مرحبا اختي
ياهلا ومرحبا فيج والله


نفس ماقالج اخوي مهند الايام كثيره جدا على جلاسكو ومانشستر

قسمي الايام السته في اسكتلندا

4 ايام في جلاسكو
يومين في ادنبره

ادنبره تستاهل اكثر وجلاسكو تستاهل اقل
بس انا ردت في جلاسكو لسبب

1- عشان يوم كامل تخصصونه في بحيره لوخ ليموند ( بولاج )
( Loch Lomond ( Balloch

2- يوم كامل تخصصونه في ملاهي M&D'S
Welcome to M&D's!

منطقه جلاسكو تسوق بالدرجه الاولى

وادنبره اقل منها تسوق سياحيه وتاريخيه جدا
جميله وانصحك بقوه لزيارتها

وتخصصين لها يوم تروحين سفاري بارك في مدينه ستيرلنغ


الحين نرجع حق مانشستر
9 ايام كثيره جدا

لو حسبنا يوم مخصص حق بلاك بول
ويوم او يومين مخصصين حق ليفربول
ويوم مخصص حق التون تاورز
ومانشستر بالكثير 3 ايام

لو ماتبغين تروحين اي منطقه ثانيه في بريطانيا

ارشح لج تزيدين الايام في اسكتلندا

بحيث تكون مانشستر 7 ليالي
واسكتلندا ( جلاسكو - ادنبره ) 8 ليالي