مابي انا خفت من الوضع مع اني فهمتها مابي انقلعي عني لانها ضاربه سعر الشنطه باالف وشي وكل شوي تنزل وتنزل لحد ماوصلتها دولار قلت خلاص باخذها لاتذبحني ذي واخذها من كثر مااقلقونا البائعين صرنا مانشوف البضاعه المهم اخذ كم غرض اذا شفت زوجي يمشي بسرعه من جنب المحل الي ادخله عرفت ان فيه بائعه تلحقه الا تشتري وزوجي مطنش ههههههه شكله يضحك [emoji849] وش هاالنفسيات حسبي عليهم من سوق المهم نرجع للفندق وقبلها كم محل فطاير وتمشي واسواق
عاد الشنطه طلعت تجننن الحمدلله اني شريتها جودتها كأنها اصليه وفرنسيه[emoji23][emoji23][emoji23][emoji7]
نفعني يوم لصقت بحلقي ورحنا للتلفريك المنطقه تجننن روحو لها بوقت المطر مرره الأجواء تفتح النفس حبيتها واهم شي التذكارات اذا صوروكم اشترو كل الي يعطونكم تصويرهم بطل وفصه زي العلبه فيها مويا وصورتنا داخل حبيتها[emoji24]
اخر يوم لنا اقول لزوجي وين الهاربر ونسأل مصاريه قالو نهايه الشارع اكتشفنا ان الهاربر كم خطوه عن الفندق ولنا يومين ندور ماندري وين نروح. [emoji30] رحت ادور كوفي وادي الأمان ذكريات طفولتي الا ازوره والحمدلله لقيناه بعد ضياع وبعد كم صوره امشي اسألهم وينه وينه[emoji85] الهاربر قريب من شارع نيثان نهايه الشارع وبنفس المكان عروض الأضواء رووعه انقهرت انا ماركبنا بسفن الصينين باالبحر وقت العرض مره حماس وناس فله [emoji7][emoji24] حبيت المكان ومنه عرفنا وين عين هونج كونج يعني الي مايدري وين يروح مثلنا بس يروح ع الهاربر يشوف كل شي . طبعآ قمه البيك مارحنا لها وكذا منطقه سياحيه مارحنا لان الايام قليله وكان التنقل صعب علينا اخر يومين عرفنا للمترو صرنا خبره بس بعد وش [emoji28]

ماانصح باالسفر لهونج كونج لسببين

صعوبه التنقل مرره صعبه. وكل شوي فيها اعاصير وفياضانات الحمدلله كان قبل اسبوع من وصلنا هونج جايهم اعصار ورجعنا بفضل الله ماجاهم شي فقط امطار وطبيعه تجنن
بس رطووووبه مررره.

احاول اعصر مخي بأشياء كنت ابي انبه لها لاني قاعده اكتب الموضوع بعد شهر ونص من السفره[emoji85]. باالنسبه للحجاب لبست عبايه بيج ولثام سكري ونظارات غطيت كل شي [emoji23] واذا حسيت انهم استغربوني رفعت النظارات من هاالناحيه مايتكلمون بس مو عاجبهم شعبهم شعب مايضحك ومستعجل الا يركض طول الوقت وقليل يرد ع استفساراتنا يمكن خايفين مني[emoji317]. العرب قليل بهونج واستغربت فيه سعوديات لابسين عباه سوداء حنيت لها ع طول ورفض زوجي خوفآ اني اكون شبهه [emoji849].
مطاعم عربيه بكل مكان ماتحتار وفيه هنود بشارع ناثان يدلونكم ع الاماكن القريبه ماقصرو معنا.
البلد كرهناه وحبيناه بنفس الوقت

بعد مارجعنا ندمنا انا ماطلونا استمتعنا كثير

بأجواء فندق ديسكافري باي منطقه فيها حياه وقدامه روضه اطفال ومطاعم وناس رايقه[emoji173] يعني فندق ونييييس

واستمتعنا بمغامراتنا استكشفنا اشياء جديده
حبينا الضياع الي صار بعد مارجعنا ولا وقتها مو اوكي ههههههه

نهايه الموضوع لحد يسافر لهونج كونج


فيه بدائل لها ماليزيا الحب العشق
مافيها ضياع ابد
او اوربا. خطوتنا الجايه اوربا بعد ماخلصنا من ماليزيا وهونج كونج.

اتوقع بأوربا ضياع طول الوقت لانها تعتمد ع السائح مافي دلع مثل ماليزيا وبرامج سياحيه وجولات[emoji23][emoji23][emoji23] عزالله عشنا ملوك بماليزيا

ولا مانع من حياه الشقى بهونج[emoji16]

اتوقع كذا انتهى التقرير. اي استفسار انا حاضره. ًًًIMG_4061.JPGIMG_4062.JPGIMG_4064.JPGIMG_4060.JPGIMG_4059.JPGIMG_2787.JPGIMG_2793.JPGIMG_3932.JPGIMG_3933.JPGIMG_3929.JPGIMG_3935.JPGIMG_2792.JPGIMG_2795.JPGIMG_2794.JPGIMG_1215.JPGIMG_1123.JPG


أرسلت بواسطة iPhone بإستخدام Tapatalk