السلام عليكم

عندي استفسارات واتمنى القى عندكم الاجابة

انا ان شاءالله بسافر اليابان في ابريل ،، تقريبا 8 ليالي

اتمنى ازور كيوتو بس اللي مخليني اتردد ان اولا الاجازة قصيره وثانيا انا من الدوحة واذا ابي الوصول اوساكا لازم اخذ ترانزيت وبالنسبة لي هالموضوع متعب ..

ف الخيارات عندي هي :

1 - ناخذ ترانزيت وننزل اوساكا نستقر فيها او في كيوتو 4 ايام و4 ايام في طوكيو

2 - اوصل طوكيو ويكون المبيت فيها كم يوم ثم الذهاب لكيوتو بقطار الطلقه و العودة لطوكيو

3 - قضاء كل الايام في طوكيو ؟؟


بصراحة جدا محتاره وخصوصا انه ودي اشوف اماكن طبيعيه جميلة خصوصا انه موسم الساكورا ومو حابه تكون كلها مدن وعمران فحبيت اطلع شوي عن طوكيو

فهل اقدر اروح كيوتو او بيكون الجدول مضغوط ؟؟

ولو باخذ رحلات من طوكيو .. ممكن جبل فوجي و شنو غيره اماكن طبيعيه جميلة ؟ قرآت عن نيكو فهل احد عنده معلومات عنها ؟؟

بصراحة جدا محتاره وماحجزنا اي شي ف ايش رايكم الافضل ؟؟