28-11-2016, 10:35 PM
|
#11 |
مسافر فعّال
تاريخ التسجيل : Jan 2015 رقم العضوية : 1004 الجنس : ذكر المشاركات : 1,093
| أوسـمـة: Fahd |
كل الاوسمة:2 (more»)
| | 
الــــــــــيـوم الســـــادس:
كان هذا اليوم قبل الآخير لنا في لنكاوي حيث أن رحلتنا إلى بينانغ سوف تكون ظهر اليوم التالي. كنت مخصص هذا اليوم لسعود للذهاب به لحديقة التماسيح والأكواريوم وتعمدت تأخيرها لهذا اليوم لأن الأغلبية لم يكن متحمس لها وبالتالي ماودي يضيعون وقتهم فيها وكان لهم تخطيط لبعض الأنشطة الأخرى كالسيارات karting والقفز المظلي الحر sky diving أو ال paragliding .. لكن وخلال الصباح كانوا اخواني تعبانين من المجهود اللي بذلناه في اليوم السابق وفضلوا يرتاحون للظهر .. لذلك عرضت على الوالدة واخواتي يصحبونا لجولة سعود هههه وقالوا يالله .. توجهنا في البداية لحديقة التماسيح ومن ثم للأكواريوم وأخيرا للمطعم الجميل "صقر" ..
حـــــديقة التمــــاسيح
Crocodile Adventureland
# كانت موجودة على نفس الطريق المؤدي للقرية الشرقية .. وصلنا هناك عند الساعه العاشرة صباحا وكان المكان شبه خالي ..
# كان يوجد عدة عروض لتذاكر الدخول ومنها الجولات بالمرشد .. ولكنا اخترنا التذاكر العادية .. كان سعر الكبار 25 رنقت والصغار 20 رنقت ..
# كانت الجولة بصراحة ممتعه لنا كلنا على عكس اللي توقعته تماما .. عدد التماسيح الموجودة كبير جدا ..
# بإمكانك إطعام صغار التماسيح حيث كان سعر أكياس الطعام المجمد في حدود 5 رنقت ..
# كان يوجد عرض لإطعام التماسيح الكبار ولو ان مافي منطقة مخصصة للجلوس وانما يلتف الناس حول الشبك ..
# التجربه الأجمل كانت في الدخول في قفص مخصص لحمل التماسيح والتصوير معها .. كان يوجد تمساح صغير بطول متر وأكثر قليلا وتم إغلاق فمه بشريط لاصق .. عرضت على سعود وتحمس لما شاف ناس قبلنا .. كان المبلغ 20 رنقت لنا كلنا تدفعها للعامل في نفس المحل .. اول شي يخليك تجلس ويحطه على رجولك وبعدين توقف وتشيله .. هو يصورك أو انت تخلي احد يصورك بالجوال على كيفك .. لكن لابد من التركيز في الأماكن اللي المفروض تمسك التمساح منها .. والعامل بصراحة ما كان مقصر .. لكن في غفلة مني تركت ذيل التمساح والتف بسرعه وضرب سعود ضربة قوية نوعا ما ولكن الحمدلله من دون إصابات .. اكل سعود الفجعه بلحظات صمت ومازحته بشكل سريع حتى ينساها هههههه وقعد يسألني "بابا ليش ضربني التمساح" .. "لأنك انت قوي مرة ماشاءالله وخاف منك" .. استغفر الله العظيم ..
#كان يوجد مقهى داخل الحديقة لكن ما جلسنا فيه بسبب الرطوبة العالية ويوجد مطعم كذلك أغلبية الأكل ماليزي ومحل لبيع الهدايا ومحل لبيع منتجات جلود التماسيح (حقائب ومحافظ شخصية وغيرها) ولكن أسعاره مرتفعه .. وكانوا يبيعون لحوم التماسيح بالكيلو (اعتقد كان 38 رنقت للكيلو) ..
|
|  |
1114الاعجاب
العرض الشجري
المواضيع المتشابهه 
