| | |||||||
مـواضـيـع مـمـيــزة
- ‹( من القطب الشمالي .. هنا فنلندا )› بقلم : فتى دمشق
- ‹(( أُوسَاكا + نَارَا + كُيُوتُو + طُوكيُو ) - يُوليُو 2024 )› بقلم : Boarding Pass
- ‹( هُنا إمبــــراطـــوريـــة اليــابــان )› بقلم : q8ya metnaqla
- ‹( كتكاته في لندن أبريل 2025 )› بقلم : كتكاته
- ~|[= مهرجان التوليب في اسطنبول - ابريل 2025 =]|~ بقلم : نـــواف
2133الاعجاب |
| | LinkBack  | أدوات الموضوع | انواع عرض الموضوع |
17-09-2016, 02:43 AM
| #1 | ||
| مجلس الإدارة   تاريخ التسجيل : Dec 2014 رقم العضوية : 26 الدولة : حبي الكويت الجنس : انثى المشاركات : 25,874
|  وتبقى لندن عشقنا
وتبقى لندن عشقنا بسم الله الرحمن الرحيم أعضاء أحلى وأغلى منتدى سياحي منتدى العرب المسافرون هنا توجد جميع روابط الاجزاء مرتبه بدون المشاركات https://www.arabtrvl.com/vb/t22099-56.html بداية التقرير الحجز ومطار الكويت الطيارة مطار لندن هيثرو راح أبدأ تقريري لسفرتي للندن بسرعه علشان لا اتكيسل واتأخر في كتابته يمكن بين الاجزاء اتأخر بس بيكون عندي حافز اكمل وهو تفاعلكم اللي دايما يعطيني القوة علشان أكمله لكم وبدايه سامحوني ان تكررت معلومة او صورة او الصور غير واضحة وبعد تعرفون انا قرقه واحب اسولف وايد واحط تفاصيل التفاصيل فاعذروني هذا طبعي وما اخليه ابيكم تكونون بالصوره معاي لكل خطوه وسالفه وتعيشون اللحظه . خلاص خل ابدأ حجزنا كان من شهر فبراير سبعة أشخاص على الطيران البريطاني بسعر 1500 دينار كويتي ليوم 17 أغسطس الى يوم 5 / سبتمبر وهذا رقم الحجز للطيارة والموعد وفيه التفاصيل لوزن الجنط وكم عددها ومقاسات الجنطه اللي بتدخل الطياره طبعناه احنا طبعا الروحه  والرجعه  وشرييت هالميزان   وجهزنا الجوازات  وحجزنا الفنادق وما تم السحب الا للفندق الأخير 20 وقبل الوصول بعشرة أيام تم سحب كامل المبلغ لهذا الفندق الأخير وطلعنا الفيزا اللي اهي اعفاء الكتروني قبل السفره باسبوع وكانت اسهل منها مافي طبعا بعد تتبع الخطوات اللي كتبتها لنا مشرفتنا ابرار بموضوعها بهذا الرابط http://www.arabtrvl.com/vb/t16270.html بعد ما يتم اكمال الكتابه وارسال البيانات يتم خصم 15 باوند لكل اعفاء الكتروني احنا كلنا بالغين الخصم من كرت الفيزا نفسه للي حاطين رقمه يعني لجميع التأشيرات السبعه تم خصم = 105 باوند تقريبا = 49 دينار كويتي من نفس الكرت وطبعنا اوراق الفيزا " التأشيرات " وحطيتهم مع الجوازات وهذه الورقة  وشايفين بس لستة شهور رحلتنا كانت الساعه 8،25 صباحا يعني لازم نروح قبلها بثلاث ساعات لأن الزحمة غير طبيعيه مثل ما سمعنا رحنا وهناك حبينا ناخذ كرسي رجال الأعمال واحد لولدي وقالو لازم ندفع 400 دينار واخذنا واحد واحنا نعمل الاجراءات قاموا يعرضون علينا اذا اخذتوا 5 كراسي درجة رجال الاعمال نعطيكم كرسيين مجانا قلت لهم لا مانحتاج وراح المضيف ...والمضيفه تقيس وزن الجناط والا يرجع يقول اخذوا اربع كراسي ونعطيكم 3 كراسي مجانا قلت له مشكور ما يحتاج المهم عطونا مع الكرسي دخول للندن سريع لصاحب الكرسي الكاونتر للبريطانيه  جناطنا سبعه  والوزن وعلى السير للطياره على فكرة احنا وازنينهم بالميزان بالبيت ميزان الجناط شريته من لولو هايبر بسبعة دنانير وايد استفدنا منه  وخليكم من جدر بوحسين هههههه قلت له حط له بلاستيك ما حط وقالو عادي جذيه يدخل المسموح والممنوع   وهذا لعروضهم اذا سويتو الابجريد  خلصنا اجراءات التشيك ان واخذنا البوردنق وتوكلنا دخلنا الى البوابات والسوق الحره ولازم اصور لكم عاد هني لوحة المواعيد شايفين طيارتنا ليش طلعت امريكان ايرويز واحنا البريطانيه نفس البوابه والموعد  جوازاتنا والبوردنق  ثلاثه اخذوا جوازاتهم وراحو ياكلون ههههه نصور لكم من المطار    هذا من السوق الحره الصغيرون   اللي بياكل بلاونج رجال الاعمال قال حسين مابي خل يروح ابوي رااح بوحسين وهذه صوره بالغصب صور لي ههههه يلا يكفينا 3 صور من بوحسين   وهذا اختياره  والبنات راحوا صالة الماستركارد وهذا تصويرهم    وهذا ريوقهم  وانا مع حسين ومدامته ودندونه اخذنا من هالكافيه اخترت هالسندويشة بالجبن مابي دسم يعني  واختارت دانه هذه قال لازم تاخذون ثنتين مع بعض قلت عادي  وهذا ريوقنا   بعد الأكل والراحة قعدنا عند بوابتنا لحد ما دخلونا والناس صارت تتيمع وهني لازم نصور طيارتنا قبل لا نصعد    نادونا وصعدنا والكل بمكانه واحنا صارت يمنا وحده قاعده عند الدريشه وكله نايمه طول الرحله طيب نبي نشوف شي هههه ماكو تعليمات السلامة https://youtu.be/BxovlBuvg54 https://youtu.be/aB5U8ECsd9s وهذا مسار الخط https://youtu.be/NntaGQ8kvBQ هذه معلومات الرحله  المهم الحمدلله عندنا شاشات نشوف الخريطة وافلام  وانا شفت فيلم Room فايز بجائزة بالأوسكار خوش فيلم  ووصلت وجبة الريوق اومليت بالخضروات   وطبق بيض بالنقانق طبق غنومه  وبعد ما شفت الفيلم نشوف معلومات الرحله     قعدت اقرا تقرير دينا بعد ما كنت مصورته جم صفحة ما استغنى عن منتدانا الغالي   خلصت تقرير دينا وللحين ما وصلنا   قلت ما يبيله خلاص سودوكو  وانهيتها شوفو شاطره صح  ما بقى الا القليل  طول الوقت ما نمت لأننا كنا نايمين عدل ليلة السفرة وهذه من مجلة الطيارة اسمي احم احم    وكل شوي اشوف جم باقي المهم قبل لا نوصل بساعه وشي وزعوا علينا مشروبات وكاكاو او بسكوت سناك خفيف جداااا شوفوه   ومالي خلق اشوف افلام بعد  واخيراا تحركت اللي عند الدريشه وقامت وبس راحت فتحنا الشباك وقلت لدانه صوري لي تحت    وعقب ما ارجعت شافت الدريشة مفتوحة خلتها لنا ههههه       واخيراا وصلنا طلعنا عند البوابه في سيارات الغولف تنقل المحتاجين للنقل من الكبار والمرضى وركب الولد وزوجته مع عايله وراحوا دخلوهم لكاونتر الجوازات للمرور السريع المفروض احنا نروح معاهم بس ما شفناهم الا بعد ما وقفنا بالطابور بس يمشي الدور ههههه معانا هالمجموعه الحلوه يا ابرار تذكرتج  واحنا رحنا مع الناس ولحد ما وصلنا المترو اللي ينقلنا للترمنال   طلعنا لقينا ربعنا قاعدين عند سير الجناط اخذنا جناطنا وطبعا لا تنسوون الباوندات للعربات انا مزهبتهم عندي من السفره القديمه كل عربانه تفتح بباوند   اخذنا ثلاث عربانات ويلا  هذا تيرملنا  وبعدها طلعنا لقينا واحد شايل ورقه بأسم بوحسين رحنا له واخذنا معاه لمواقف السيارات وصعدنا لهم باللأصنصير هني صور بالساحة واحنا ننطر الاصنصير   صعدنا وشوفو المكاين بيبسي وماي وصرافة   للبحث عن سيارتك  صعدنا الجناط وكلنا بالسيارة مع جناطنا الجناط بالدبه وبوحسين عند السايق واحنا كلنا ورا السياره كبيره اخذ من عندنا 70 باوند رقم موقفنا   من وين حصلنا السايق وهو يمني الجنسية الله يسلمكم هذا ارسلوه لنا اهل المكتب اللي اجرنا منهم الشقة واخيرا نزلت جنطتي من ايدي ههههه للحين عليها مالت الطياره  رجعنا العربانات واذا دخلتوهم ترجع لكم الباوندات  نزلنا من المواقف فرررت روسنا  وهذه صور من الطريق وكان الجو حار والعالم كلها طالعه وزحمة حتى مرينا بالهايد بارك مزحووومة من الناس انجليز وعرب واجانب وأسيوين شفت الحب الأحمر    الفنادق القريبه من المطار ياكثرها       
| ||
|  |
|
17-09-2016, 02:44 AM
| #2 | ||
| مجلس الإدارة تاريخ التسجيل : Dec 2014 رقم العضوية : 26 الدولة : حبي الكويت الجنس : انثى المشاركات : 25,874
| وتبقى لندن عشقنا
وصلنا شقتنا الأولى اشلون حجزنا هالشقه ؟؟ كنا حاجزين شقه بالكوينز واي وقبل السفره بشهر شافو العيال التقييم لها ومع التعليقات لقوها انقلبت لذم وتخوفوا منها وخاصه ان اهم شي ان مافيها مصعد وقمت أسأل الربع بالمنتدى وارسل للمكاتب اللي عارضين خدماتهم بتويتر والانستقرام عن شقه ومحد رد علي من هذه المكاتب الا بيوم وصولنا ههههه قلت لهم خلو خدماتكم لكم أجرنا بافضل منكم المهم ما حصلت وصادف وجود عم العيال بلندن ووصيناه يشوف لنا شقه بالمواصفات اللي نبيها ولقى لنا طبعا لان الوقت قريب والمكان بشارع العرب وزحمة سواح حصل لنا شقة خلف الماريوت بالاجورود وهني تصويرهم للشقه https://youtu.be/fS6y5wnKAAI   وعنوانها من الرسايل اللي توصل للشقه يوميا استفدنا من هالعنوان  هذه العماره  الباب الرئيسي من الداخل ما يفتح الا من جهاز الشقه وبالرقم للشقه عند الباب امان يعني  ندخل وهذا الاصنصير بعد الدرج    تتكون من ثلاث غرف وحمامين وصاله ومطبخ وغرفة خادمه مع حمامها بسعر باوند لمدة أسبوع اضطرينا نحجزها بعد شنسوي الغرفه الرئيسية كبيره وحمامها كبير للأسف ما صورت هالغرفه بالذات غرفة الولد وهذه صور الشقه نبدأ غرفة الخادمة للي عندهم خادمه تنفع    تكرمون حمام هذه الغرفه وهو اللي استغليناه  وهذا دوشها صغيرون  تفتح على المطبخ وهذا بابها  وهذا المطبخ وادواته  المغسله تطل على بلكونة صغيره لغرفة الخادمة والحوش الداخلي للمبني     فريزر  ميكرويف والخزانه اللي تحت اهي الفريزر اللي بالصوره فوق  غسالة المواعين  وهذه الصالة   وطاولة الأكل على يمين التلفزيون  بين المطبخ والصاله ممر يوصل من باب الشقة الى الغرفه الرئيسية وعلى جوانب الممر يكون المطبخ على اليسار وبعده غرفة بسرير كبير وحمام داخلي  وهذا الحمام   ومن جهة اليمين للممر قلنا الصاله وبعدها غرفه البنات وكانت كبيره وراهيه  بعد ما ريحنا طلعنا انا والبنات والشباب ظلوا يتابعون كره وبيطلعون بعدها بشارع اجور رود يتمشون انا والبنات عبينا كروت شبكة 3 كل المكالمات الداخليه مجانيه والنت ل 4g بس مو دايما بسعر = باوند او اقل مادري بس مو اقل من سامحوني الزهايمر شغال ساعات يصير 4g والأغلب 3g وتراه حليو مو مثل ليبارا عندي احسن مادري احبه ذاك ههههه مع ان هذا تمام معاي نعبي الكروت   وعبرنا الشارع وتذكر لوك رايت  ورحنا بعدها لهذا الدكان وشرينا كروت للباص بسعر باوند لمدة اسبوع مع الكرت طبعا  ومشينا الى اول محطة باص بعد الكمبرلاند وصعدنا الباص الى ....عندنا موعد سينما " اودين " يشتغلون في العماره وتجديد  ومرينا على حبيب القلب بس ما دخلناه  وصل باصنا وركبنا  الى هني ونزلنا    نزلنا في منطقة سوهو ماعرفتها الا من افكيت السناب رايحين الى .......... شوفو صور الطريج مشي الى موعدنا كابينة تلفون بالواي فاي  لاحظت كثرة قواري التوصيل للمطاعم  صاروا شعب كسلان مثلنا هههههه   وصلنا مبتغانا وهو العرض المسرحي علاء الدين على مسرح الأمير ادوارد  ولحظات تصوير   هذا المصباح وصندوق المجوهرات حاطينهم بره للتصوير   وهذا رابط المسرحيه Aladdin The Musical – Disneyâ€[emoji769]s official site for tickets and information for the new West End musical ALADDIN in London! Now open at the Prince Edward Theatre. حجزنا لها قبل السفرة بشهرين تقريبا ما حصلنا الا اول يوم وبهذا السعر 263 £ = 108 دينار كويتي رحنا مكتب الاستقبال وقص التذاكر  عطيناهم ورقة الحجز وعطونا التذاكر العرض يبدأ الساعه ،   عطونا التذاكر هذه      وقالو لنا مدخلكم بهالمكان شرينا كولا ونفيش علب   وهذا افكت السناب لمنطقة سوهو  وقعدنا ننتظر الدخول للعرض والناس كلها تنطر اللي بره واحنا صعدنا المكان صغير وفي بلكونه فيها ناس تنطر بعد  وحاطين هالاكواب البلاستيك وغراش ماي ضيافه منهم يعني  تصوير من صالة الانتظار وفي بار جدامنا ويبيع بعد بيبسي ونفيش وكاكاوات وغيرها تصوير من صالة الانتظار وفي بار جدامنا ويبيع بعد بيبسي ونفيش وكاكاوات وغيرها   دخلونا بترتيب وقالو لنا التصوير ممنوع اذا بدأ العرض وحتى لو تفتح التلفون بتكتب او ترد على اي احد اثناء العرض ايوونك ركضه يقولون لك طف الموبايل وهذا اللي صورته بس قبل البدء  المسرحيه رووووعه شويه عليها انا فاتحه حلجي ومستمتعه جداااا فيها صج مكانا فوق بس نشوف كل شي واضح العرض وتفاعل الجمهور يعيشك الجوو استانست وايد كان في استراحة بنص الوقت بعد ما استمتعنا بالمسرحية طلعنا والوقت ليل تقريبا الساعه ١٠،٣٠ ومشي سريع من البنات للوصول لمحطة الباص خايفين من اشكال البنات الاجانب بهالمنطقه وخاصه بعد سمعة منطقة سوهو والمحلات الموجوده هناك واعلاناتهم لووعه المهم الحمدلله احنا بالاجور رود الساعه ١١ وتعشينا بماك وكنا حدنا تعبانين ويواعه ماكو غدا وعلى النفيش والكولا  تعشينا ورجعنا ونوووم من التعب نكمل معاكم باليوم الثاني ووين رحنا تابعوني
| ||
|
| |
|
17-09-2016, 04:17 AM
| #3 | ||
| مراقب العرب المسافرون  تاريخ التسجيل : Dec 2014 رقم العضوية : 54 الدولة : K.s.a - الرياض الجنس : ذكر المشاركات : 4,430
|
Save
| ||
| |
|
17-09-2016, 07:34 AM
| #4 |
| مجلس الإدارة  تاريخ التسجيل : Dec 2014 رقم العضوية : 16 الدولة : فضاء العرب المسافرون الجنس : ذكر المشاركات : 31,536 |
|
|
| |
|
17-09-2016, 08:11 AM
| #5 | ||
| مجلس الإدارة تاريخ التسجيل : Dec 2014 رقم العضوية : 26 الدولة : حبي الكويت الجنس : انثى المشاركات : 25,874
|
تنفعني بالسفرة اما الشقه لان حاجزينها قبل يومين من السفرة ما خليت موقع ما شفت منه وبعد ساعات تخاف ان المكان يطلع بعيد او الشقه غير اللي نبيها السعر مناسب للمكان والوسع للغرف اشكرك على اطرائك ويسعدني تواجدك المميز وتستاهل تكون باول الكراسي ال vip والتفاصيل لابد منها اول التقرير ويسعدك ربي بو راكان
| ||
|
| |
|
17-09-2016, 08:17 AM
| #6 | ||
| مجلس الإدارة تاريخ التسجيل : Dec 2014 رقم العضوية : 26 الدولة : حبي الكويت الجنس : انثى المشاركات : 25,874
|
اي والله الكسل مو زين هالايام ههههه الحمدلله لقينا الشقه وتعرف السماسرة العرب يطقون بالعالي مع ان شقتنا الاولى اقل من نصف سعر هذه الشقه بس التغيير يه باخر اللحظات وتذكر يوم سألتك قلت لي لا تكنسلين ما كنسلنا الا قبل السفره بعشرة ايام لان بيسحبون المبلغ لتأكيد الحجز المسرحية روعه وتوها واصله لندن من امريكا استانست وايد الكراسي الاماميه محجوزه لكم ادارتنا الكريمة تستاهلون ال vip يسعدك ربي
| ||
|
| |
|
17-09-2016, 09:27 AM
| #7 |
| مسافر فعّال تاريخ التسجيل : Jan 2015 رقم العضوية : 1577 الدولة : الكويت الجنس : انثى المشاركات : 822 |
|
|
| |
|
17-09-2016, 11:47 AM
| #8 | ||
| مسافر فعّال  تاريخ التسجيل : Mar 2015 رقم العضوية : 2751 الجنس : انثى المشاركات : 941
|
| ||
|
| |
|
17-09-2016, 12:28 PM
| #9 | ||
| مجلس الإدارة تاريخ التسجيل : Dec 2014 رقم العضوية : 26 الدولة : حبي الكويت الجنس : انثى المشاركات : 25,874
|
هلا وغلا فيج حياااج بالتقرير وان شاءالله تستمتعين اي والله استغلينا لان مافي حجز وبهالسعر على كلام بنتي الا هاليوم او ما يناسبنا الوقت يسعدج ربي كما اسعدتوني بالمتابعه
| ||
|
| |
|
« تنبيه للمسافرين لبريطانيا من السعودية بخصوص اخذ البطاريات او الشواحن على الطائرة
|
افضل شركات الشحن في لندن »
العرض العادي
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| ضعت في اول يوم في لندن ؟ | استبرق | بوابة بريطانيا | 9 | 12-07-2018 08:47 AM |
| الافضل البقاء في لندن او لندن + مانشستر | q8ok | اوروبا | 5 | 05-03-2016 01:54 AM |
| استفسار بسيط بخصوص المصروف اليومي في لندن .. الى خبراء لندن !! | omar1987 | اوروبا | 7 | 05-10-2015 09:28 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Friendly URLs by vBSEO
Search Engine Friendly URLs by vBSEO
