انا من راي ابو غسان بطاقة الصراف العادية تستعملها كانك في بلدك بس تخليه يختار عملة البلد اللي انت فيه ( في بريطانيا يختار باوند ) .. ومايمنع مبلغ قليل مره كاش عشان ماتتوهق بالكاش اذا بغيت ترجع وترجع تغيره مره ثانيه وكذا تكون خسرت مرتين !!

- بطاقة الصراف العادية مايحتاج تكون موقع عليها بالخلف اللي تحتاج هي الفيزا ولازم يكون مطابق لتوقيعك بالجواز ويكون جوازك معك وقتها .

- بالنسبة للبنوك السعودية فهي ماتفرض رسوم على استعمال بطاقة الصراف في عمليات الدفع برا السعودية ( حسب تجربتي مع ثلاث بنوك )، باقي الدول مثل دول الخليج ماعندي فكرة فعشان كذا يمكن تختلف الاراء لان انا معي بطاقة من بنك بريطاني ويوم رحت فرنسا استعملتها على العادة مثل مااستعمل بطاقتي السعودية وتفاجاة يوم رجعت بسحوبات كثيرة من حسابي والسبب اللي ماكنت اعرفه ( انهم ياخذون 2.5% ) على كل مبلغ عند الدفع بواسطة نقاط البيع خارج بريطانيا .. فالانظمة تختلف من بلد الى اخر .