ماشاءالله شكلك التقرير دسم ومليان صور



انا للاسف مو من عشاق التصوير والله لو ما كان في نيتي اكتب تقرير في المنتدى يمكن كنت رجعت من السفر بدون ولا صوره


انا احب استمتع باللحظه بس بعدها اندم واقول ياريتني صورت

ف شكرا لكم اللي خليتوني اصور



عاد انا بقرا جزئيه جزئيه وبرجع اضيف تعليقي في نفس المشاركه استحمليني


الحمدلله اللي تمم رحلتكم على خير وكويس اخوك قدر يروح معاكم
لان السفر جماعه ممتع


حبيت ان الطياره ماتجبرك على الاكل وانه راجعلك تشتري او لا
واحس الاكل اللي تشتريه افضل من اللي يجبروك عليه


اما الطياره ام طابقين فكرتيني بام صحبتي

اختارات الطابق الثاني على قولتها لو طاحت الطياره اللي فوق ما حيصرلهم شي قد اللي تحت هههههههه

عاد الله يجبرنا من حوادث الطيران


اما خوفك على العيال شي طبيعي


بس فكرتيني بفيلم home alone لما اهله نسيوه وسافروا نيويورك

عاد في فلم امريكي لو شفتيه كنتي وسوستي زياده
( قصته ام وبنتها في طياره وزوجها يبغى يخطف البنت فحاول يجننها فجأه البنت اختفت من الطياره وقعدت تدور وتسأل المظيفين والكل يقلها انو انت جيتي لحالك بس

حتى كشف الاسماء اتلاعب فيه خلوا البنت مالها وجود في الرحله>>> الزوج متفق معاهم

المهم بعد ما تضاربت وهبلتبهم لقيت بنتها

ولله الحمد

عموما هيا ك فكره احس مستحيله بس خلتني اوسوس في الموضوع ومرت عمتي شافته وصارت توسوس على عيالها في الطياره


عيله موسوسه بعيد عنك )


تصدقي كنت حاطه في خطتي ازور الماينز في نفس اليوم مع بوتراجايا بس مع المطر كنسلت الموضوع

ليتك كثرتي الصور حق المول



منهاتن في ماركت الاكل عنده جدا لذيذ بس كل ما كنت احاول ازوره في بافيلييون ما اقدر

اخر يومين في السفر ذقته ولا كنت قضيت الايام كلها اكل فيه


تعرفي انا التشيزكيك الياباني كنت حاطته في جدولي

وقلت مستحيل ارجع من ماليزيا وما ذقته

حسيت التارت افضل من التشيزكيك

التشيزكيك اول ما ذقته صراحه ما استسغت طعمه وهو حار
حسيت نفسي اكل شي ني

بعدين رجعت اكلته في البيت الطعم صار افضل

بس ممكن ارجع اكله ثاني


صحيح كلامك الخليجيين والعرب بشكل عام يستهدفوهم في النصب

انا اشيك على الفاتوره اذا كانت قريبه من السعر اللي في بالي اتجاهل الزياده لان بعض المطاعم تحط سعر الطبق بدون ما يكون شامل الضريبه فتكون الزياده حق الضريبه


صراحه موظفين منهاتن فيش ماركت اللي في البافيليون مره محترمين

انا طلبت طبقي بدون اي مشروبات ف عرضت عليا مويه في كاسه هما يعبوها سعرها ٢ رينجت ومعروف المويه في المطاعم تكون نظيفه ولها فلتر وزيها زي القارورة بس رفضت


يا جمال ملاهي الصن وي

بس للاسف ما استخدمت المسابح ابدا وخفت ادخل بالعبايه يشوتوني
وبسبب التهاب الحلق كمان ما تشجعت كثير

بس ممتعه حتى بدون سباحه


انت معاك بكج عائلي بس اهلك ليه ما اشتريتيلهم تذاكر من النت قبلها
تعرفي الاون لاين ب ١٢٠ البالغ

ااش يعني البوري ؟

االاكله ذي اتوقع عجينه مقليه وسكر

يعني البوري اكله في الكويت ؟


بوتراجايا جميله اتمنى ازورها ثانيه

لان رحله الكروز كانت قصيره بسبب المطر

وفي كذا مكان ما قدرت اروحه بسبب المطر


ماشاءالله عليك اشوفك مصوره بعض الأطفال

انا صراحه كنت اخاف اصور اي احد تعرفي هنا عندنا وسوسه وما نحب احد يصور بزورتنا ف خفت عندهم نفس النظام




الحمدلله على سلامه قلبك وكويس لقيتي التذكره

فكره انك تفقدي التذكره او اي شي مهم تحسي الضغط يرتفع والراس بينفجر


بس الحمدلله انك لقيتيها



اما السائق الحمدلله ما صادفني ولا صدقيني ما بتحرك من المحطه الا وانا مقدمه فيه شكوى


ياختي مدري ليه شايفين العرب بنوك متحركه

بس اتوقع العيب مننا المفروض نحرص ما نبالغ في ملابسنا
وما نسبلهم السنتات عشان يعرفوا أن نحن اقتصاديين

ولازم نكاسرهم


ليتكم استخدمتها اوبر كان وفرتوا مبلغ محترم وماحد نصبكم عشان مشوار الفندق


احرصي في رحلتك الجايه تحملوا اوبر في جوالاتكم