ماليزيا+اندونيسيا 22يوم وصور بتقنية جديده (للتحدي) - الصفحة 7

رائد بومريم · 01-02-2015, 06:07 PM

وهذه صورة بنفس التقنية من داخل الغابة

http://on.bubb.li/257893a4r1g5kgy93q45gd2/

بس اوضح من اللي قبلها

حبيت احطها في رد لحالها واتوقع بيكونون باقي الصور اللي بنفس التقنية على نفس السالفه في رد لحالهم لانه هذا التحدي مني لكم

رائد بومريم · 01-02-2015, 06:19 PM

وبما ان الوقت انتهى وقد حان وقت الرجوع

واصلا بنتنا داخت ونامت

قلنا نرجع ونسوي انسحاب تكتيكي
وهذا الكاميرا المستخدمه

وصلنا الفندق واتصلت على مكتب تاجير السيارات
وقلت لهم جيبوالي سياره ارخص شي
وكنت متفق معهم من المطار ب٢٠٠ رينجت لثلاث ايام
المهم انهم جابوا السياره للفندق ورحت معهم لمكتبهم عشان ارجع السواق

مكتبهم قريب الجيتي لو ادري اخذت السيارة اول مارجعنا من الجزيره ووقعت الاوراق ودفعت ٢٠٠ رينجت قيمة التاجير لمدة الثلاث ايام و١٥٠ رينجت تامين ترجع مع ترجيع السياره وكانت السياره مش معبيه فل طبعا بنزين مش ديزل واوتوماتيك ورجعت للفندق بالسياره واخذت زوجتي وطلعنا للنسر وتعشينا من كنتاكي ثلاث وجبات تقريبا ب٣٠ رينجت

شفنا هذا اللي اذا تبغى تصور مع الثعبان

بكذا انتهى اليوم الاول من الرحله

وان شاء الله اكمل لكم باقي الايام

وفيه صور بنفس التقنية لميدان النسر

رائد بومريم · 01-02-2015, 06:21 PM

وهذه المره فيه صورتين بنفس التقنية

وحده من خلف النسر والثانيه من امام النسر

من خلف النسر

http://on.bubb.li/257893aq1n4c69rdvi6vtbr/

من امام النسر

http://on.bubb.li/257893asse82h8tgez4rucb/

طارق عنايات · 01-02-2015, 06:34 PM

جزء قصير جدا لم يروي ظمأي

نحتاج الى وجبة دسمة وعصاير بعد تا نرتوي

الصورتين رائعة جدا

تسلم الايادي بو مريم

A.Alsubhi · 01-02-2015, 07:37 PM

يعطيك العافية تقرير ولا اروع ومازلنا متعطشين للمزيد

ودي الان اشغل طيارتي الخاصة هه وعلى زيزا اللزيزة

بو مريم حفظك الله ورعاك

رائد بومريم · 01-02-2015, 08:22 PM

اقتباس:
المشاركة الأصلية كتبت بواسطة طارق عنايات
جزء قصير جدا لم يروي ظمأي

نحتاج الى وجبة دسمة وعصاير بعد تا نرتوي

الصورتين رائعة جدا

تسلم الايادي بو مريم

الله يسلمك
لكن الدنيا تخلص والشغل مايخلص
ان شاء الله بكمل بعد شوي

اقتباس:
المشاركة الأصلية كتبت بواسطة ابو عمر _ JDH
يعطيك العافية تقرير ولا اروع ومازلنا متعطشين للمزيد

ودي الان اشغل طيارتي الخاصة هه وعلى زيزا اللزيزة

بو مريم حفظك الله ورعاك

الله يعافيك
اذا عندك طياره خاصه مرني
خدوني معاكو .. اخوكو الصغير... هههه

رائد بومريم · 01-02-2015, 09:02 PM

اليوم الثاني في الرحله (القريه الشرقيه + رحلة المانجروف) ااااااااه ابي ارجع لذيك الديره (خلوني ارجع لتقريري .. احسن لي)
اليوم اللي بعده سلمنا الفندق من الصبح الساعه تسع تقريبا وطلعنا بالسياره متجهين الى القريه الشرقيه

واشتغلت لمبة البنزين وعبينا بنزين بعشره رينجت وشفت انها ماتسوي شي قمت وزدت بثلاثين رينجت وتعبى فوق النص اذكر بالعشره رينجت تعبى اربعه لتر فقط

طبعا السياره صغيره ماكفت الشنط بس سالتهم مافيه مشكله لو حطيت الشنط على السيت الخلفي قالي الحمالي حق الفندق مافيه مشكله وكملنا مشوارنا

ودخلنا القريه الشرقيه

وتمشينا فيها عند المدخل شفنا هذا الباص

يشبه الباص العجيب اللي في دبي
.. وفيها محلات

فيه اماكن لركوب الفيل بس مارحت له

وفيه تأجير دبابات او باجي

بس دخنا من الحر المهم طلعنا على التلفريك بتسعين رينجت

وكانت فيه عرض في القبه

وكانت الحمامات بفلوس

ورحنا الى جهة التلفريك كل شخص يوقف على رقم

عشان نركب التلفريك

وبدينا نصعد الى الاعلى

وكلما ارتفعنا اكثر اصبح المنظر احلى

والجو فوق حلو جو اوربي وصورنا بس للاسف الجسر فيه صيانه مامشينا عليه

والله يكرمكم فيه حمامات (لاتخافون من ذا الناحيه)

وفيه مطل يعطيك 360 درجه

وبكل تاكيد ماراح تفوتني التصوير بنفس التقنية

رائد بومريم · 01-02-2015, 09:05 PM

صور بتقنية 360 درجة في القريه الشرقيه عند مدخل التلفريك
http://on.bubb.li/257893aw15p2tgcgss7fv1l/

وهذه صور من الاعلى بعد ركوب التلفريك

القريه الشرقيه فوق
http://on.bubb.li/257893ajto40hwj67s1wtrx/

وهذه من اعلى نقطه
http://on.bubb.li/257893ave9c7t25vw87klis/

رائد بومريم · 01-02-2015, 09:22 PM

ونزلنا من التلفريك واتجهنا بالسياره الى الفندق اللي كان قريب من القريه وهذا فايدة السيارة ... اني سلمت الفندق بدري وخليت اغراضي في السياره وبعدما خلصت من القريه الشرقيه رحت للفندق على وقت استلام الغرف الساعه 2 الظهر .. ولا سلمت منهم ..

الفندق برجايا غني عن التعريف لكن احب اذكره ببعض الاعجاب ... الفندق مبهر.. اكثر من رائع.. خيالي انصح كل من ناوي يجي لنكاوي يسكن فيه ولو ليله...

مدخل الفندق

الغرفه ماكانت جاهزه

ضيفوني في البار للضيافه

وهذا على حسابي

وهنا ننتظر

لين تجيك السياره

عشان توصلك

في الطريق الى الغرفه

ورحنا الغرفه المذهله بصراحه

الحمام يطل على غرفة النوم

وهذه الاريكه

وهنا البلكونه

رائد بومريم · 01-02-2015, 09:32 PM

الى هنا كفايه في هذا اليوم
غدا ان شاء الله اكمل لكم

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
رحلة الى اندونيسيا و ايضا ماليزيا ارجو الافادة	ابو الوليد	بوابة اندونيسيا	10	30-07-2019 02:29 AM
محتاج مساعدتكم بجدول 16 يوم ماليزيا و اندونيسيا	abdullah551	ماليزيا	15	06-12-2017 07:08 PM
مقارنة بين ماليزيا و اندونيسيا	ali-333	بوابة اندونيسيا	28	02-07-2015 06:15 AM
التصوير بتقنية 360 درجة ببرنامج bubbli على الايفون (للتحدي)	رائد بومريم	بوابة الكاميرات	20	27-06-2015 01:55 AM
ماليزيا+اندونيسيا 22يوم وصور بتقنية جديده (للتحدي) القسم الاندونيسي	رائد بومريم	بوابة اندونيسيا	65	26-06-2015 02:07 AM