-][ للإستفسارات وإجابات الأسئلة الشائعة ][-

Prince Kytu · 21-05-2019, 12:08 AM

panadol night
وعليكم السلام ورحمة الله وبركاته
الله يعافيك

بالنسبة للسكن في طوكيو وأوساكا فين أفضل الأماكن فيها لأني احتاج أحجز اليومين هذه؟

اماكن السكن حسب أولويتك بالنسبة لي مثلا دايما احب اسكن في Akihabara وفي ناس تفضل Shibuya لأنها منطقة نشطة وكل شي حوالينها من ناحية خدمات ومطاعم وعموما أي محطة تكون على خطة Yamanote Line راح تكون سهلة بالتنقلات بالقطار في طوكيو ونفس الشي أوساكا أفضل خط Osaka Loop Line ولمزيد من التفاصيل تابع التقرير (( هنا))

أيضا بخصوص جبل فوجي فين أفضل مكان ممكن الواحد يروح له ويكون مطل على الجبل وقريب جدا منه ؟

بما انك بتروح وترجع بنفس اليوم فنصيحتي تروح شلالات شيرايتو Shiraito Fall ولمزيد من التفاصيل ((هنا))

وهل ممكن نطلع لمنطقة الجبل بالسيارة ولا القطار أفضل ؟ < ناوينها روحه ورجعة بنفس اليوم

بالقطار أفضل أو الباص على حسب المكان إلي بتروحون له

بخصوص اوساكا حسب ماقريت بالتقرير كيوتو بتكون سهلة روحه ورجعة بنفس اليوم ولكن ماذا عن هيروشيما؟

هيروشيما إذا ما سكنت فيها تعتبر مضيعة للوقت والمال لأنها تستحق ليلتين كأقل تقدير وممكن استبدالها بغزلان نارا Nara أو زيارة قلعة Himeji أو زيارة منطقة Kobe كلهم تقدر تروح وترجع بنفس اليوم

الاستفسار الأخير بخصوص المواصلات:
بالنسبة لخطتنا هذه ايش أفضل بطاقة راح تخدمنا للمواصلات هناك ؟

إذا بتروح وترجع إلى طوكيو تاخذ JR Pass بحيث تغطي يوم مغادرتك لطوكيو ويوم رجعتك وما تاخذ لمدة الرحلة كلها
مثال إذا سفرتك اسبوعين ولكن ذهابك وعودتك من طوكيو لا تتجاوز اسبوع فتشتري تذكرة لمدة اسبوع فقط