وعليكم السلام ورحمة الله وبركاته

حياك الله اختي الفاضله ماراح اطول عليك بما اني زرت ماليزيا وزرت تركيا ونفس وضعك اخر سفره كان معي طفلتين


عندك ثلاث عقبات :-

مدة رحلتك اسبوع فصراحه غير كافيه لماليزيا وخاصة الاماكن الي انتي اخترتيها ولا تنسي بيضيع يوم في الذهاب و يوم في الاياب


ثاني نقطه الاطفال في ماليزيا راح يكونو جدا متعبين وما راح تستمتعين بالرحله لان اغلب تنقلاتك بالتكسي و الباقي مشي خاصة انو في بعض المناطق لا تصلح لعربات الاطفال


ثالث نقطه العفش راح يكون مره كثير فالله يعينكم تشيلو الاطفال ولا العفش في كل مره تروحو من مكان الى مكان


النصائح :-

طالما المده كلها اسبوع فإذا كان فيه احد من خواتك او الوالده الله يعطيها العافيه تقدر تتكفل في موضوع الاطفال يكون افضل

النصيحه الثانيه تركيا او ماليزيا كلها جميله وتقريبا نفس المده لانك ماليزيا 9 ساعات مباشره بينما تركيا تقريبا اربع ساعات وراح يكون فيه ترانزيت عشان تروحي الشمال التركي والرحله لشمال اعتقد انها في حدود الساعه و الربع او النص


النصيحه الثالثه اذا ما تقدري تخلينا الاطفال شوفي اسطنبول فقط بدون الشمال التركي و يمكن من يخالف رئيي بس انا لو مكانك هذا الي راح اسويه


ونتمنى لك التوفيق