اليوم الثالث عشر والأخير

[emoji254][emoji254][emoji254][emoji254][emoji254][emoji254][emoji254][emoji254][emoji254][emoji254][emoji254][emoji254][emoji254][emoji254]

قبل لا أبدأ شوفوا الفيديو هذا أمس كانت تثلج في سيول الفيديو في منطقة (ميونق دونق ) [emoji180]

https://vimeo.com/193217403


ونرجع لتقريرنا

[emoji254][emoji254][emoji254][emoji254][emoji254][emoji254][emoji254][emoji254][emoji254][emoji254][emoji254][emoji254][emoji254][emoji254][emoji254][emoji254][emoji254][emoji254]


اليوم يوافق 2 سبتمبر وهو اليوم الأخير لنا في كوريا الجنوبية
كان موعد رحلتنا إقلاع تقريبا الساعة 1صباحا طبعا كان عندنا وقت طويل بالإضافة ان صاحب الشقة سمح لنا بالإقامة في الشقة حتى بعد إنتهاء موعد تشيك أوت بما ان مافي نزلاء ثانيين
قررنا نزور شارع او منطقة (هونق دي) (hongdae )

وهو يعتبر من ضمن أهم الشوارع الحيوية الموجودة في سيئول وهو عبارة عن شوارع متفرعة ويقع بالقرب من جامعة هونجيك وبسبب موقعة غالبية مرتادي المكان من الشباب ويوجد فيه الكثير من محلات الأزياء والإكسسوارات والمقاهي الفريدة وتقام بعض العروض الموسيقية ورسومات وعروض للفنانين والرسامين
ويقام سوق مفتوح كل سبت أمام البوابة الريئسية للجامعة من مارس -نوفمبر ويعرض فيها المنتجات المصنوعة يدوياً

وأخذنا تاكسي وعلى هونق دي وحساب التاكسي 58 ريال


من السناب









من الطريق





وهذا أكثر مكان ماعطيناه حقه (نهر الهان ) المفروض نجيب فرشتنا ونجلس قدام النهر او نطلع على السفينة ونأخذ جولة على النهر








ومن هنا كانت البداية












هذا الشارع كله محلات ملابس وإكسسوارات كثير عجبني البضائع اللي فيه وخصوصا هذا المحل
و الغالب كان ملابس شتوية وللأمانة لِسَّه ماجربت اللي شريتة ماعرف كيف الجودة لكن الموديلات حلوة
والموظفة اللي في المحل كان تعاملها معنا جدا رائع قلت لازم أعملها دعاية تستاهل





هذا هو المحل

















دواعيس








هالو كيتي كافية











وكالعادة كنّا من غير فطور وجلسنا نبحث عن مكان نفطر فيه وأخترنا هذا المقهى











وهذة طلباتنا

ولازم من السكر عندهم يدخلونه في كل شي هذا (خبز الثوم )وشوفوا إِيش حاطين عليه شيرة لااااااا





وهذا الثاني (بريتزل) والحمدلله من غير سكر





ولاحظت أغلب سندويشات البيض عندهم لازم يحطون معاه لحم مخنزر ولازم تنتبهون ان في أغلب المحلات مو كاتبين ان السندويتش فيه لحم نصيحة تجنبوا سندويشات البيض عندهم

ونكمل جولتنا


وكانوا عاملين دعاية السامسونق الجديد (اللي ينفجر)[emoji13]





شوفوا الأسعار كيف رخيصة





وهذا الكافية اللي ذكرته لكم في جزء المقاهي (caface ) اللي يرسمون وجيهكم على القهوة موجود في هذا الشارع





وكمان (مقهى الخرفان )بالإضافة الى مقهى ( Hoho Myoll ) وكافيهات ثانية أغلبها موجود في هذة المنطقة بس دورا عليها لأن الشارع كله تفرعات ودواعيس كثيرة









زي تصوير بعض الناس [emoji12]









وهذولا المرشدات في كل مكان





المبنى الوردي محل (line friends) مشهور في كوريا وله كثير فروع والواضح ان المقهى التابع له موجود في السطح





محل إكسسوارات شوفوا الإسعار بكم





وعلى فكرة مقابل لهذا المحل على الشارع الثاني (شيشة)

شارع الفن





ورانا ورانا الشاورما بس ماكلنا عنده اتغدينا في المطعم اللي جنبه





أخترنا هذا المطعم









طلباتنا

طلبت السلطة على أساس سلطة (سيزر) لكن حاطين فيها فواكة [emoji40] الحمدلله بس









شايفين هذا المقهى كيف ديكوره من برى




















وصارت الساعة 4وصار لازم نرجع الشقة ونكمل تجهيز أغراضنا استعداد للرحيل وقبل لانرجع هذة بعض الصور من النت للمنطقة علشان للأسف توقيتنا كان غلط المفروض نزور هذا الشارع من قبل لأنة جدا جميل ومنوع والمنتجات جدا حلوة والأسعار رخيصة
وموجود محل دايسو والماركات العالمية المعروفة زارا ومانجو H&M وغيرها الكثير من المحلات والمقاهي والمطاعم والمفروض تكون زيارتنا من العصر الين الليل لأن اجواء المكان راح تختلف كثير لكن قدر الله وماشاء فعل




































صور من الطريق








وهذة كانت أخر صورة في كوريا وماصورت بعد كدا اي شي غير وقت هبوطنا في مطار الملك فهد بالدمام





إجراءات سهلة وسريعة في المطار ونسينا نعمل (التاكس فري)ولا أفتكرنا إلا لمن وصلنا بيتنا[emoji85]


والجوال يقول نحنا في ام صلال
















والصراحة مادري شقول بعد هذا المنظر(كله من ام صلال)

ولكن

وطني الحبيب وهل أحب سواه
روحي وما ملكت يداي فداه
وطني الذي قد عشت تحت سمائه
وهو الذي قد عشت فوق ثراه
منذ الطفولة قد عشقت ربوعه
إني أحب سهولة ورباه
وطني الحبيب وهل أحب سواه [emoji172]

والحمدلله وصلنا بيتنا ورجعنا لكبستنا وشكشوكتنا[emoji28]يارب لك الحمد والشكر

[emoji254][emoji254][emoji254][emoji254][emoji254][emoji254][emoji254][emoji254][emoji254][emoji254][emoji254][emoji254][emoji254][emoji254][emoji254][emoji254][emoji254][emoji254][emoji254][emoji254][emoji254]

كوريا كانت حلم بالنسبة لي والحمدلله تحقق والصراحة فاجأتني ليس من ناحية تطور او سياحة مفاجأتي كانت من الشعب الكوري الصراحة خالفوا توقعاتي أخجلونا بحسن خلقهم واحترامهم ومساعدتهم لنا في كثير من المواقف (واللي ماذكرتها لكم)

وفي نفس الوقت ماقدر أقول ان كوريا من أجمل المدن اللي زرتها بس يظل لها جمالها زيها زي اي دولة ثانية زرتها

بكل بساطة حبيناها والشعب كان له دور في هذا الشعور أتمنى أرجع ثاني أزورها لأنها كبيرة وفيها الكثير من الأماكن اللي مازرناها ولا إكتشفناها وخصوصا النهر و الأسواق الليلية .

[emoji254][emoji254][emoji254][emoji254][emoji254][emoji254][emoji254][emoji254][emoji254][emoji254][emoji254][emoji254][emoji254][emoji254][emoji254][emoji254][emoji254][emoji254]

-بلد على درجة عالية من الأمان يتوفر فيها مقومات السياحة سواء اللي يحب الطبيعة او يحب حياة المدن جامعة كل شي

(اللغة -والأكل) ممكن البعض منكم يشوف إنها عائق لكن بالنسبة لنا ماكان عائق أبدا أكثر وجبة تعبنا فيها (الفطور) وممكن بشوية تنظيم تتفادوا المشكلة هذة المطاعم الحلال موجودة وخصوصا في منطقة (إيتاوان)فيها الكثير من المطاعم التركية والعربية والمخابز بالإضافة لمسجد سيؤل المركزي

-بالنسبة اذا غالية او رخيصة كنت حريصة أني أصور أغلب الأسعار سواء في السوبر ماركت -التاكسي -التذاكر
وكل واحد يقارن ويشوف ميزانيتة ومن وجهة نظري نفس أسعارنا في الخليج لكن اللي عايشين في كوريا من المقيمين والمبتعثين يشوفونها غالية لأَنِّي سمعت انهم يدفعون تأمين عالي على السكن.

-ثقافة البقشيش ماعندهم (أرجوكم لاتفسدوهم)

-أكبر سلبية من وجهة نظري أسعار التكاسي غالية في ساعات متأخرة من الليل ولازم تنتبهوا ان مترو الأنفاق يقفل حول الساعة 11 مساء ويبدأ العمل تقريبا الساعة 6 صباحا

-قرأت ان درجات التكييف داخل المترو في فصل الصيف 18 وفي الشتاء 26-28 درجة مئوية يعني اللي ناوي يستخدمه وخصوصا اللي عنده أطفال ينتبه للنقطة هذة علشان بجد الجو باااااارد وخصوصا اذا وجهتكم بعيدة وراح تضطروا تجلسوا في القطار مدة طويلة

في النهاية التقارير وضعت علشان نستفيد ونأخذ منها المعلومات ونتعلم من أخطاء اللي سبقونا لكن أبدا ماتكون هي المعيار لزيارة بلد من عدمه كل واحد فينا يخطط التخطيط اللي يناسبه ولابد ان يسافر ويكتشف بنفسه

( لو أعتمدت في قراري على التقارير اللي قرأتها عن كوريا ماكان وصلت لها) أشكرهم لإني أستفدت منهم ولكن بحثت أكثر .

ولازم تأخذوا بعين الإعتبار ان رحلتنا كانت عائلية ومخططي كان على هذا الأساس أكيد اذا شباب أو بدون أطفال راح يختلف التخطيط

أتمنى أني قدرت أنقل لكم صورة مصغرة عن جمال كوريا وأتمنى أيضا أني كنت حيادية في وضع تجربتي وقدرت أنقل السلبيات والإيجابيات وقدرت أفيدكم ولو بشي بسيط
أعذروني على التقصير ساعات كنت أتعيجز إني أصور وأقول ماله داعي
وأعتذر إذا ضايقت أحد منكم من دون قصد أو إذا كان التقرير لايرقى لذائقتكم ولكن هذا إسلوبي ولا أجيد غيرة

في الختام (وكم نهاية أختمي وخلصينا) [emoji51]

أشكركم وكلن بإسمه كل اللي موجود خلف الشاشة وقرأ تقريري ووضع تعليق او أبدى إعجاب حتى اللي قرأ وماعجبة شي [emoji28]يكفي أني أخذت جزء من وقتكم بجد وجودكم كان سعادة بالنسبة لي شكرًا شكرًا شكرًا شكرًا

ونلتقي بإذن الله في تقارير ثانية وأستودعكم الله الذي لاتضيع ودائعة

لسه لسه أفتكرت شي (معلومة عالسريع) بس في الأول شوفوا الصورة هذة [emoji4][emoji1370]





حركة اليدين هذة عند الكوريين تعني الحب لاتحسبون يبغون فلوس منكم[emoji1]
(حركة القلب بطلوها)


في أمان الله[emoji177]