من قال لك: حنا .. بخـير وسـلامة؟ ----------- ما أبشّرك .. والـدمـع من عـيننا طاح
أسدل علينا الكون .. بعدك ظـلامه! ----------- شعبك بعد مـوتك : قـضى ليله جراح
من قومته بـ الصبح .. حتى منامه !----------- يبكي على فقدك .. وماهــو بـ مرتاح
ما أبشّــرك حـنا : بـ حـزن وندامــه----------- من مت ماتت : من بعد موتك أرواح
العـمــر من بعــدك .. تغـير كــلامه----------- واقف عليك .. وعند قبرك، ولا راح
حتى الفرح .. ما أعلن إلا: إنهزامه----------- ماله حضور .. وهـمنا ماقـد : انزاح
الشـعــب بعــدك .. فاقـد الإبتسـامة----------- صارت ليال الممــلكة .. كلها شحاح
مع السلامة؟ .. بس وين السـلامة؟----------- والعمر من بعدك / من عيوننا طاح!
نستودعــك ربي .. لـ يـوم الـقيامة----------- في جـنّتـه تلـقى : السعادة والأفراح