ماليزيا+اندونيسيا 22يوم وصور بتقنية جديده (للتحدي) - الصفحة 4

mohamed_abdullh · 28-01-2015, 01:59 AM

قصة رحلة طويله راح نعيشها معك
ما شاء الله عليك وحده بوحده
يعطيك العافيه يا بو مريم

<<<<<<<<<<<<<<<<<<< متابعين

شارلوك هولمز · 28-01-2015, 05:11 PM

روووووووووعه والله ماقصرت متابع معاك للاخر ياغالي

هولمز

رائد بومريم · 29-01-2015, 02:32 AM

في الطيارة

طلع الصباح وجابوا لنا الفطور

تعبنا وحنا ناكل

وفي ماليزيا وفي مطار كوالالمبور تحديداً

استلام العفش من مبنى ثاني تروح له بالقطار

وطيران اسيا من مبنى كي ال ايه اي تو تروح له بقطار ثاني

يعني تنزل بالطياره وتدخل مبنى وتطلع الى مبنى ثاني لاستلام العفش وتطلع الى مبنى ثالث للرحلات الداخليه

فيه هناك موظفين يدلونك عالطريق ويخدمونك مجانا

وموجود هناك في المطار الجديده بنك لتحويل الفلوس

حولت 1500 دولار

وشريت من سيليكوم شريحتين 1.5جيجا لمدة شهر و١٧ رينجت مكالمات يعني ٨٥ دقيقه ب

١١٨ رينجت

كان الفرق بين الوصول الى مطار كوالالمبور والمغادرة الى لنكاوي 4 ساعات قضيناها بالكافيه وبتحويل الفلوس واخذ الشرايح

روتي بوي اكلتها قبل اصور ماقدرت اصبر

وبين قص البوردينق

وهذا جهاز لتعمل شيك ان بنفسك

وفي الحقيقه ماتوقعت المسافه طويله من صالة الشيك ان الى البوابات

المهم وصلنا طيارتنا

وركبنا

وصلنا لنكاوي

والى المطار المتواضع

والى استلام العفش

وهذا تنبيه مكتوب بالعربي على سير الشنط

وبعد استلام الشنط مشينا نبحث عن شيئين

عن التحذير اللي حذرونا منه والى تاكسي المطار

والى اللي دلونا عليه اعضاء المنتدى وهي المكاتب السياحيه

حجزت من المطارلبيار ايسلاند ب٥٠٠ رينجت لشخصين و للمنجروف ٢٥٠ لشخصين

وداني التاكسي ب٢٨ رينجت من المطار الى فندق هيج

الفندق جيدجدا كان التشيك ان شوي بطيى وبالنسبه لي مش عيب بس انه شي يعيب الفندق بس المنطقه هاديه الغرفه وسيعه ونظيفه والاثاث ممتاز طلبت سرير قالي بثلاثين عن كل يوم والبطانيه بعشره عن كل يوم

قلنا شكرا مش عاوزين

وصور الفندق موجوده في التقرير اللي انا كاتبه عن الفندق ماحبيت احطها هنا مره ثانيه

بس بحط الواجهه

تمشينا فالمنطقه اللي حول الفندق.

حول الفندق فيه مول تابع للمجموعه هيج

فيه بعض المحلات

وفيه محل يبيع شكولاته بانواع واحجام مختلفه ويبيع بعض الاواني والاشياء الاخرى

عندهم من هذا حجم كبير يغري بس ماادري ليش ماجربته

صورت الولد جنب ابوه
اللي يجينا حنا الولد الصغير
بس الابو مايجينا ماادري ليه؟؟!!

وبعض الاواني

وبعض الالعاب

واللي مايسوي لايك امغطه بهذي هههههه

وفيه خارج المول قريب الفندق شوي مطاعم كلها تبيع اكلهم (الاكل الماليزي)

المهم اني ماقربت منهم وفيه مخبز شرينا منه بعض الاشياء وفيه بقاله

ومحلات تبيع بعض الملابس

وشفنا ساقا ودخلناه وكان ماله داعي مجرد بقاله

والحاج اسماعيل مادخلت ماتحمست ادخل

وبعدها رجعنا الفندق نتجهز لليوم التالي
كان هذا يوم الوصول
وفي الغد يعتبر اليوم الاول في الرحله
والى جزيرة باولا بيار
يتبع بإذن الله ....

طارق عنايات · 29-01-2015, 03:06 AM

انا وضعت لايك فلا تضرب

تفاصيل مهمة جداً

ما هو شعورك حقيقة بالمواصلة بين الدمام والإمارات وكوالا ولنكاوي
لا تقلي ما ارفرف بجناحي هههه
تسلم على التفاصيل الجميلة
معك غدا ان شاء الله الى باولا بييار

بالتوفيق

رائد بومريم · 29-01-2015, 03:18 AM

اول يوم في لنكاوي

الى جزيرة باولاو بيار

الجو كان رائع الصباح هواء بارد قليلا وبعدين تغير شوي للرطوبه

وطلعنا ننتظرالباص لرحلة بولاو بيار

وجاء وقال لنا المفروض تحط اللزقه على بدلتك

مسافه الطريق ساعه ونص تقريبا من الفندق الى الجزيره

ربع ساعه تقريبا في الباص او اقل من ربع ساعه

فيه كنتاكي قريب المكان اللي بننطلق منه الى الجزيره

اخذنا التذاكر وكوبون الغداء

وتوجهنا الى السفينة

ماادري يسمونها سفينه او يخت او جيتي او قارب

المهم هذا شكلها

صور من الداخل

تلفزيون يوسع الصدر

منظر لا ينسى من النافذة

واخيرا سمحوا لنا نطلع على سطح القارب

صوره للقبطان .. يستاهل

واخيرا ولله الحمد وصلنا

وشالوا العدة

وركبنا في هذا القارب الصغير عشان يوصلنا الى الشاطى

وها نحن نبتعد

ونقترب

اللي حاجزين للمنصه عشان الغوص نزلوا قبلنا

وبعدين نزلنا حنا اللي بنروح للشاطى

وصلنا..

ترى هذا اللي نمشي عليه هو القارب اللي جينا عليه مش جسر .. بس انه داعس عشان يلصقنا في الجسر او المنصه

هذا على الجسر متجهين الى الشاطى

صور من على الجسر

الشاطى من بعيد

الجزيره ترحب بكم

وكلما لنا ونقرب .. ودك تركض عشان تقول انا اول واحد وصلت

هذا الجسر يبغى له بيت شعر اذا مو قصيدة كامله

وصلنا الشاطى اخيرا

ووزعوا علينا نظارات السباحه ومعها حق التنفس وكروت حق الغداء عند الثانيه عشر والنص

وسبحنا وكانت في سمك على بعد متر او مترين من الشاطى يسبحون معاك

بس مامنهم خوف الخوف من ذا
ولد الولد
قرش صغير

بعدما بدلنا الثياب في الحمامات القريبه من الشاطى طلعنا نتغداء ولازم تفطر ولاتحسب حسابك انه فيه غداء... او تجيب معك شي تأكله لانك بتجوع من السباحه

وقلت مادام الشاطى فاضي شوي
فرصه اصور بإستخدام التقنية اللي وعدتكم فيها

يتبع بإذن الله ...

رائد بومريم · 29-01-2015, 03:30 AM

اقتباس:
المشاركة الأصلية كتبت بواسطة طارق عنايات
انا وضعت لايك فلا تضرب
ههههههه ماشي ماشي
بس صف معي وخلنا نشوف من مش حاط لايك
تفاصيل مهمة جداً

ما هو شعورك حقيقة بالمواصلة بين الدمام والإمارات وكوالا ولنكاوي
لا تقلي ما ارفرف بجناحي هههه
ههههههههه
بصراحة انا كنت حاط البرنامج وانت عارف ولا حسبت حساب انه معي بنتي في الرحله
لو كنت حاسب حسابها ماكنت سويت ذا البرنامج
خصوصا انه معي عربيتها
وبيني وبينك ملل الانتظار لايطاق
ومن ناحية التعب .. ماحسيت انه فيه تعب .. واني مرهق
لا لا .. كان الوضع طبيعي من ذا الناحيه وبدليل اني يوم وصلت الفندق طلعت تمشيت
تسلم على التفاصيل الجميلة
معك غدا ان شاء الله الى باولا بييار
لا وين غدا
تعال هذا انا حطيت التكمله
مع اني احس اني كثرت في التقرير
بس عشان اوصل للصوره اللي واعدكم فيها
بالتوفيق

رائد بومريم · 29-01-2015, 03:37 AM

هذا الصوره اللي وعدتكم فيها بخليها في رد لحالها
واللي اتحدى اي احد استخدمها او حطها في تقرير
http://on.bubb.li/257893axvxv2qer4r9t8aq2/

بس للاسف الصوره ماتنحفظ علشان ارفعها لكم
لازم تروح على الصوره من الرابط
وانتظر شوي لين تفتح الصوره لانها شوي تأخذ وقت
انتظر اللايكات وانتظر التعليقات

حجــازية · 29-01-2015, 05:41 AM

تقرير جميل مليء بالتفاصيل
والصوووره بطله
تستحق الانتظار
ايش اسم التقنيه اللي استعملتها
واذا برنامج ياليت تذكره
الله يعطيك العافيه
منتظرين بقية التقرير

القيم · 29-01-2015, 07:00 AM

يعطيك العافية أخي بومريم ..

التقنية فعلاً احتمال ما أحد استخدمها في المنتدى
بس تم استخدامها خارج الموقع وغالباً ما تستخدمها
شركات السيارات في مواقعها لعرض داخلية السياره بـ ٣٦٠ درجة ..
ربي يسلمك من كل شر ..

مسافر وبس · 29-01-2015, 08:49 AM

يعطيك العافيه أخوي رائد فعلاً صوره جديده وتستحق الإنتظار ولو انك عذبتنا شوي لين شفناها
صراحه راودني شعور ان الصوره قد تكون مكرره فكرتها ولكن كنت على قد التحدي
بارك الله فيك ومتابعين معك...

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
رحلة الى اندونيسيا و ايضا ماليزيا ارجو الافادة	ابو الوليد	بوابة اندونيسيا	10	30-07-2019 02:29 AM
محتاج مساعدتكم بجدول 16 يوم ماليزيا و اندونيسيا	abdullah551	ماليزيا	15	06-12-2017 07:08 PM
مقارنة بين ماليزيا و اندونيسيا	ali-333	بوابة اندونيسيا	28	02-07-2015 06:15 AM
التصوير بتقنية 360 درجة ببرنامج bubbli على الايفون (للتحدي)	رائد بومريم	بوابة الكاميرات	20	27-06-2015 01:55 AM
ماليزيا+اندونيسيا 22يوم وصور بتقنية جديده (للتحدي) القسم الاندونيسي	رائد بومريم	بوابة اندونيسيا	65	26-06-2015 02:07 AM