هلا والله بأحلى من العقد الخبيرة السياحية و الكاتبة القديرة
منور الكرسي باطلالتك
و اختيار موفق من فني ما قصرت والله

خذي لك نفس عميق وقولي بسم الله



تابعت بعض من رحلاتك الأخيرة على السناب ومنها تغطيتك
على سناب المنتدى مشكورة واعجبني فيها عفويتك المعتادة
بس اتذكر كان رحلة للهند أعلنت عنها وش صار عليها ؟

ياليت تكلمينا عن فكرة مشروعك ؟

كيف توفقين بين عملك والقيام بالرحلات ؟

رحلاتك الحالية تتطلب الالتزام هل هذا يفقدها المتعة ؟

رحلتك الى ايسلندا من أجمل ماكتبت هل لازالت بالذاكرة ؟

هل لازلت تحتفظين بصور تقاريرك القديمة ؟

فورة حالية في السناب غطت على تويتر وانستقرام وباقي الوسائل
هل تتوقعين استمرارها أم من الممكن ظهور وسائل اخرى ؟

ارى اسماء كبيرة في عالم المنتديات اختفت بعد التوجه للوسائل الحديثة
هل بالضرورة كل وسيلة تواصل تناسبني كشخص ؟
وكيف اعرف الاكثر مناسبة لي ؟

كيف تعاملك المادي خلال رحلاتك كاش ولا بطاقات ؟

اجمل تذكارات تحتفظين فيها من رحلاتك السابقة ؟

فني قيرل لصقت فيك زي لصقة جونسون تعرفينها اللي ماتطلع بسهولة
وقالت لابد اخاويك برحلة وين تودينها ؟

قطرية كول من الاسماء الكبيرة مثلك بس تواجدها خفيف حالياً
اتصلت عليك وقالت ابقابلك في مطعم بالدوحة أي واحد تختارين ؟

ايش أهم شي تركزين عليه عند زيارتك اي دولة لأول مرة ؟

هل يهمك أكثر ما يتعلق بالناس ولا ما يتعلق بالمعالم ؟

ايش أكثر تصرف ما ودك تشوفينه من السياح الخليجيين في اوروبا عموماً ؟

في لندن وش أكثر شي يعجبك ؟

الايجابيات والسلبيات باختصار خلال دراستك في بريطانيا ؟

انسرقت محفظتك خلال الرحلة وفيها فلوسك وبطاقاتك وش أول تصرف لك ؟

هل تعرضت لأي محاولة نشل خلال رحلاتك ؟

دولة تشوفين الحذر فيها ضروري ؟

أكثر الدول اللي زرتيها أمان و حسيت فيها براحة كبيرة ؟

نصيحة اخيرة و مهمة تقدمينها لكل سائح ؟


الله يسعدك و يحفظك في كل رحلاتك
و نسعد كثير بتواجدك المستمر معنا