❤ ماليزيا بالبهارات الاندونوسيه اوغست 2016 ❤

HUNTER · 18-08-2016, 02:23 PM

اليوم الثاني

الله يصبح هالوجيه الحلوه بكل خير

فتحت شنطتي الكبيره طلعت شنطه لظهر كتكوته خفيفه حطيت فيها ملابس السباحه والمناشف لي انا والبنوتات

اخذنا دش بسم الله نزلنا على الفطور وزي ما اسلفت افطار مقبول اليوم الثاني عدد الخليجين اكثر من الي

قبله وطبعا يوم احد يعني الصن وي فللللللل وبالمناسبه حبيت اشكر اخونا هاااي مزمز لاني قريت في كم رد

ينصح ببرنامج جراب للمواصلات بس صاحبكم الله مسهلها عليه من فوق نزلت برنامج قراب بس لسيارات

الخاصه. و فيه برنامج ثاني اسمه جراب تكسي المهم قلت

خلني اجرب ماني خسران شي وفعلا فعصت فيه شوي ولا يقلي اصبر 4 دقايق التكسي جايك طبعا يوضحلك

خشت السواق و في اي طريق و وين موقعه صراحه روعه

وهذي صورة البرنامج الي استخدمته

‏

وبكم يا حبيبنا جراب قال 9 رنجت وجانا ذاك الشويب قلت شكله متقاعد المهم رحنا ووصلنا بس والله تغيرت علي انا

جيتها 2012 اشياء الغوها و اشياء جديده بس الاغلب نفسه اصلا يلا دخلت لاني متعود ادخل من الصن واي

والمره هذي جيت من عند الدوار حتى مول البرايمد صار كبير والله اني سألت الين خرجت من البوابه البرتقاليه

المهم صاحبكم مزبط نفسه اخذ التذاكر عن طريق موقع اسيا ترفل اقل من 3 سنوات بلوووشي واحنا 3 حسبوها

ب 261 رنجت دفعتها بالفيزا و يوم جيت الشباك التذاكر. اختلف لونه لانها من عندهم الكبير ب 150 فالنت

ب 96 رنجت و الصغير 69 رينجت اول ما دخلنا طلعت هذي اللعبه مدري قدور ولا

فناجيل قهوه مدري المهم بنتي الصغيره الله يحفضها من نظرتها كأنها تقلي الحين انت تمزح ولا وش الموضوع

هههههههههههههههه وهذي الصوره

‏

طبعا الالعاب مره قليله مو مره كثيره اقصد الالعاب الكهربائيه

المهم رحنا على حديقة الحيونات و الطيور

‏

وبعدها انطلقنا على الالعاب المائيه وهاتك زحلطه وهنا شغلو اغاني غربيه وحركو الامواج ودك تطمر حتى لو

ما تعرف تسبح من الحماس

طبعا تزحلطنا انا و البنوتات 😂😂😂😂😂 ومن 10 تقريبا الين 4 واحنا اخذين وضعية الضفدع والله ما

طلعنا الى من الجوع هلكنا رحنا اخذنا دش وغيرنا و دخلنا مري براون الي في نفس الصن وي في نفس

البارك لان كان له ذكريات حلووه في 2012 والحمد لله عالنعمه قسما بالله اني اول مرره كبدي تلوع قبل الاكل

المطعم انا اعرفه اكله لذييييذ بس هذا الفرع معفن الله يكرم النعمه والله يوم تقرب الدجاج عشان تاكله ريحته

كأنه مذبوح ومقدم بدون طبخ صدعت و الاهل جاتهم حاله نفسيه هههههه

المهم وخرجنا الى البرايمد ولفينا فيه شوي و كان فيه مسابقة اسيا لتزلج على الجليد طبعا ما صورت الزحلطه

وجلسنا في بيتزا هت وطلبنا غدا من جديد وطبعا انتهينا و طلعنا من البوابه البرتقاليه وطلعنا خوي دربنا جراب و

فعلا 3 دقايق و السواق جاي ورجعنا للفندق و بكم ي جدي قراب قال المره هذي عليه قلتله لاااا ما يصير قلي

عشان ما تزعل 8 رينجت قلنا يلا مافي مشكله رجعنا الفندق وهنااااااااااااا الخبر الي كنت بقلكن عليه

طلعو الاهل الغرفه و انا قلت اشتري اغراض من السوبر الي موجود في المول وقلت ي ولد اليوم اخر يوم خذ لفه

وبري ذمتك من هذا المول و اول ما اطلع لدور الثاني

الا وصاحبنا هذا موجووووود

‏

و المفاجئه الثانيه ناس كثير سألت عن اوت لت في كوالا ولقيت هذا في الدور الاخير براند اوت لت واسعااااااره

3 قطع ب 50 رنجت وهذي الصوره

‏

المهم نزلت واذا بتلك الريحه الي تجعل لعابك يسيل من زكاوتها المهم عباره عن كشك في الدور الارضي عندهم

حلا خنفشاري المذاق مجنون الشكل

‏

و ي بلاش 6 حبات ب 29 رنجت

‏

طبعا وكانت اخر ليله ليا في سلانجور نمت و صحيت ما نزلت من الغرفه الا والشناط مقفله وراصها قدام الباب عشان ما انسى

شي بس نسيت دلة القهوه فالدولاب ههههههههه بس فدا مو مشكله المهم فطرنا و بعددالفطور

التشك اوت وكان جدا سريع وفعلا نزلت في الوبي 9:40 دقيقه وفيها مخااااطره ان ما عندي سواق بس خويكم

صامل مع برنامج جراب والله هو الي ميسر اموري اولا و اخرا حددت الاتجاه مطار klia2 و بصراحة اتفاااجئت

بالمطار جديد و نظيف ومرتب وشي يفتح النفس وتكلفة التوصيل للمطار ب 75 رنجت والميزه في هذا التطبيق

كل الي يجونك يتملمون انجليزي طيب ي عم هنتر على

وين الهمه نقلكم بكر بإذن الله

ملاحظه

اعتذر عن قلة الصور ولاكن الموضوع صعب لكتابة تقرير

عن طريق الايفون

تحياتي

himzmz, A.Alsubhi, مجدي و 17 آخرون معجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
❤[ قائمة أفضل الأماكن لقضاء شهر العسل ]❤	السفيرة ب	بوابة الامارات	72	26-09-2018 02:04 AM
عاشقه تعشق معشوقتها تـ ❤️ ا يـ ❤️ لـ ا ❤️ نـ د	ليمونه حزينه	بوابة تايلند	90	07-05-2018 11:06 AM
❤ السياحة في دولة الإمارات العربية المتحدة ❤	السفيرة ب	بوابة الامارات	20	09-10-2015 04:02 AM
بليزززز ساعدوني لو تكرمتو بترتيب جدول للشمال التركي ❤❤	to0fe140	تركيا	11	02-09-2015 06:45 AM