كيا اورا يا عرب - الصفحة 8

آخـــرفـــرصـــة · 13-04-2016, 03:02 AM

اقتباس : المشاركة الأصلية كتبت بواسطة ali pontiac

بوغسان توني منتبه على الكوفي شوف Waterfront الكوب و الأواني عليه شعار كوفي شوب موجود عندنه اسمه Esquires

والله صرت احاتي الجو ان اشاءالله مايكون فيه امطار غزيره و عواصف في شهر 8

يمكن يكون فرع له
لا تهتم بالجو قبل الرحلة ممكن تشيك عليه

توبليرونمعجبون بهذا.

آخـــرفـــرصـــة · 13-04-2016, 03:04 AM

اقتباس : المشاركة الأصلية كتبت بواسطة فيصل

لا هنت ابوغسان
يعني ما تأيد السكن فيها ليله علي الأقل

السكن فيها حلو خاصة بالصيف
بس صدقني لابد من الحجز بدري

فيصل و توبليرون معجبون بهذا.

آخـــرفـــرصـــة · 13-04-2016, 03:05 AM

اقتباس : المشاركة الأصلية كتبت بواسطة hearty

كيفكم يا جماعه

أرسلت بواسطة iPhone بإستخدام Tapatalk

هلا عزيزي

شكراً على المتابعة

توبليرونمعجبون بهذا.

آخـــرفـــرصـــة · 13-04-2016, 03:08 AM

اقتباس : المشاركة الأصلية كتبت بواسطة توبليرون

عجيب منظر الجوو والغيوم
صاج والله الطلعات تتعب بالمشي
النزلات ميخالف بس ماترد تطلعها
انزين مافي باص يفرك المدينه او مواصلات سياحيه
البحر اذا امواج عاليه يخرع
بس من صورك الامواج متوسطة
متابعين للاخر

هذي الامواج لما قربنا الجزيرة
لابد من سيارة هنا و لا سيكل
لان المسافات متباعدة

توبليرونمعجبون بهذا.

آخـــرفـــرصـــة · 13-04-2016, 03:10 AM

شفت الوقت بدري قلت ليه ما تستكشف الجزيرة
شكلها صغيرة و الجو حلو يساعد على المشي
الجو كان وقتها حول 10 درجات و كانت ملابسي كافية
بس جو نيوزلندا متقلب بشكل عجيب عشان كذا دايم خذ احتياطاتك

من السنتر مشيت بلا عنوان
اتجهت عكس الطريق اللي جيت منه

موقف باص و حاطين لك الجدول

أسوار البيوت عليها جميع انواع النباتات

بدأ يبان البحر من هنا

ريحة أشجار الربيع جميلة هنا

ريحت هنا شوي

هذي البيوت على الشاطئ تماماً

و هذي فلل فاخرة للايجار حول 2000 ريال اليوم تقل او تزيد حسب الموسم

Breakfast on the Beach Lodge | Five Star Luxury Accommodation on Waiheke Island

يعني بالصيف يعتبر هذا محل استرخاء و استجمام و عادة تقام حفلات خطوبة و زواج هنا

تقدر تأخذ لفة كاملة على الجزيرة

و هذي فيلا حلوة أيضاً

ريحت كمان هنا و كنت لوحدي ما أحد حولي

و هذا الطريق اللي مشيت عليه

قعدة حلوة هنا

هذي الكراسي مثل ماتعرفون تبرعات و اهداءات من الناس للجزيرة

رجعت على نفس طريقي بعد ما اشتد البرد شوي
يمكن خلوني أقول قطعت 10 كيلو ذهاب و عودة
ما حسيت خلالها بالتعب لأن الجو كان منعش

|القحطاني|, احمد الحربي, ali pontiac و 11 آخرون معجبون بهذا.

|القحطاني| · 13-04-2016, 03:55 AM

معليه البرد زين يمديك تتصرف فيه المصيبة الحر ما تدري كيف تبرد

وللحين ما صمموا مكيفات مثل الجوالات تو الشواحن المتنقلة ههههههههه

ما شاء الله .. دائما الاماكن الصغيرة تكون جميلة لما تكون مرتبة وهذا الشيء الحلو برضوا في ايكيا [emoji3]

ياللن حي الله يخف الواحد شوي مع المشي ههههههههه

وش الاحلى هالمكان ويهيكي ولا شارع فلسطين في جدة [emoji12]

الله يعطيك العافية

أرسلت من SM-T705 بإستخدام تاباتلك

احمد الحربي و توبليرون معجبون بهذا.

آخـــرفـــرصـــة · 13-04-2016, 04:55 AM

رجعت للسنتر و كان الجوع قد عمل عمايله فيه
و الجميل هنا أن المطاعم محدودة و محلية

صعدت للمطعم هذا بالدور الثاني و كانت الجلسة كما كنت أحب
مطعم + ميني ماركت + موتيل يا سلام 3 في 1
و مطل على الشاطئ مباشرة و في قلب السنتر
بس في الصيف عنده 3 غرف و أقل غرفة 1100 ريال و اتوقع أن اكثرهم يتحكم بالسعر هنا
في الصيف لمحدودية المعروض و عدم و جود سلسلة فنادق

The Oyster Inn / Waiheke restaurant and small luxury boutique hotel / Waiheke / Auckland / NZ

اطلالة طاولتي على الشاطئ

مشغلين الدفايات و مقفلين الستاير البلاستيكية
عشان تعرفوا قوة برودة الجو بالخارج هههههه
لا و شوفوا اللي قدامي ايش لابسين

طلبي كان سمك فيليه و جاء معاها العشب هذا هههه
بس لذيذ جرجير مع حلبه و اشياء ما اعرفها

وجبه فاخرة و لذيذة جداً بس لو معاها رز صيادية يا سلام خخخخخ
الحساب كان حوالي 110 ريال للوجبة و اشوفه سعر معقول

بعدها قلت اتعشى و اتمشى
رحت للشاطئ لقيت الجلسة الرايقة هذي
و عشان ما اصور الناس القريبين رفعت الكاميرا شوي

المكان برا للمدخنين جلست بالداخل و حصل ما لم يكن بالحسبان
جاني واحد و دار بيننا هذا الحديث

هو : يبدو أنك ما انت من المنطقة
أنا : نعم صحيح أنا من السعودية
هو : تعال اجلس معنا و عرفني على زوجته البرازيلية
كانوا يتعشون و طلبوا مني أكل معهم قلت لهم الآن انتهيت من العشاء و جيت هنا اتمشى
طلبوا لي هذا الصحن و قالوا لازم تجربه

لذيذ جداً فأخبروني أنه سناك نيوزلندي تقليدي و هذا المكان مشهور فيه
قضينا وقت ممتع نتحدث في اشياء كثيرة و بعدين استاذنوا بالذهاب و شكرتهم على حسن الضيافة
رجع و سألني فين ساكن هنا ؟
قلت له انا ساكن في اوكلاند و راجع الليلة
طالع في ساعته و قال أمل ابليس في الجنة
و الصحيح أنه قال : اتمنى لك التوفيق بس ما أتوقع يمديك

كنت متوقع آخر رحلة 11:45 مساء مثل دفنبورت و طلعت 10:30 و الساعة الآن 10:15
جيت احاسبهم قالوا مانقبل الا كاش المكينة عطلانة عندنا
مش معقول المحل الوحيد اللي صار لي معاه الموقف هذا
طلعت الدرج بسرعة و رحت الصراف سحبت و رجعت حاسبتهم راحت 10 دقايق
عرفت انه مستحيل أوصل لأني عشان أقطع 2 كيلو محتاج وقت و لا فيه أي نوع من المواصلات
طلبت منهم مكان أنام فيه اتصلوا هنا و هناك البعض نايم و البقية فل

السؤال الآن فين أروح !!!

وقفت في الشارع التفت يمين و شمال مافيه أحد
قمت أكلم نفسي بلاش شغل الكاميرا الخفية و أفلام الدراما
محتاجين حل !!! قكر زين ولا مالك الا تنام في الشارع

أول حل جاء في بالي موقف الباصات هذا اذا تذكروه

البرد قارس بالخارج و يزيد الأمر صعوبة