X سُعداء بتواجدكم بيننا ونتمنى لكم قضاء وقت ممتع ، نأمل منكم زيارة صفحة شروط الإستخدام ، تفضلوا مشكورين بالتسجيل*** اضغط هنا *** لإثراء الجميع بخبراتكم السياحية
Loading...





عدد المعجبين2283الاعجاب
إضافة رد
 
LinkBack أدوات الموضوع انواع عرض الموضوع
قديم 24-12-2016, 05:36 PM   #131

مسافر متميز

 
 
تاريخ التسجيل :  Nov 2016
رقم العضوية : 13068
الجنس : انثى
المشاركات : 373



افتراضي


ماشاءالله شكلك التقرير دسم ومليان صور



انا للاسف مو من عشاق التصوير والله لو ما كان في نيتي اكتب تقرير في المنتدى يمكن كنت رجعت من السفر بدون ولا صوره


انا احب استمتع باللحظه بس بعدها اندم واقول ياريتني صورت

ف شكرا لكم اللي خليتوني اصور



عاد انا بقرا جزئيه جزئيه وبرجع اضيف تعليقي في نفس المشاركه استحمليني


الحمدلله اللي تمم رحلتكم على خير وكويس اخوك قدر يروح معاكم
لان السفر جماعه ممتع


حبيت ان الطياره ماتجبرك على الاكل وانه راجعلك تشتري او لا
واحس الاكل اللي تشتريه افضل من اللي يجبروك عليه


اما الطياره ام طابقين فكرتيني بام صحبتي

اختارات الطابق الثاني على قولتها لو طاحت الطياره اللي فوق ما حيصرلهم شي قد اللي تحت هههههههه

عاد الله يجبرنا من حوادث الطيران


اما خوفك على العيال شي طبيعي


بس فكرتيني بفيلم home alone لما اهله نسيوه وسافروا نيويورك

عاد في فلم امريكي لو شفتيه كنتي وسوستي زياده
( قصته ام وبنتها في طياره وزوجها يبغى يخطف البنت فحاول يجننها فجأه البنت اختفت من الطياره وقعدت تدور وتسأل المظيفين والكل يقلها انو انت جيتي لحالك بس

حتى كشف الاسماء اتلاعب فيه خلوا البنت مالها وجود في الرحله>>> الزوج متفق معاهم

المهم بعد ما تضاربت وهبلتبهم لقيت بنتها

ولله الحمد

عموما هيا ك فكره احس مستحيله بس خلتني اوسوس في الموضوع ومرت عمتي شافته وصارت توسوس على عيالها في الطياره


عيله موسوسه بعيد عنك )


تصدقي كنت حاطه في خطتي ازور الماينز في نفس اليوم مع بوتراجايا بس مع المطر كنسلت الموضوع

ليتك كثرتي الصور حق المول



منهاتن في ماركت الاكل عنده جدا لذيذ بس كل ما كنت احاول ازوره في بافيلييون ما اقدر

اخر يومين في السفر ذقته ولا كنت قضيت الايام كلها اكل فيه


تعرفي انا التشيزكيك الياباني كنت حاطته في جدولي

وقلت مستحيل ارجع من ماليزيا وما ذقته

حسيت التارت افضل من التشيزكيك

التشيزكيك اول ما ذقته صراحه ما استسغت طعمه وهو حار
حسيت نفسي اكل شي ني

بعدين رجعت اكلته في البيت الطعم صار افضل

بس ممكن ارجع اكله ثاني


صحيح كلامك الخليجيين والعرب بشكل عام يستهدفوهم في النصب

انا اشيك على الفاتوره اذا كانت قريبه من السعر اللي في بالي اتجاهل الزياده لان بعض المطاعم تحط سعر الطبق بدون ما يكون شامل الضريبه فتكون الزياده حق الضريبه


صراحه موظفين منهاتن فيش ماركت اللي في البافيليون مره محترمين

انا طلبت طبقي بدون اي مشروبات ف عرضت عليا مويه في كاسه هما يعبوها سعرها ٢ رينجت ومعروف المويه في المطاعم تكون نظيفه ولها فلتر وزيها زي القارورة بس رفضت


يا جمال ملاهي الصن وي

بس للاسف ما استخدمت المسابح ابدا وخفت ادخل بالعبايه يشوتوني
وبسبب التهاب الحلق كمان ما تشجعت كثير

بس ممتعه حتى بدون سباحه


انت معاك بكج عائلي بس اهلك ليه ما اشتريتيلهم تذاكر من النت قبلها
تعرفي الاون لاين ب ١٢٠ البالغ

ااش يعني البوري ؟

االاكله ذي اتوقع عجينه مقليه وسكر

يعني البوري اكله في الكويت ؟


بوتراجايا جميله اتمنى ازورها ثانيه

لان رحله الكروز كانت قصيره بسبب المطر

وفي كذا مكان ما قدرت اروحه بسبب المطر


ماشاءالله عليك اشوفك مصوره بعض الأطفال

انا صراحه كنت اخاف اصور اي احد تعرفي هنا عندنا وسوسه وما نحب احد يصور بزورتنا ف خفت عندهم نفس النظام




الحمدلله على سلامه قلبك وكويس لقيتي التذكره

فكره انك تفقدي التذكره او اي شي مهم تحسي الضغط يرتفع والراس بينفجر


بس الحمدلله انك لقيتيها



اما السائق الحمدلله ما صادفني ولا صدقيني ما بتحرك من المحطه الا وانا مقدمه فيه شكوى


ياختي مدري ليه شايفين العرب بنوك متحركه

بس اتوقع العيب مننا المفروض نحرص ما نبالغ في ملابسنا
وما نسبلهم السنتات عشان يعرفوا أن نحن اقتصاديين

ولازم نكاسرهم


ليتكم استخدمتها اوبر كان وفرتوا مبلغ محترم وماحد نصبكم عشان مشوار الفندق


احرصي في رحلتك الجايه تحملوا اوبر في جوالاتكم

 

فيصل, قصة حب, Deena و 3 آخرون معجبون بهذا.

التعديل الأخير تم بواسطة Lemo ; 24-12-2016 الساعة 06:33 PM
Lemo غير متواجد حالياً   رد مع اقتباس
قديم 24-12-2016, 10:39 PM   #132

عضو قدير

الصورة الرمزية Deena
 
تاريخ التسجيل :  Dec 2014
رقم العضوية : 732
الجنس : انثى
المشاركات : 1,600



أوسـمـة: Deena

كل الاوسمة:2 (more»)
افتراضي


قصوصة تنرفزت من كتر ما في ناس عصبيين بستنى التكملة عشان تكوني بردتي حرّتي فيها .. قال ما بدها تخدم

 

توقيع : Deena

"فاطر السماوات والأرض أنت وليي في الدنيا والآخرة توفّني مسلماً وألحقني بالصالحين"
Deena غير متواجد حالياً   رد مع اقتباس
قديم 25-12-2016, 12:11 AM   #133

مجلس الإدارة

 
 
تاريخ التسجيل :  Dec 2014
رقم العضوية : 15
المشاركات : 15,812



افتراضي


الكبسه لابد منها الشوق قتال
الأسعار للأسف بإزدياد حسب ما أعرف من اللي يسافرون لها ..لكن ممكن يحس فيها لعائله الكبيره
النظافه مهمه حقيقه بعض الموظفين لا يعي مشكله تذمر النزلاء

 

توقيع : فيصل

الْحَمْدُ لِلَّهِ الَّذِي بِنِعْمَتِهِ تَتِمُّ الصَّالِحَاتُ

معرفاتنا بوسائل التواصل الإجتماعي


نقره لعرض الصورة في صفحة مستقلةنقره لعرض الصورة في صفحة مستقلةنقره لعرض الصورة في صفحة مستقلةنقره لعرض الصورة في صفحة مستقلةنقره لعرض الصورة في صفحة مستقلة

فيصل غير متواجد حالياً   رد مع اقتباس
قديم 25-12-2016, 10:02 AM   #134

عضو قدير

الصورة الرمزية قصة حب
 
تاريخ التسجيل :  Dec 2014
رقم العضوية : 140
الدولة : الكويت - ديرة الخير
الجنس : انثى
المشاركات : 3,441



أوسـمـة: قصة حب

كل الاوسمة:1 (more»)
Talking


صباحكم نور وسرور يارب





ماشاءالله فندق جميل وغرفه فخمه وسيعه

الطربوش اكله لذيذ

الحمدلله انكم قدرتو توصلو الفندق بعد الاكل الدسم

للمره الثانيه ما تبلغي على الخطاء
اول شي سايق الباص
و ثاني شي القلاصات وسخه

متابعين معاك

الفندق حلو والغرف وسيعه لكن المطعم ابدا موحلو ولا فيه نظافة
الستاف بليد ولسان طويل وخصوصا الهنود

الطربوش لذيذ لكن المرة الثانية اختلف الطعم علينا
من قال ما بلغت ؟؟ انا عفستهم عفاس وطلبت المدير وما خليت الأمور تمر مرور سهل
لازم ينقرصون عشان يتأدبون
شكرا لمتابعتك




يومااااا ي قصصه

اذا كذا الكاسات وسخه .. فما خفي أعظم الله يسستر !!!

كيف المطبخ اجل جوا عندهم ..!!!


مستنيه اش سويتي فيهم ...

هلا فيك ام جسومي
ايه شي يلوع الجبد انا كنت اخذ قلاصات العصير وترا بعض القلاصات نفس الحكاية وصخة
الستاف غبي وكريه
ايه والله نفس الكلام اللي قلت له للمدير اذا اللي ظاهر للناس كذا وانتوا مش مهتمين اللي داخل اشلون ؟

تابعيني بقول بالفقرة الجاية




الفندق موقعه حلو و خدماته حلوه
جلسة الفطور روعة بس الموظفين باين عليهم ماش
الفطور الاسيوي دايم خياراته قليلة ويعتمد على النودلز و جماعتها
وهذي ماتناسبنا أبداً

اما البرياني مبين لذيذ عليكم بالعافية

متابعين معاك
صحيح الفندق حلو والغرفة ميزتها كبيرة لكن الخدة صفر بنظري
الفطور الله يزيد النعمه حتى البيض كانوا يحرقونه
الستاف فاشل يحتاج تدريب وبقوة

الله يعافيك البرياني عجيب بأول مرة بس





شدعوووووة كل هذي تغلي!!

وين مانزلتي بارت يديد من أمس؟؟؟

مريضة والدوام عندي شغل وايد
والتحميل والتنسيق ياخذ وقت كبير
طولي بالك




منتظرين

حزمتو الأمتعة ولا باقي

حياك الله



شكله البارت الجاي قوي

ان شاء الله يعجبكم



ماشاء الله تبارك الله

تقرير جميل وصور ابداااااااع من الخبيره المشرفه

ويسعدني اني قرأت كل الاجزاء والصفحات في يوم واحد واستمتعنااا معاكم


ومنتظرين باقي الرحله ونشاااطااات بينانغ


والف لاباس عليكي وقدامك العافيه اختنا قصه ,,,

شكرا لك الحمد لله انه اعجبكم
الله يعافيك بارك الله فيك ما قصرت



اهلا وسهلا ياملكتنا


لي كم يوم اشوف تقريرك في المنتدى بس الان فضيت


لي عوده باذن الله بعد القراءه

باذن الله تقرير ممتع ومفيد للجميع

حياك الله اختي
شكرا لحضورك



ماتشوفين شر مشرفتنا

الله يجمع لك بين الأجر والشفاء

متابعين معك ومتشوقين للقادم ....وبانتظار البارت القادم

تقبلي تحياتي
مشكور اخوي عبدالله
الشر ما يجيك يارب
ان شاء الله اليوم



ماشاء الله لا قوة إلا بالله

متميزة بسفرياتك العائلية

واصل متأخر لكن التقرير جاي على الجرح

إشتقت لزيزا الساحرة

تسلمين على التقرير بكل تفاصيله المميزة
تسلم تسلم اشكرك على كلماتك المشجعة جدا
ايه والله اشتقنا لها



ما شاء الله تبارك الله صور رااائعة واااه على بينانج ...

تعامل الموظفة سيّء هذا شغلها يعني معصبين ليش انا جاي بفلوسي واستحق الخدمة وزيادة

مطعم الطربوش ما جربته وعموما المطاعم العربية ما جربتها

الهوليدي ما حبيته وما كنت ناوي اسكنه أصلا ولا تزعلين ( وجهة نظر ) ونهاية التقرير يا ليت تعطينا رأيك وهل راح تسكني فيه مستقبلا

متابع وتحياتي


أرسلت بواسطة iPhone بإستخدام Tapatalk

اهلا وسهلا اخي بو سعد
تعامل اغلب الموظفين في منطقة الفطور المسبح بهالشكل
نفوسهم بخشومهم ويعلون صوتهم على الناس
نفس الموظفة اللي تشاكلت معاي تهاوشت مع بنتي على المسحب حقارة ما شفت مثلها
لكن على مين ؟؟ مو علي أنا ّ يمكن فيه ناس تسكت لكن انا احب اخذ حقي كامل طالما دافعة مبلغ مو هين بهالفندق

الطربوش حلو مرة والمرة الثانية تغير وما حبينا التجربه
يمكن فيه اكثر من طباخ

الهوليدي ان كان خيار مجبرين عليه البارك رويال فل واسعاره نار
والقولدن ساندس للاسف ماحصلنا فيه
تجربه لن تتكرر ان شاء الله فيه
واكيد راح اكتب رايي فيه بنهايه البارت




خلصت من قراءة

يعطيك العافيه صور جميله واماكن جميله صراحه ملكه

انا مااحب الرحله بالباصات ولان اطفال مايتحملنها بسبب دوار الرأس

صراحه الفندق جميل لكن الفطور مايحمس


مكملين معاك نعرف اي صار مع الفندق ياحبنا للمشاكل

أرسلت من SM-G935F بإستخدام تاباتلك

الله يعافيك
ونور التقرير اهلا وسهلا
رحلة الباصات حلوة لكن لو كان الباص خاص لك انت واسرتك بس
مثل ما كنا نعمل بكل رحلاتنا
هذه ثاني مرة نركب مع الناس في الباص

الفندق حلو بالغرف والمسبح لكن الخدمة والريوق صفر ، تسعدني متابعتك




أهلاً مشرفتنا وخبيرتنا المميزة ( قصة حب )

درسنا ماليزيا عبر تقاريرك من سنوات ..

كنتِ ومازلتِ وستظلين ( بإذن الله ) نوراً نستضيء منه دروب ماليزيا..

السفر العائلي ( التجمع ) أجده منهك ومتعب لكثرة العدد .. فالتنقلات والمزارات والمطاعم وغيرها

تحتاج أحياناً تنسيقاً وحجزاً مبكراً لوضع ترتيبات مناسبة ..

القلق على الأبناء ( فطرة ربانية ) لا ألومك عليها .. حفظهم الله لكِ وأطال عمركِ لتلحقي بِرَّهمْ بكِ ..

كأني أرى إحدى سفراتي السابقة ... نفس المسار ونفس الفنادق

البيراميد ،، الهوليدي إن ،، شولان ...

لم يعجبني الستايل الجديد لبهو فندق البيراميد ( أحمر )

هوليدي إن بينانق .. موقعه مميز وأعتبره خياراً جيداً .. استغربت ليش تسميه هوليدي إن التل ؟؟!!

مع إن اطلالته على البحر .. تذكرت تعامل موظفيه السيء معك .. أتذكر ستاف المسابح كانت الفظاظة

تفوووووح في تعاملهم مع الأطفال ..

مستمتع معك جداً وننتظر استكشافاً جديداً .. دائماً ماتتحفي متابعيك بجديد ماليزي

يالله اخوي كتكات
ما أدري اشلون ارد عليك
ضاعت مني الكلمات
شكرا لك على كل حرف كتبته بحقي سواء في هذا التقرير او التقارير السابقة
دائما تخجلني بكرمك


السفر العائلي ممتع بنظري ولن اسافر لوحدي ابدا
الاعضاء الجدد هالسفرة شوي اللي مو عارفين نظامنا فهم اللي دايم يتأخرون
لكن المرة القادمة ان شاء الله كل شي بيكون تمام

خوفي على العيال شي يعذبني ربي يحفظهم ويحفظ عيال الجميع

البراميد كل شي فيه حلو لكن اختيارهم للون الأحمر غير موفق ابدا ( مزعج على الأخر)

الهوليدن ان موقعه حلو لكنه قديم
وانا اسميه التل لأن حجزنا كان في المبنى الثاني اللي يطل على التل ( هذا اللي مذكور بالحجز)

المبنى المطل على البحر هو اللي فيه المسبح والافطار وبينهم جسر

الستاف فاشل حتى اللي بالاستقبال اسبوع نفس الملاحظة وكل يوم اذكرهم ولا في فايدة
فاشلين والله

وطبعا هذا ذوقي وانطباعي
يمكن يعجب غيري

فأنا احترم جميع الأذواق
وتسعدني متابعتك ،،،،،،،




الف سلامه عليك ياملكة
ماليزيا روعة ما تتمل اليوم الي شفت تقريرك وحرك مشاعر الشوق للأيام الجميلة
الي قضيتها فيها
في انتظار باقي التقرير
الله يسلم عمرك حبيبتي مشكورة
ان شاء الله تكمل اليوم




الله يعطيك العافيه تقرير روووعه من أجمل ملكه دائم تقاريرك مميزه دووم جمعتكم والله لايفرقكم متااااااااااابعين

شكرا شكرا اخجلتم تواضعتنا

عيونك الحلوة فديتك
تسلمين يارب على هالدعوات الحلوة ولك بمثلها يارب





قصوصة تنرفزت من كتر ما في ناس عصبيين بستنى التكملة عشان تكوني بردتي حرّتي فيها .. قال ما بدها تخدم

دندون انا محد رفع ضغطي غير هالستاف بهالفندق
افاااااااااا عليك بردت الحرة
ايه بكل وقاحة تصرخ علي بالصاله قدام الناس كنت بذبحها
وراحت تركض تقول حق ربعها بتذبحني
خخخخخخخخخخخخخ
كان فيلم
تعرفين ضربني واشتكى هذه كان ينطبق عليها المثل



الكبسه لابد منها الشوق قتال
الأسعار للأسف بإزدياد حسب ما أعرف من اللي يسافرون لها ..لكن ممكن يحس فيها لعائله الكبيره
النظافه مهمه حقيقه بعض الموظفين لا يعي مشكله تذمر النزلاء


انا عادة ما أدخل مطاعم عربيه
لكن اشتياق الأهل للرز جبرنا ناكل عندعم

الأسعار صارت نار والطمع على العرب بس
النظامه اول شي تلفت النظر

شكرا لمرورك ومتابعتك

 

abdullah h, Deena, ام جسومي و 4 آخرون معجبون بهذا.

توقيع : قصة حب

كل إنسآن سيـكون يومـآ مجرد .. ذكـرى ! أمنيتــي أن أكون .. { ذكـرى بيضآء } في قلوبكـ

نقره لعرض الصورة في صفحة مستقلة



لا تغير طبعك لترضيهم ، لاتبدل صوتك لتعجبهم ، لا تخالف مبدأك لتوافقهم ، لا تتصنع لتنال رضاهم
أنت لك بصمة ، عش بما يرضي ربك ، ثم يرضيك ويرضى طموحك
قصة حب غير متواجد حالياً   رد مع اقتباس
قديم 25-12-2016, 10:07 AM   #135

عضو قدير

الصورة الرمزية قصة حب
 
تاريخ التسجيل :  Dec 2014
رقم العضوية : 140
الدولة : الكويت - ديرة الخير
الجنس : انثى
المشاركات : 3,441



أوسـمـة: قصة حب

كل الاوسمة:1 (more»)
افتراضي


أنا سعيدة جدا لتفاعلكم مع التقرير
هذا العشم فيكم

 

توقيع : قصة حب

كل إنسآن سيـكون يومـآ مجرد .. ذكـرى ! أمنيتــي أن أكون .. { ذكـرى بيضآء } في قلوبكـ

نقره لعرض الصورة في صفحة مستقلة



لا تغير طبعك لترضيهم ، لاتبدل صوتك لتعجبهم ، لا تخالف مبدأك لتوافقهم ، لا تتصنع لتنال رضاهم
أنت لك بصمة ، عش بما يرضي ربك ، ثم يرضيك ويرضى طموحك
قصة حب غير متواجد حالياً   رد مع اقتباس
قديم 25-12-2016, 10:34 AM   #136

عضو قدير

الصورة الرمزية قصة حب
 
تاريخ التسجيل :  Dec 2014
رقم العضوية : 140
الدولة : الكويت - ديرة الخير
الجنس : انثى
المشاركات : 3,441



أوسـمـة: قصة حب

كل الاوسمة:1 (more»)
افتراضي



ماشاءالله شكلك التقرير دسم ومليان صور

هلا والله ايه دسم ويبيله قلاصات شاي وقهوة عشان تركزي بالمتابعة

انا للاسف مو من عشاق التصوير والله لو ما كان في نيتي اكتب تقرير في المنتدى يمكن كنت رجعت من السفر بدون ولا صوره

بالعكس التصوير يوثق الرحلة وحلو لما تشوفينها بعد فترة مثل ما انا اسوي الحين كل شهر اشوف التصور واستانس

انا احب استمتع باللحظه بس بعدها اندم واقول ياريتني صورت

ف شكرا لكم اللي خليتوني اصور

انا استمتع واصور بنفس الوقت

شكرا لك على التقرير الجميل
استمري ولا تقاطعين التقارير



عاد انا بقرا جزئيه جزئيه وبرجع اضيف تعليقي في نفس المشاركه استحمليني

حيا الله خذي راحتك

الحمدلله اللي تمم رحلتكم على خير وكويس اخوك قدر يروح معاكم
لان السفر جماعه ممتع

الحمد لله
فعلا السفر مجموعه اونس


حبيت ان الطياره ماتجبرك على الاكل وانه راجعلك تشتري او لا
واحس الاكل اللي تشتريه افضل من اللي يجبروك عليه

اي هذا الطيران اقتصادي ( فلاي دبي )

اما الطياره ام طابقين فكرتيني بام صحبتي

اختارات الطابق الثاني على قولتها لو طاحت الطياره اللي فوق ما حيصرلهم شي قد اللي تحت هههههههه

عاد الله يجبرنا من حوادث الطيران

هههههههههاي افكار صديقتك خطيرة
ربي يحفظنا جميع يارب ويكفينا شر هالكوارث


اما خوفك على العيال شي طبيعي

الحمد لله

بس فكرتيني بفيلم home alone لما اهله نسيوه وسافروا نيويورك

لا عاد مو لهالدرجة انساهم بالبيت واسافر خخخخخ

عاد في فلم امريكي لو شفتيه كنتي وسوستي زياده
( قصته ام وبنتها في طياره وزوجها يبغى يخطف البنت فحاول يجننها فجأه البنت اختفت من الطياره وقعدت تدور وتسأل المظيفين والكل يقلها انو انت جيتي لحالك بس

حتى كشف الاسماء اتلاعب فيه خلوا البنت مالها وجود في الرحله>>> الزوج متفق معاهم

المهم بعد ما تضاربت وهبلتبهم لقيت بنتها

ولله الحمد

عموما هيا ك فكره احس مستحيله بس خلتني اوسوس في الموضوع ومرت عمتي شافته وصارت توسوس على عيالها في الطياره

عيله موسوسه بعيد عنك )

واااااااي هذا الفيلم شايفته تعبت نفسيا منه وايد
حسبي الله عليهم عذبوها وجننوها بالطيارة


تصدقي كنت حاطه في خطتي ازور الماينز في نفس اليوم مع بوتراجايا بس مع المطر كنسلت الموضوع

ليتك كثرتي الصور حق المول

مول الماينز ؟؟
عندي بالتقرير السابق ارجعي شوفيه
ولو فيه مجال راح احمل الصور مرة ثانية من عيوني بس لما اخص



منهاتن في ماركت الاكل عنده جدا لذيذ بس كل ما كنت احاول ازوره في بافيلييون ما اقدر


اخر يومين في السفر ذقته ولا كنت قضيت الايام كلها اكل فيه

لذيذ لكن انا مليت منه اتصدقين
حتى بتايلند اكلنا منه
عليك بالف عافية




تعرفي انا التشيزكيك الياباني كنت حاطته في جدولي

وقلت مستحيل ارجع من ماليزيا وما ذقته

حسيت التارت افضل من التشيزكيك


التشيزكيك اول ما ذقته صراحه ما استسغت طعمه وهو حار
حسيت نفسي اكل شي ني

بعدين رجعت اكلته في البيت الطعم صار افضل

بس ممكن ارجع اكله ثاني

التارت لذيذ
التشيز كيك الياباني حلو لما يبرد ليه يوم ثاني
وهو حار ما حبيته ابدا



صحيح كلامك الخليجيين والعرب بشكل عام يستهدفوهم في النصب

انا اشيك على الفاتوره اذا كانت قريبه من السعر اللي في بالي اتجاهل الزياده لان بعض المطاعم تحط سعر الطبق بدون ما يكون شامل الضريبه فتكون الزياده حق الضريبه

طبعا يعتبرونا خيشة فلوس تتحرك
انا اعطي زيادة بمزاجي



صراحه موظفين منهاتن فيش ماركت اللي في البافيليون مره محترمين

ما جربته ما كنت عارفه فيه فرع بالبافليون

انا طلبت طبقي بدون اي مشروبات ف عرضت عليا مويه في كاسه هما يعبوها سعرها ٢ رينجت ومعروف المويه في المطاعم تكون نظيفه ولها فلتر وزيها زي القارورة بس رفضت

ما احب اشرب الماء بقلاص افضل ماء صحة

يا جمال ملاهي الصن وي

بس للاسف ما استخدمت المسابح ابدا وخفت ادخل بالعبايه يشوتوني
وبسبب التهاب الحلق كمان ما تشجعت كثير

بس ممتعه حتى بدون سباحه

هههههههاي
بكل سفراتي اشوف بنات سعوديات بالمسبح بالعباية محد يكلمهم
بس انا افضل المايوه الاسلامي طويل ووسيع وما هو لازق بالجسم
وبسرعة ينشف

الف سلامه عليك


انت معاك بكج عائلي بس اهلك ليه ما اشتريتيلهم تذاكر من النت قبلها
تعرفي الاون لاين ب ١٢٠ البالغ

ذكرت ان السفرة كانت ببتكنسل فما رضوا يحجزون وتضيع فلوسهم



ااش يعني البوري ؟


البوري نوع من انواع الخبز الهندي ( مقلي بالزين ) بس لذيذ



االاكله ذي اتوقع عجينه مقليه وسكر

يعني البوري اكله في الكويت ؟

هي موجودة بالكويت بالمطاعم الهندية
هي هندية


بوتراجايا جميله اتمنى ازورها ثانيه

لان رحله الكروز كانت قصيره بسبب المطر

وفي كذا مكان ما قدرت اروحه بسبب المطر

بوتروجايا حلوة لكن تكفيها زيارة مرة بس



ماشاءالله عليك اشوفك مصوره بعض الأطفال

انا صراحه كنت اخاف اصور اي احد تعرفي هنا عندنا وسوسه وما نحب احد يصور بزورتنا ف خفت عندهم نفس النظام

ايه صورتهم
اللي بالمحطة استأذنت من الأم




الحمدلله على سلامه قلبك وكويس لقيتي التذكره

فكره انك تفقدي التذكره او اي شي مهم تحسي الضغط يرتفع والراس بينفجر

بس الحمدلله انك لقيتيها

ايه الحمد لله يومها كنت بحاله لا اتمناها لأحد

اما السائق الحمدلله ما صادفني ولا صدقيني ما بتحرك من المحطه الا وانا مقدمه فيه شكوى


هذا حقير لكن احنا نزلنا وتحمدنا ربنا وصلنا بالسلامة مستهتر جدا ويمشي بسرعه
وطول الطريق يتكلم بالتفون


ياختي مدري ليه شايفين العرب بنوك متحركه

بس اتوقع العيب مننا المفروض نحرص ما نبالغ في ملابسنا
وما نسبلهم السنتات عشان يعرفوا أن نحن اقتصاديين


صحيح كلامك ، انا حتى الخواتم ما البسها بالسفر ، بس الساعه

ولازم نكاسرهم

طبعا انا ما أخذ اي شي بدون مكاسر اذا المحل يسمح

ليتكم استخدمتها اوبر كان وفرتوا مبلغ محترم وماحد نصبكم عشان مشوار الفندق

ما كنت اعرفه للاسف


احرصي في رحلتك الجايه تحملوا اوبر في جوالاتكم
ان شاء الله
بس هالتطبيق عندهم سيارات كبيرة مثل الميني فان ؟؟؟؟؟





شكرا لك وسعدت بالرد على اسئلتك
تابعي ولا تباعدين ،،،

 

توبليرون و نانا ابو عابد معجبون بهذا.

توقيع : قصة حب

كل إنسآن سيـكون يومـآ مجرد .. ذكـرى ! أمنيتــي أن أكون .. { ذكـرى بيضآء } في قلوبكـ

نقره لعرض الصورة في صفحة مستقلة



لا تغير طبعك لترضيهم ، لاتبدل صوتك لتعجبهم ، لا تخالف مبدأك لتوافقهم ، لا تتصنع لتنال رضاهم
أنت لك بصمة ، عش بما يرضي ربك ، ثم يرضيك ويرضى طموحك
قصة حب غير متواجد حالياً   رد مع اقتباس
قديم 25-12-2016, 11:00 AM   #137

مسافر جديد

 
 
تاريخ التسجيل :  Sep 2016
رقم العضوية : 12279
الجنس : ذكر
المشاركات : 14



افتراضي


سفره ممتعه

 

توبليرونمعجبون بهذا.
private غير متواجد حالياً   رد مع اقتباس
قديم 25-12-2016, 11:56 AM   #138

عضو قدير

الصورة الرمزية قصة حب
 
تاريخ التسجيل :  Dec 2014
رقم العضوية : 140
الدولة : الكويت - ديرة الخير
الجنس : انثى
المشاركات : 3,441



أوسـمـة: قصة حب

كل الاوسمة:1 (more»)
افتراضي



نكمل سالفة الفندق



طبعا قدمت شكوى على الموظفة بالاستقبال
وطلبت اشوف المدير
وبلغتهم اني طالعه رحلة ولما ارجع نتفاهم مع المدير

لكن الموظفة اللي معاهم كانت تزفها على طريقتها
لكنها تستمر بقلة الادب حتى مع ربعها

انا وراك وراك





رجعنا الغرف نضبط نفسنا وناخذ فلوس من الخزنة عشان الرحلة



قررنا زيارة حديقة الفواكة عشان خاطر الأعضاء الجدد بالرحلة


(( Tropical Fruit Farm))




اتفقنا مع ميني فان عشان نكون كلنا مع بعض بسيارة واحدة اونس
الحساب بالساعة وبآخر الرحلات نحاسبه ونقسم المبلغ على عدد الأشخاص


وتوكلنا على الله





وصلنا ما شاء الله زحمة بالحديقة

العجوز اللي تقطع التذاكر بقمة النحاسة
20 الف مرة تشوف التذاكر وتعد الحاضرين وتتأكد من الأعمار
وكانت تبي تدفع اخواني على عيالهم الصغار تذاكر كبيرة وهم فعلا اعمارهم صغيرة
لكن الشكل اكبر

وشدت معانا لكن كنا لها بالمرصاد
كل من هب ودب يبي يصرخ على الناس بكيفه
احنا جايين بفلوسنا
وسماااااااااااااااام استطمعوا وايد بالعرب


استحي على وجهك عجوز النار قمة النحاسة

وركبنا سيارة الحديقة حتى توصلنا فوق لأول محطة نشوف المزروعات

طبعا سعر التذاكر زايد
الكبير صار 42 رينجنت








الجو حلو لكن شوية حرارة من الشمس
انصح بالشمسية او كبوس ( طاقية على الراس )




بعض الثمرات يغطونها عن الحشرات والطيور





اعتقد انه لومي ( ليمون )

















احب اصور ورق الشجر الأصفر























المناظر حلوة والترتيب بالحديقة وايد حلو
لكن حرارة الجو تخليك تمشي بسرعه ما تستمتع
يمكن غيري هالجو عنده عادي
لكن انا بالنسبة لي حرررررررر





خلصنا الحديقة ودخلنا صالة العروض

ما كان فيه صاله بآخر زيارة لنا سنة 2013





فيه علب الزجاج الكيبرة ( احنا نسميها غرشة او بستوق للأجار) الطرشي اللي نسويه بالخل
كميات كبيرة للبيع
كان ودي اشتري بس اشلون اشيلها معاي
تشوووووووووووق
مسوينها من جميع الفاكهة والخضار اللي بالحديقة
يعني كلها اورقانك ( طبيعي )



هذا انا اسويه كل سنة بالبيت لذيذ مع الاكل وخصوصا الاسماك المقلية




وهذا خل للشرب
ذقناه لذيذ
فيه انواع للتخسيس
للقولون ولبعض الأمراض
بس غالي ما أخذت منه
خوفي يتلف الملابس بالشنطة والريحة تفضحنا مع الخل بالطيارة



حبيت هذا الركن كثير بس الأسعار مبالغ فيها




فيه صابون وعسل وجنسنق وشاي وليمون قراس ومنتجات غيرها للبيع













 

abdullah h, Deena, ام جسومي و 6 آخرون معجبون بهذا.

توقيع : قصة حب

كل إنسآن سيـكون يومـآ مجرد .. ذكـرى ! أمنيتــي أن أكون .. { ذكـرى بيضآء } في قلوبكـ

نقره لعرض الصورة في صفحة مستقلة



لا تغير طبعك لترضيهم ، لاتبدل صوتك لتعجبهم ، لا تخالف مبدأك لتوافقهم ، لا تتصنع لتنال رضاهم
أنت لك بصمة ، عش بما يرضي ربك ، ثم يرضيك ويرضى طموحك
قصة حب غير متواجد حالياً   رد مع اقتباس
قديم 25-12-2016, 12:01 PM   #139

عضو قدير

الصورة الرمزية قصة حب
 
تاريخ التسجيل :  Dec 2014
رقم العضوية : 140
الدولة : الكويت - ديرة الخير
الجنس : انثى
المشاركات : 3,441



أوسـمـة: قصة حب

كل الاوسمة:1 (more»)
افتراضي










بهارت مجففة



الصالة حلوة ومرتبة لكن اغلب الأسعار عالية

صابون






















ونطلع من صاله العروض الى صالة تذوق الفواكهة والبوفيه الخاص فيها





















المانجا عجييييييييييييييييييييبة اكلنا منها لما شبعنا ما شاء الله



هذه صحون كل المجموعة ما شاء الله





الف صحة وعافية علينا يارب





ولك عصير مجاني ايضا تختار نوع الفاكهة

اخترنا المانجوووووووو لذيذ وبارد يسرسح على القلب

 

abdullah h, Deena, ام جسومي و 8 آخرون معجبون بهذا.

توقيع : قصة حب

كل إنسآن سيـكون يومـآ مجرد .. ذكـرى ! أمنيتــي أن أكون .. { ذكـرى بيضآء } في قلوبكـ

نقره لعرض الصورة في صفحة مستقلة



لا تغير طبعك لترضيهم ، لاتبدل صوتك لتعجبهم ، لا تخالف مبدأك لتوافقهم ، لا تتصنع لتنال رضاهم
أنت لك بصمة ، عش بما يرضي ربك ، ثم يرضيك ويرضى طموحك
قصة حب غير متواجد حالياً   رد مع اقتباس
قديم 25-12-2016, 12:03 PM   #140

عضو قدير

الصورة الرمزية قصة حب
 
تاريخ التسجيل :  Dec 2014
رقم العضوية : 140
الدولة : الكويت - ديرة الخير
الجنس : انثى
المشاركات : 3,441



أوسـمـة: قصة حب

كل الاوسمة:1 (more»)
افتراضي


ما أدري ليش التنسيق بالخطوط كله مو مضبوط
جنني اختار الحجم ويطلع اصغر من اللي اخترته


 

توبليرون و نانا ابو عابد معجبون بهذا.

توقيع : قصة حب

كل إنسآن سيـكون يومـآ مجرد .. ذكـرى ! أمنيتــي أن أكون .. { ذكـرى بيضآء } في قلوبكـ

نقره لعرض الصورة في صفحة مستقلة



لا تغير طبعك لترضيهم ، لاتبدل صوتك لتعجبهم ، لا تخالف مبدأك لتوافقهم ، لا تتصنع لتنال رضاهم
أنت لك بصمة ، عش بما يرضي ربك ، ثم يرضيك ويرضى طموحك
قصة حب غير متواجد حالياً   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
رحلتي العائلية 18 ليلة صيف 2015 من 16 يوليو إلى 3 أغسطس abdullah h تقارير لا تنسى 420 28-03-2022 11:13 AM
نحييكم من اندونيسيا في رحلتنا العائلية نوفمبر 2015 ابو تركي 99 بوابة اندونيسيا 95 24-04-2017 10:06 AM
الغردقة «ملكة المدن السياحية العربية» لعام 2015 وليد عنبه بوابة مصر 33 01-04-2015 05:35 AM

الساعة الآن 02:25 PM
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO