زيارة سياسية

الى كل من في لقافه مثلي [emoji23]
وكان وده يدخل البرلمان البريطاني[emoji538] اقدر اقولكم خلاص تقدرون انتوا ولقافتكم تدخلون داخل [emoji23][emoji23]
بما أني وحده من الملاقيف اللي ودهم يدخلون البرلمان فتم الحجز اونلاين ودخلت البرلمان في زيارة استغرقت الساعتين [emoji1362]





بعض المعلومات عن البرلمان البريطاني :
- يتكون من مجلسين العموم واللوردات..
- عدد الأعضاء ستمية وخمسين نائب.

يعتبر اعلى كيان حكومي في المملكه والمقاطعات البريطانية، وأول ظهور للبرلمان عام الف وميتين وخمسه وعشرين

المجلس الأعلى ممثل بمجلس اللوردات والسفلي مجلس العموم ، الملكه هي المكون الثالث للبرلمان ..







فيديو

https://vimeo.com/201901196

- مجلس اللوردات : فيه نوعين من الأعضاء اللوردات الروحيون ممثلين بأعلى أساقفة كنيسة إنجلترا واللوردات الدنويون ممثلين بالنبلاء ، يتم تعينهم من قبل حكومه قديمه وحديثة .
ماله سلطه يعني لو تم رفض قانون اجازه مجلس العموم يقدرون يصدرونه عقب سنه بناء على تصديق ملكي .. يعني سلطته التأخير [emoji28]

مجلس العموم :
- مدته خمس سنوات
- مجلس منتخب من الشعب
- مسؤول عن وضع القوانين ومراجعة عمل الحكومه.

عدد الداوئر ستميه وخمسين دائره لكل المملكه ويمثل نائب واحد عن كل دائره.
موزعه :
- خمسميه وثلاثه وثلاثين في إنجلترا
- تسعه وخمسين في إسكتلندا
- أربعين في ويلز
- ثمانتعش في ايرلندا الشمالية

تم الحجز اونلاين مثل ما ذكرت لكم واستلمت التذكرة عند بال الدخول ..

في نوعين للزياره مع مرشد او سماعات انا اخترت سماعات عشان الوقت على راحتي أتحكم فيه وسعر التذكرة ثمانتعش ونص باوند..

وهذا سايتهم

http://www.parliament.uk/visit

واكاونتهم





للمعلومه ممنوع التصوير داخل كلش الا في مكان واحد [emoji20]
التفتيش قبل الدخول مثل تفتيش المطار بس طبعا اخف منهم



عقب التفتيش





نصور بيغ بن على راحتنا من غير أسوار [emoji1376][emoji1376]



فيديو

https://vimeo.com/201901483

يعطونكم الجهاز الصوتي وخريطة مرقمة ومنها تضغط على الرقم في الجهاز ويبتدي الشرح





اول ما دخلنا





في هالمكان نستلم الجهاز والسماعات













عقب ما ندخل من هالباب تبتدي قصة البرلمان وسوالف وايده ترا



يشرحون الرسومات والتماثيل والخ











فيديو

https://vimeo.com/201902970

من بعد هالصورتين خلاص ممنوع التصوير





وشرح طويل ومفصل راح تسمعونه في الجهاز والزيارة حلوه للي يحب وملقوف مثلي
وأكثر لقافتي كانت أني بشوف هالغرفه اللي متقلقصين فيها وشفتها والله على عددهم ماادري شلون شايلتهم[emoji3]

المجلس الاخضر مجلس العموم
التفاصيل والدقه اللي فيه عجيبه



المجلس الاحمر مجلس اللوردات



وتنتهي جولة البرلمان



فيديو

https://vimeo.com/201904040



الحديقه المقابله البرلمان اهي اللي يصير فيها مظاهرات



فيديو

https://vimeo.com/201904400

انتهى جزء السياسه




Sent from my iPhone using Tapatalk