3 ايام للحديقتين والتسوق ممتازه

في باصات تسير كل 10 دقايق من الفندق لليورو دزني

واخر باص يرجع بعد العروض

حدقيتين العاب ومطاعم فيهم وفي مطعم فيش اند شيبس

تطلع من الحديقتين تشوف دزني فيلج فيها سينما ومطاعم دزني اللي تقابل فيه شخصيات دزني
وفي ماكدونالد وبيتزا
وفي المنطاد
طبعا في الدزني بتلاقي المحلات التمنوعه اللي تبيع ملابس وتذكارات

التذاكر اشتريهم اول ما توصل الفندق من محل دزني موجود بالفندق على يسار الاستقبال

ارخص من الشباك وتدخلك بدون التوقف في شباك التذاكر


الاوت لت
تطلب من الفندق ان يتصل لك على الشتل للاوت لت
ياخذ منك 5 يورو للكبار ما اعرف اذا في للاطفال او مجانا

ال 5 يورور رايح جاي
يعني يوصلك للاوت لت ويرجعك منها طبعا بينزلك عند مكتبهم اللي بالاوت لت
بعد ما تتمشى بالاوت لت والسوق القريب منه ترجع للمكتب ويطلعونك بالشتل يرجعك من تذكرتك اللي حجزتها بالروحه
يعني لا تضيع التذاكر

وأسأل عن اخر وقت للشتل يرجعك
الشتل عبارة عن تاكسي سيارة كبيرة وممكن احد يركب معاك سواح ثانين
وسلامتك وتقدر تشوف تقريري فيه عن هالكلام كله