكل شكله يجنن عليكم بالعافيه هالمكان بين كل فتره وفتره اتريق فيه اذا زوجي هو اللي موصلني شغلي ومرات اعزم حد يجي معاي المكان حلو ورايق وفي تحت كوفي شوب اتوقع اسمه بيغل شي كذا اتحسينه صحي بعد حلووو الحلو ان السلام جنب شغلي اقل من خمس دقايق اروووق جوي وبعدين اروح شغلي بنفسيه طيبه
متابعين وياج
ومتابعه معاج يااحلى ام عيسى

لاحبيبتي هذا موقف من أشخاص مايتعمم ع الكل
يازينكم ياأهل قطر كلكم طيبه وكرم والنعم فيكم ومب مجامله والله
وأصلا عندي أهل من قطر يعني فيني شي قطري
عجبنا المول وعجبنا الريوق وكان اختيارج لنا موفق
أصلا كل شي اخترتيه لي كان حلو

اقتباس:
المشاركة الأصلية كتبت بواسطة فيصل
المطعم المصري مكانه حلو
هالصوره هل هي لشخصيه بقطر

ما قلتي رأيك في فطور فندقكم
قلتي كرك وبراتا شنو يعني
وهاللي طلع لك بيدق باب كل سويت لين يطلع له حسين وين أمن الفندق عنه
فندق سانت جلساته حلوه

ايش رأيك بالمجمع

بسم الله الرحمن الرحيم
عقب مافججت طلاسم رمستك الحين بجاوبك هههههههههههههههههههههه
المطعم المصري مكانه حلو وكتارا كلها حلوه
ماعندي علم بس أعتقد انه مب شخصيه معروفه والله أعلم
فطور فندقنا حلو ومتنوع وانصح فيه
أفا يافيصل حد مايعرف شو كرك وبراتا الحين الاجانب قاموا يشربون الكرك
الكرك هو عباره حليب مع شاي وهو من أصل هندي
والبراتا نوع من الخبز الهندي ياملذه وخصوصا وياجبن كرافت ولاويالحم قيمه وبعد هذا خبز هندي
ياليت اللي دق الباب في الواقع دقه انما مسك قبضة الباب ودفعه ع اساس بيفتحه في نفس
الوقت انا كنت حاطه ايدي ع القبضه وبفتحه ، يعني أنا وهو بنفس الوقت
وأنا هنيه تخرعت ههههههه يعني زغت
ماشي أمن الدار آمان
قصدك المجمع اللي تريقنا فيه ؟
اذا هذا قصدك فهو حلو وهادي ورايق وفيه كثير من الماركات بس نحن ماتسوقنا بس تمشينا فيه

هداوه · 04-02-2015, 09:03 PM

ريوقنا في قاعة المعارض في معرض مال أول

في هاليوم كنا في ضيافة صديقتنا أم نوره وهاي مالها علاقه في المنتديات

صديقتنا خارج الوسط الفني اقصد خارج وسط المنتديات ههههههه

اختارتلنا هالمكان وكان اختيار جدا جميل ورائع وعشنا فيه شعور واحساس بتراثنا القديم

المعرض فيه دكاكين للبيع

هذا المطعم اللي تريقنا فيه ريوق مال أول بنكهه تراثيه

ملاحظه

هالمعرض ممتواجد طول العام ، ولا المطعم اللي فيه ولما كنا

هناك خبرنا الموظف انه المطعم بيظل مدة شهر

أتأكدوا قبل ماتسيرون ، بس من منو بتتأكدون

ما أدري

تابعوني في الجزء الأخير

هاوية الاسفار · 04-02-2015, 11:31 PM

يا سلااااااااااااااام احلى جزء في التقرير

التراث عمرنا ما بنستغنا عنه عيبني وايد مال لول بس المطعم أكيد شيء منه فرع في قطر
اهم ما في الموضوع المواعين مهما تطورنا و تماشينا مع الاتيكيت نرجع و نحن لتواجدهم في سفرتنا و فوالتنا
متشوقة لنهاية التقرير

هداوه · 05-02-2015, 05:33 PM

اقتباس:
المشاركة الأصلية كتبت بواسطة هاوية الاسفار
يا سلااااااااااااااام احلى جزء في التقرير

التراث عمرنا ما بنستغنا عنه عيبني وايد مال لول بس المطعم أكيد شيء منه فرع في قطر
اهم ما في الموضوع المواعين مهما تطورنا و تماشينا مع الاتيكيت نرجع و نحن لتواجدهم في سفرتنا و فوالتنا
متشوقة لنهاية التقرير

هيه والله صدقتي
بالنسبه للمطعم ماأدري اذا لهم فرع مشرفنا العزيز هو بيخبرنا عن هالموضوع
المواعين
بخبركم سالفتنا عن هالمواعين
بعد ماتريقنا في هالمعرض وايد عيبتنا مواعينهم وأفكارهم ، فقالتلي أم انوره الله يحفظها انه هالمواعين موجوده في سوق واقف
عشان جيه نحن هذا اليوم اللي تسوقنا فيه في سوق واقف ضاع الوقت ونحن نشتري من عند الايرانيه هالمواعين وماقدرنا عقب نتمشى في سوق واقف ونتفرج عليه أكثر
المهم
نحن ماشاءالله علينا ماخلينا شي ما أشتريناه من المواعين ونحن 3 وعندنا 90كيلو بالاضافه انه كل وحده عندها في ايدها هاندباك حق الطياره ورغم هذا طلع علينا وزن زياده 20 كيلو
سامحونا في المطار عن 10 كيلو و10 خذتهم عنا وحده بتركب ويانا نفس الرحله جزاها الله خير
وتخيلوا الصدمه بعد ما أشترينا هالكثر من هالمواعين عرفت انه نفسهم موجودين عندنا
بس جوجو هي السبب
هي قالتلي مموجود منهم عندنا وانها دورت من قبل
ع العموم كانت اضافه حلوه لمواعيني وأصلا اللي شجعني أشتريهم انه صديقتي أم أحمد كانت بتيني من الكويت وبعزمها في بيتي وكنت حابه أسويلها شاي العصر والعشا كله من باسلوب تراثي مال أول
وكانت المفاجأه العجيبه الغريبه
انه صديقتي أم أحمد لما زارتني كانت جايبتلي هدايا كلها مواعين مال أول
مسكينه انصدمت لما عرفت اني شاريه من قطر هالمواعين
وانا أنصدمت لما عرفت انها شارتلي هديه مواعين مال أول بس اللي هون الموضوع علينا أنا وهي انه اختياراتها تقريبا مختلفه عن اللي اشتريتهم شي بسيط متشابه
فصارت مجموعتي حلوه وكبيره

اقتباس:
المشاركة الأصلية كتبت بواسطة qa6ar911
ام عيسى
يمكن ان بوخالد يقصد المطعم المصري سي السيد
هذا عنده كشري مش ممكن ها الاسبوع ماكل من عنده مرتين
اخر مره امس فليل ههههه قبل الفلم في سينما نوفو من قريب

بوخالد البراتا نفس ماقالت ام عيسى هو نوع من الخبز الهندي نفس الجباتي
بس خلطته غير اشوي حلوو جربه مع الكرك او الجبن

والكرك طبعا شاي حليب على الطريقه الهنديه
ان جيت قطر راح تكرك مضبوط تقند الراس

بالنسبه للصوره ماهي شخصيه هي صوره عاديه لشخص مش شخصيه مشهوره

فعلا رهيب عنده الكشري بالعافيه عليك
المره اليايه كل عني وعنك وطرشلي تيك أوي
الجباتي غير عن البراتا
الجباتي جاف وناشف والبراتا متروس دهن وهنيه تكمن اللذه فيه

اقتباس:
المشاركة الأصلية كتبت بواسطة qa6ar911
اي المعرض وايد حلوو وونيس
والدوله عندها توجه في السنوات الاخيره لأحياء التراث
حتى بيوت الحكومه تصميمها مأخوذه من تصاميم البيوت القديمه في قطر
عيالي راحو له قبل كم يوم ومستانسين عليه هههه

المعرض بينتهي بتاريخ 28 فبراير 2015

ابدعتي ام عيسى منتظرين الجزء الاخير عساج على القوه

حلوه فكرتهم وجميل انه نحيي تراثنا
الله يحفظ عيالك ويخليهم لك يارب
انته مرجعي الموثوق فيه ، ماشاءالله عليك مساعدني وفازعني في المعلومات الله يحفظك

اقتباس:
المشاركة الأصلية كتبت بواسطة qa6ar911
المفاجأه اكيد جايبه لي صوغه

ان شاء الله على خير
وانتي بالف خير ونوم العوافي ان شاء الله

هههههههههههههههههه

والله انته تستاهل كل خير ومايغلى عليك شي

ربي يعافيك ويسلمك يارب

اقتباس:
المشاركة الأصلية كتبت بواسطة كتكات783

تحياتي لك الفاضلة والرائعة ومن أهم قامات المنتدى / أم عيسى ..
سعدت أولا بعودتك للتقارير في منتدانا الجديد ( تعلمنا منك الكثييير )
كذلك أبدعت كما عادتك في طرح التقرير ..
الفندق باختصار ( فااااخر ) وزاد من روعته موقعه المميز ..
جولة المطاعم وتقييمك لها يعطي القارئ انطباع كامل عنها ..
الكرك والجباتي جربتها في كشك صغير بالكتارا ( شفت زحمة عليه ) وكذلك في سوق واقف
تسويه إحدى السيدات ( كانت تجربة أولى ومن بعدها أدمنت هالشيئين )
شكرا لك أم عيسى وبانتظار هطولك الدائم في بقية البوابات ..

واااااااااو

كل هالكلام لي

شكرا من القلب

بالنسبه للكشك اللي في كتارا للاسف ماقدرت أجربه كنت شبعانه وقتها

وبالنسبه للي في سوق واقف للاسف ماشفتها

العفو ، وانا أشكركم ع تفاعلكم ويايي اللي مخلني أتحمس أكثر وأكثر وأعطي المزيد

وان شاءالله بتشوفون المزيد من التقارير
اقتباس:
المشاركة الأصلية كتبت بواسطة qa6ar911
السيده الي في سوق واقف تقصدين ام فهد هي معروفه بها الاسم
ماشاء الله الكرك مايقعد عندها

ماتقصر ياراعي الفزعه

وجهات أوروبية · 05-02-2015, 07:36 PM

اقتباس : المشاركة الأصلية كتبت بواسطة هداوه

[CENTER]اقتباس:

ماتقصر ياراعي الفزعه

حاضرين يا أم عيسى يا مبدعه تستاهلين كل خير
وبأنتظار الجزء الاخير من التقرير لما ترجعين وربي يحفظج مع كتاكيتج ترجعون بالسلامه

وجهات أوروبية · 04-02-2015, 11:54 PM

ام عيسى
يمكن ان بوخالد يقصد المطعم المصري سي السيد
هذا عنده كشري مش ممكن ها الاسبوع ماكل من عنده مرتين
اخر مره امس فليل ههههه قبل الفلم في سينما نوفو من قريب

بوخالد البراتا نفس ماقالت ام عيسى هو نوع من الخبز الهندي نفس الجباتي
بس خلطته غير اشوي حلوو جربه مع الكرك او الجبن

والكرك طبعا شاي حليب على الطريقه الهنديه
ان جيت قطر راح تكرك مضبوط تقند الراس

بالنسبه للصوره ماهي شخصيه هي صوره عاديه لشخص مش شخصيه مشهوره

وجهات أوروبية · 05-02-2015, 12:01 AM

اي المعرض وايد حلوو وونيس
والدوله عندها توجه في السنوات الاخيره لأحياء التراث
حتى بيوت الحكومه تصميمها مأخوذه من تصاميم البيوت القديمه في قطر
عيالي راحو له قبل كم يوم ومستانسين عليه هههه

المعرض بينتهي بتاريخ 28 فبراير 2015

ابدعتي ام عيسى منتظرين الجزء الاخير عساج على القوه

هداوه · 05-02-2015, 12:23 AM

مستمتعه بردودكم لكن مب قادره أرد
ان شاءالله باجر برد عليكم
وباجر الجزء الأخير وبعد عندي مفاجأه حلوه لكم
الحين خلاص تعبت
تصبحون ع خير

وجهات أوروبية · 05-02-2015, 12:28 AM

المفاجأه اكيد جايبه لي صوغه

ان شاء الله على خير
وانتي بالف خير ونوم العوافي ان شاء الله

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
السلطنه الحبيبه....مسقط ورمال الوهيبه	ام زياد	بوابة سلطنة عمان	151	11-05-2018 11:35 AM
يا شفشاون يا نواره..يا الحبيبه يا المناره..	ساري أحمد	بوابة المغرب	41	31-03-2018 03:19 PM
رحلتي القصيره للكويت الحبيبه 2014	هداوه	بوابة الكويت	120	19-01-2016 04:35 PM
رحلتي إلى تركيا 2015 ( #اليوم_الثاني )	المصور أحمد المعراج	تركيا	12	08-06-2015 10:49 AM