شي مؤسف جداً أنه تروح عليك زيارة المسجد .. أنا عكسهم تماماً، ممكن أطنّش أي ترتيبات بس لأزور المسجد في البلد الي بسافر له ..

والشي المؤسف التاني هو المطعم العربي.. انا عندي إيمان كامل بأنه ما في مطعم عربي جيد في أي دولة آسيوية تحديداً، لأنه استحالة يقدروا يلاقوا نفس التوابل والأعشاب الي بتستخدمها في أطباقنا طازجة وبشكل مستمر. يعني البقدونس والكزبرة والنعنع سلع نادرة في آسيا، ونفس الشي الليمون وما شابه .. فكيف ممكن أحصل على طبق سلطة محترم وبطعم يذكرني بالأطباق العربية؟ لا شكراً
وبعدين بيكفي السعر والراقصة ..

انا صدقاً مقاطعة ومبتعدة تماماً عن أي شي بيحمل اسم العرب في سفري.. مش تنصلاً من عروبتي لكن لأنه صار المفهوم دائما ارتباط العرب بشغلات ما بتقبلها.. وكأن الرقص الشرقي تراث عربي أصيل لازم تشوفه في مطعم عربي ..


الأسواق واضح ضخامتها .. نفس سؤال فهد عن جودة البضائع..



الآن انتبهت لردّك ..

انطباعي عن هونغ كونغ نفس الشي فالبلد جميلة جداً وطبيعتها خلابة، الناس منظمين بشكل خرافي - عبور الشارع بالدور والمشي في محطات المترو منظم بمسارات واتجاهات .. كل شي فيها منظم ومرتب

لكن انا كرهت عنصرية الشعب وعيونهم الي بتنطق بالكره - ما بعرف ازا كان هالشي لاني مختلفة عنهم أو لأني عربية أو مسلمة .. المهم انهم عنصريين على نطاق واسع من عامل النظافة وسائق الباص حتى المدراء والمسؤولين الي التقيت فيهم بالشغل ..






بانتظار حديقة الحيوانات والباندا..