04-10-2016, 12:38 AM
|
#1 |
مسافر فعّال
تاريخ التسجيل : Jan 2015 رقم العضوية : 1004 الجنس : ذكر المشاركات : 1,093
| أوسـمـة: Fahd |
كل الاوسمة:2 (more»)
| | 
لــــــــــنـــــــــــــــــــــــــــــكــاوي Langkawi (6 أيـــــــــــــــــــــــــــــــام)
الــــــــــيـوم الأول: وصلنا لنكاوي بحمد الله الساعه الواحدة والنصف ظهرا تقريبا بعد رحلة طويلة استغرقت 19 ساعه منذ خروجنا من البيت إلى وصولنا لمطار لنكاوي, شملت 3 رحلات (الدمام-الدوحه, الدوحه- كوالا, كوالا- لنكاوي) و 4 مطارات, والأمر بلا شك متعب للكبار فما بالكم الصغار, ولكن هو تعب مؤقت ينتهي مع الراحه خصوصا إن فترة بقائنا في لنكاوي كانت كافيه ولله الحمد, وهذا السبب اللي ما خلانا نوقف في كوالا من الأساس لأني كنت مستثقل نقعد فيها يوم ونرجع للمطار اليوم الثاني لأننا نبغى كوالا آخر المحطات والرحلة إلى لنكاوي ساعه واحده فقط. ساعدنا كثيرا نوم الأطفال في الرحلة الأطول (الدوحه-كوالا .. 7 ساعات) وإن كنت شخصيا أعاني من قلة النوم في الرحلات الجويه إلى حد عدم القدرة على النوم مطلقا وسبق أن بقيت مستيقا طوال رحلة امتدت قرابة ال 17 ساعه من جدة إلى لوس انجلس  والحمدلله على كل حال. لكن الحمدلله قدرت انام شوي في رحلة الساعه بين كوالا و لنكاوي (هو أنا دريت عنها اصلا هههه ماصحيت إلا على صوت هبوط الطائرة).
نزلنا من الطيارة وشخصيا أحب المطارات اللي تروح مشي للصالة لاباص ولايحزنون, ورحت على طول لأكشاك تأجير السيارات واستأجرت السيارة كما وضحت في الأجزاء السابقة, ومن ثم اخذت العفش وتوكلنا على الله. خلال استلام السيارة, لاحظت محل العصاير اللي موجود خارج الصالة وأنا لازال اتذكر طعم عصير البرتقال بالجزر من محل العصاير الموجود في الدور الأرضي في التايم سكوير (وكل من راح كوالا قلت لايفوتك ذاك المحل ) وطلبت منه عصير الجزر.
شغلت القوقل ماب وتوكلنا على الله وكان الجو مغيم والمطر هتان واتجهنا مباشرة للفيلا اللي حجزناها, كانت القيادة وسط الجزيرة الإستوائية والأجواء الغائمة ورؤية المحلات والسكان المحليين للجزيرة كل ما اقتربنا من الفيلا (وهي تقع في منطقة ريفية) أمر ممتع لنا ومدهش لولدي سعود لأنه يرى شيء جديد تماما لم يكن يشاهده سوى في التلفزيون أو القصص.
كان استلامنا للفيلا سهل ولله الحمد مجرد اتصلت على المسؤولة عنها (ارسلت لي صاحبة الفيلا رقمها عن طريق الموقع/التطبيق Airbnb) وخلال دقائق جاتنا وسلمتنا المفاتيح وشرحت لنا عنها بشكل مبسط واش اللي هي ممكن تساعدنا فيه. ذهبنا مباشرة بعدها لإستكشاف المنطقة المحيطة والبحث عن السوبرماركت وكان فيه محل قريب اخذنا منه بعض الأغراض لكن مالقينا كل اللي نبغاه وصرنا نمشي من محل لمحل على طول الخط المتجه لـ كواه وخلال ذلك الوقت اتصل اخوي قال حنا وصلنا قلت الحمدلله على السلامه وحنا بالإنتظار وكلنا شوق لرؤيتهم.
لم يكن لنا تخطيط لأي نشاط في اليوم الأول لأن متوقعين الكل جاي تعبان بعد الرحلات الطويلة وما جات الساعه 8 إلا الأغلبية ما تسمع لهم صوت ..
|
|  |
1114الاعجاب
العرض المتطور
المواضيع المتشابهه 
