الحمد لله على كل حال وفي كل حين

تم إصدار التأشيرات لي وللأهل ... طلع لي 89 يوم تقريبا 3 أشهر وذلك لان جواز السفر من موعد الرحلة به 180 يوم اي 6 اشهر بالضبط ...وللأهل الحمد لله سنة من تاريخ التاشيرة... السبب في عدم تجديدي لجواز السفر هو ان موعد مكتب التأشيرات كان جدا قريب وما يمدي اجدده لان الجوازات ما تجدد الجواز وفيه اكثر من ستة أشهر .. الوضع بصراحة كان فيه مخاطره فأنصح اللي مثلي ما يخاطر ويقدم لان ممكن ترفض ... فالحمد لله على كل حال


وانصح اللي بيقدم على شنغن يقدم على فرنسا ..كثير اعرفهم أعطتهم السفارة اربع سنين بس مهم يكون جواز السفر جديد ...

قصه طريفة لأحد الأقارب في المركز ال :
احد الاقارب يشرح لي وش صار معه عند التقديم قريب ... كان عند قسم الرجال ..ألمانيا.. وطبعا كلهم هنود ... اللي حصل الرجال أخذ رقم واستنى دوره .. اول مادخل عليهم قال كم الرقم ..وراء الموظف الرقم وقال له انت مطول .. فقعد الرجال يستنى أمامهم ... قعد يجي ساعه ونص ... وفجاءة نطت الأرقام في الشاشه من ثلاثين الى شي وسبعين وهو رقمه في الأربعين ويوم يسألهم كانوا بالعشرين ...ويقول جيت الهندي اللي جانب الاول وقلت له ياخي رقمي أربعين وانتوا الحين تنادون سبعين كيف!!! الا يرد عليه الاول ووراءه الزبير معه ...ارجع اسحب رقم ثاني !!!! طبعا الرجال عَصّب وما سكت لهم ... ارتاع الزبير (هههههههه على من يشوف خشته واللي معه ذيك الساعة ...محوم كبدي ) وقال له لا لا لا خلاص انت بعد هذا اللي قاعدين نشتغل معه ...

خلاصة القصة:
1- لا تسكتون عن حق لكم
2- اذا انت ماشي بالنظام هم لازم يلتزمون بالنظام اللي وضعوه وطلبوا من المراجعين الالتزام به
3-لا نتكلم عن وقاحه وبذائه في اُسلوب الجدال ...بل بعقلانية ..بإظهار ان الحق لك وليس عليك وجعلهم يلتزمون حدودهم
4-الاحظ من بعض المراجعين الخوف من الموظفين ...ترى شغلهم فقط جمع الأوراق والبصمات فقط وإرسالها للسفارة ... ليسوا بمانحي التاشيرة ولا لهم دخل فيها

وسلامتكم