☆★ كرسي الاعتراف ★☆

توبليرون · 28-11-2016, 01:28 PM

اقتباس : المشاركة الأصلية كتبت بواسطة أبو مهاب

ومن يستحق الكرسي بعد المدراء

مافي غير أم حسين صاحبة التقارير المميزة والتعليقات الرائعة والأكلات المشبعة

التميز بتواجدكم وتواجد الأخوة بتقاريري ....الأكلات شغل امهات ههههه

بسم الله نبدأ التحقيق :

كم عمرك ،،،،، أمزح ههههه

تصدق دايما يقولون لي اول مره نشوف وحدة تعلم عن عمرها ... عمري افتخر فيه انه نفس عمر ديرتي ...عمري بعد شهر 56 سنه ربيع العمر هههههه

1- ما سبب اختيارك توبليرون؟

حبيت إسم متعلق بالسفر وحلووو لقيت كاكاو توبليرون بكل الفنادق والمطارات موجود اخترته شي

2- من متى وانتي تسافرين؟

سفرات الطفوله مابي احسبها ... سفرات بعد الزواج يمكن من 84 ... توقفنا من 94 الى 2007 تعرف امور البيت والتأثيث وسيارات العيال وبعدها انطلقنا مره ثانيه وان شاءالله كل ما صار في مجال بنسافر

3- ما شاء الله سفراتكم عائلية، فهل انتي المسؤلة عن الترتيب والتخطيط؟

الترتيب والتخطيط انا والبنات والحجز بنتي تقوم فيه

4- هل سافرتي مع أطفال صغار من قبل ( 4 - 9 سنوات) واذا نعم ، خبرينا عن تجربتك؟

سافرت مع 4 شهور ولحد 10 سنوات اربع اطفال والحمدلله تجربه زينه بمساعدة ابوحسين مافي متاعب

5- ما اهم شي تشيكين عليه في السكن قبل الاختيار وبعد لما تسكني اول يوم؟

اذا شقة الغساله ...اما الفندق اهم شي ان الفرش مريحة ونظيفه

6- هل تحسين ان الطبخ في السفر يضيع عليك وقت؟

أكيد .. الحرمة تطبخ والرجل يتمشى نووووو
ههههه بيضيع يومي طبخ وغسيل مواعين

7- هل تغيرت نظرتك للسفر او هل تغيرت اهتماماتك؟

مع العيال عادي
امشي معاهم ما تغير شي
بس اذا بروحي ودي اقعد بمكان هادي وكافيه وطبيعه

8- لاحظت انك من عشاق المدن وخصوصا لندن فهل هناك سبب خاص واي مدينة تحبينها بعد لندن؟

لا مافي سبب بس التغيير عن المدن عندنا .. كل مدينه ولها شي خاص حبيت بلاكبول لانها حركة وحياة ترفيه للكبير والصغير عائلية ..حبيت باريس حبيت أثينا كل مكان اروح له احبه

9- ما هي اقصر سفرة خارجية (غير دول الخليج)؟

اليونان 5 ايام

10- تسوقين سيارة في السفر ؟

لا

11- هل الكويت غالية سياحيا؟

الفنادق غاليه عندنا ... اما الاسواق والترفيه والمطاعم فيها الغالي والرخيص يعني اهم شي حجز الفنادق

12- ماهي ابرز مقتنياتك السياحية؟

امممم تصدق عندي تذاكر اول سفره ..المنيو مال الطياره ولحد الان احتفظ فيهم ... بس الحين اركز على السوفينرات والمغناطيس لازم اشتري ...والصواني هههه عندي صينيه من 84 قبرص للحين استخدمها

13- جاتك تذكرة مجانا الى فيتنام - طشقند - هاواي ايش تختاري؟

ممكن طشقند ..بس أكيد بارده ؟؟

14- أخيرا، هل تعتبري السفر ضرورة أم كماليات؟

بالنسبه لي ضروري ...

والسموحة لو طولت عليك

ولوو احنا نتشرف

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
☆ أجمل عشرة مناطق للتسوق في طوكيو ☆	السفيرة ب	بوابة اليابان	28	24-06-2019 08:13 AM
☆ أجمل 10 أماكن يمكنك زيارتها في اليونان ☆	السفيرة ب	بوابة اليونان	22	31-12-2017 09:38 PM
☆ أفضل مناطق الجذب السياحي في النرويج ☆	السفيرة ب	بوابة اسكندنافيا	18	27-06-2017 04:10 PM
★ جزيرة رودوس في اليونان ★	السفيرة ب	بوابة اليونان	22	15-02-2016 01:43 AM
☆ صور بيوت اليونان القديمة ☆	السفيرة ب	بوابة اليونان	14	10-08-2015 03:01 AM