28-11-2016, 10:35 PM
|
#11 |
مسافر فعّال
تاريخ التسجيل : Jan 2015 رقم العضوية : 1004 الجنس : ذكر المشاركات : 1,093
| أوسـمـة: Fahd |
كل الاوسمة:2 (more»)
| | 
مرور لنكاوي ..
حاميها حراميها
هذا الموقف اذكره من باب الأمانه في نقل التجربه كاملة, لكن أتمنى أن لايكون سبب لتراجع أي أحد عن تجربة استئجار السيارة وإنما هو توثيق لتجربة يستفيد منها البعض في كيفية التعامل لو واجهه نفس الأمر. النص أدناه كتبته في يوم الحادثة حتى لا أنسى التفاصيل: رغم تجولي في كامل الجزيرة على مدى الأيام الفائته .. لم يكن الجزء الواصل بين القرية الشرقية وشاطي سينانج له نصيب, بعد انتهائنا من حديقة التماسيح توجهنا للأكواريوم وبعد تجاوزنا المطار من الجهة الغربية وعلى بداية دخولنا لشارع شاطيء سينانغ كان هناك نقطة تفتيش ..
طلب الرخصه .. اعطيته .. طلب الاستمارة .. اعطيته ..
نظر إلى السيارة وكأنه يريد أن يستحضر شيء في باله ..
قال هذي ايجار .. قلت ايه .. قال وقف على جنب .. قال هي غير مرخصه للتأجير !!
والله ياعزيزي استأجرتها في وضح النهار من مكان رسمي وهذي ليس مشكلتي بل مشكلة الشركة وسلطات المطار اللي سمحت لهم ..
قال اعرف انه مو خطأك .. بس ما تقدر تسوقها .. كلمهم يجوون يغيرونها !!
قلت وش ذنبي يضيع وقتي على خطأ غيري ..
قال ما اقدر اخليك تروح ..
كلمت الشركة واعطيتهم يكلمونهم وقال ربع ساعه ويجوون ..
كنت متوجسا من أمر .. انتظرنا قليلا ..
كان الجو شمس وقالت الوالدة لو ترجع السيارة شوي يجينا ظلال الشجرة .. قلت ابشري ..
ناديت عليه .. قلت لو سمحت احتاج ارجع السيارة ورى تحت ظل الشجرة عشان معاي عائلة واشعه الشمس قوية ..
قال لا لاتتحرك ..
اعطيته نظرة استغراب ..
قلت انت فهمت وش اقول ..
قال ايه .. بس لاتتحرك وجا يسحب المفتاح ..
لاشعوريا مسكت يده وقلت it is not your right ..
سحب يده مباشرة وقال لاتحرك السيارة ..
قلت لاتخاف ماني رايح مكان لكن بطريقتكم هذي تعكس لي صورة سلبية عن لنكاوي ولا أعتقد افكر ازورها مرة ثانية .. (لا أقولها جادا لأن لنكاوي ماوقفت عليه)
قال واحد منهم its up to you ..
قلت of course ..
قال مهددا بصوت بالكاد سمعته do you want to go to police ..
قلت I haven’t done anything wrong and I’m not gonna go anywhere ..
واذا زودتها بكلم سفارة بلدي وقفلت نافذة السيارة ..
بعد دقائق جا شخص يدور حول السيارة لين وصل عندي .. سلم علي ..
قلت انت من الشركة قال ايه (وأنا شاك في أمره) ..
قلت وش سالفتهم ..
قال يبغون فلوس !!! (وهو احساسي من البداية )
قلت shame on them .. المسلم مايسوي كذا (أول واحد اسمه محمد رسولي) ..
قال انت كنت رابط الحزام !!
قلت اكيد رابطه وابشرك شوف الوالدة بجنبي رابطه الحزام !
قال خلاص اعطيني دقايق ..
خلال نقاشي معهم .. كان فيه شخص بلبس مدني (عرفت لاحقا أنه هو الضابط وأن الأفراد الموجودين شركة تعمل لصالح المرور _ بنفس طريقة ساهر ونجم عندنا) . كان هذا الشخص يذهب إلى سيارة الشرطة ويرجع باستمرار وياخذ منها أوراق ويرجعها .. ذهب مندوب الشركة المزعوم له وجلسوا يتكلمون ورفعت الجوال بطريقة كأني اتكلم على السبيكر وصورتهم ..وكأنهم حسو بالشي هذا وعلى طول اعطوني مقفاهم وكان في نظرات ارتباك منهم .. ثواني الا صاحبنا واللي معاه يأشرون لي روح .. قلت هات العقد .. اعطاني العقد ومشيت .. اخذ الموضوع حدود ثلث ساعه وانتهى كليا وهو ماجعلني لا أطور الأمر بالشكوى رسميا أو التواصل مع السفارة .. وبرغم أن الأمر ضايقني وقتها قليلا لكن لم يضايقني أكثر من كون من فعل هذا الأمر هو مسلم وليس صيني أو هندي خصوصا وأننا نحترم الماليزيين كثيرا في تدينهم وكونهم قدوة حضارية ولكن لكل قاعدة شواذ ..
ويبدو أن الأمر مألوف خصوصا عندما يرى الموظفين الحكوميين كيف يجني عمال السياحه الكثير من المال فيحاولون مشاركتهم عن طريق استغلال السلطة .. أقول هذا الكلام لأن تذكرت بعدها نفس الموقف صار معي 2009 عندما زرت لنكاوي مع زوجتي وكنا متجهين مع سائق التاكسي لرحلة المنغروف .. أوقفتنا الشرطة وذهب السائق يتحدث معهم قليلا ورجع .. سألته وش مخالفتك .. قال يقولون غير مصرح لك بنقل السياح لكن اعطيتهم فلوس وانتهى الأمر!
كنت اسأل العديد من السائقين لاحقا عن هذا الامر .. كان الغالبية منهم يضحكون ويقولون نفس الشي .. يبغون فلوس .. لكن خذ اسمه ورقمه الوظيفي واشتكيه إلى الإدارة الأم في كوالالمبور لأن لو اشتكيت لنفس المركز الموجود في المدينه قد يكونون على نفس المستوى من الفساد, لكن السائق (عبدالرحمن) في كوالا هو من أخبرني أنهم شركة متعاقدة وليس المرور نفسه ومسؤوليتهم محدودة في الرخص وتسجيل السيارات وعندما عرضت عليه الصورة قال الرجال اللي بالجينز هو ضابط المرور.
كما ذكرت في البداية .. هذا الأمر أرويه للإفادة وتبيين مقاصدهم وحتى تكون التجربة واضحه للجميع بكامل تفاصيلها .. كنت جالس في السيارة طول الوقت ولم أفكر في النزول أبدا ولم أكن مرتبكا ,ولم أجادلهم (من دون أي تجاوز لفظي عليهم) إلا لعدم ارتياحي لوضعهم من البداية .. وأعيد وأكرر إن هذي الحادثة لن تمنعني عن نصيحه أي شخص من تجربة القيادة هناك .. |
|  |
1114الاعجاب
العرض الشجري
المواضيع المتشابهه 
