شقق راقيه على بحيره زلمسي - الصفحة 2

الهتان · 17-02-2015, 07:46 PM

مشاء اللله موقع مميز ورائع تسلمي ع التقرير

هاوية الاسفار · 18-02-2015, 12:07 AM

يا هلا باختنا اسماء حياك في بيتج الثاني
ما شاء الله الصور روووووووعه و لقطات محترفه اهنيج على بدايتج الجميلة
بصراحه اطلالة الشقه ترد الروح و الصور من أيد مبدعه الله يحفظج
بس احنا نطمع بأكثر من هذا و ننتظر منج تقارير دسمه
بالتوفيق

هاوية الاسفار · 18-02-2015, 12:15 AM

اقتباس : المشاركة الأصلية كتبت بواسطة هداوه

هديتي المتواضعه لصديقتي أم أحمد

الله يسلمكم أم أحمد كنت متواصله معاها لما كنا مسافرين في الصيف وخبرتني عن هاي الشقق وحمستني أزورها لما كنت في ميونخ
وحسب ماخبرتني أم أحمد انه جزء من هاي الشقق هي مملوكه للخليجيين
وفي ال3 أيام اللي قضيناها في ميونخ خصصنا يوم لزيارة زيلامسي وسرنا مخصوص عشان نشوفها
الشقه في الجهه المقابله من بحيرة زيلامسي ، يعني هي في جهه هاديه مطله ع البحيره ويجابلكم فندق جراند
يعتبر اختيار مناسب للي يبا الهدوء وبعيد عن زحمة الخليجين
ولكن تحتاجون سياره لو بغيتوا تسيرون سنتر زيلامسي

الحين بعطيكم الصور اللي التقطتها في هاليوم

ونحن في الطريج الى زيلامسي
في هاليوم كان الجو مغيم وممطر

وصلنا زيلامسي

أول ماوصلنا سنتر زيلامسي سرنا أول شي مكتب المعلومات لأني ماعرفت بالضبط وين هاي العماره
لما سألتهم شاورتلي ع الخريطه انه في الجهه الثانيه وعطتني العنوان اللي حطيته في الجارمن ووصلنا مباشره لها

هاي الصوره صورتها من لوحه مصوره
العماره هي اللي لونها بني واللي عدالها أعتقد هو فندق جديد تحت الانشاء

لما وصلنا العماره كلمنا موظف الرسبشن و طلبنا منه يراوينا الشقق المتوفره
وكان متعاون ويانا وتفرجنا ع بعضهم
وفيه شقق اطلالتها تجنن ع البحيره مباشره شرات شقة أم أحمد

هاي وحده من هالشقق اللي دخلناها

فديت عبادي الله يحفظه لي يارب هو وأخوانه

يوجد في الصاله سرير اضافي
ترا مب كل الشقق نفس الشي
فيه منهم أم غرفتين وفيه ام ثلاث
ومن داخل تختلف من شقه للشقه
أم أحمد ممكن تفيدكم أكثر مني

وحده من الشقق لها تيراس كبير وخاص لها

كشخه هالتراس حق اليلسه واليمعه والغدا فيها

بلكونة الجيران

عقب ماتفرجنا ع الشقق سرنا سنتر زيلامسي وتغدينا في مطاعمها وتمشينا فيها شويه
وعقب رجعنا صوب ميونخ

وبعد الغيوم والامطار رافقتنا في العوده

كان يوم جميل ماخرب عليه الا المرض
في هاليوم كان فيي احتقان وحاسه بالتعب ويالسه ع المسكنات

أشكر أم أحمد الغاليه ع اختيارها الجميل واقولج
السنه اليايه مابتحلصين فيها حجز
بتروح عليج هههههه

تحياتي للجميع

ما شاء الله الصور روووووعة و المناظر تأسر الالباب
الشقه وأيد حلوة و عيبتني حركة السرير في الجدار من زمان في خاطري هالحركة حد يسويها عندنا لغرف الضيوف
تسلمين على الإضافة

اسماء ام احمد · 19-02-2015, 12:11 AM

اقتباس : المشاركة الأصلية كتبت بواسطة هداوه

مبرووووك
وأخيرا نزل التقرير كامل
وان شاءالله عقب بتصيرين خبيره
هي البدايه صعبه شويه بس عقب تصير أسهل
وماشاءالله عليج انتي خبره في السفر وأتمنى يستفيدون منج الاعضاء
وماشاءالله الصور تجنن ودايما ماشاءالله اختياراتج حلوه وتعجبني
الله يعطيج الف عافيه وننتظر منج المزيد

بارك الله فيج أختي وصديقتي وحبيبتي هداوه شكرًا على التشجيع والاضافه ما قصرتي الغاليه ان شاء الله اوعدكم بتقارير حلوه بس اصبرو علي شوي توني مبتدئه وبنفس الوقت مشغوله جداً بالعمل في الوقت الحالي ان شاء الله اروق واتفرغ لكم

اسماء ام احمد · 19-02-2015, 12:18 AM

اقتباس : المشاركة الأصلية كتبت بواسطة هدوء العالم

ماشاءالله شقة جميلة اختي ام احمد
وتسلم إيدج على الصور الجميلة والاطلالة الجميلة
الله يعطيج العافية
بإنتظار جديدج دووووم معانا غلاتي
والله يعطي اختنا هداوة العافية
على مشاركتها الجميلة هنا

شكرًا أختي الحبيبه هدوء من ذوقج والله وان شاء الله راح انزل تقارير وادعولي اتشافى من حب النمسا لانها خربت علي كل سفراتي كل ما سافرت بلد قلت في خاطري ولو مو مثل النمسا وكل ما زرتها يتجدد حبي لها وما أمل منها

اسماء ام احمد · 19-02-2015, 12:29 AM

اقتباس : المشاركة الأصلية كتبت بواسطة آخـــرفـــرصـــة

يا هلا و مرحبا أم أحمد

نورت المنتدى بيتك و بين أخوانك

اختيار رائع عجبني موقع الشقة كثير
و أثاثها جميل و الاطلالة خيالية

من حقكم تجلسون بالشقة و ما تطلعون مريحة جداً

لفت نظري جمال اللقطات محترفة ما شاء الله
بالاضافة لأنك مصورة محترفة يبدو لي طباخة ماهرة مبين من الأكل

مرحباً بك مجدداً بيننا

الله يسعدك أم عيسى و سلامتك من كل شر
أم أحمد مكسب كبير للمنتدى
الله يحفظها و يحفظك

كل الشكر لك سيدي وفعلا هالشقق كانت الأجمل بكل سفراتي اما مساله الطبخ فأنا لما أكون مستقره في اوربا ومروقه اطبخ تقريبا ثلاث مرات بالأسبوع البعض يقول بهدله الطبخ بالسفر بس انا أشوفه راحه ولذه ووناسه وأفراد العايله يستانسون خصوصا ابو العيال ما يستغنى عن الرز وما اخفيكم سويت مرتين مرق باميه حتى بعض متابعاني بالانستغرام قالو مصختيها بس انا مثل ما قلت وقت المطر نقعد بالبلكونه شاهي وقهوه وانا أتردد على المطبخ ومرتاحه وساعات اذا طالعه رحله اجهز قبل لا اطلع وارجع من الرحلة اكمل الطبخه بأقل من ربع ساعه تجهز سهالات والله

وممكن انزل لكم موضوع أفكار الطبخ السهل والسريع بالسفر اشرايكم ؟؟

اسماء ام احمد · 19-02-2015, 12:32 AM

اقتباس : المشاركة الأصلية كتبت بواسطة Azzam

ما شالله اطلالة في قمة الروعه يا ام احمد شقق جيملة بصراحه

يعطيك العافية يارب وما قصرت هداوة على الاضافة

بارك الله فيكم جميعاً

كل الشكر لكم على التشجيع

اسماء ام احمد · 19-02-2015, 12:34 AM

اقتباس : المشاركة الأصلية كتبت بواسطة fanda

ما شاء الله الإطلالة عجيبه
والشقه باين عليها نظيفة ومرتبه

يعطيك العافيه ام احمد على ذكر تجربتك والشكر لام عيسى على الاضافه

فعلا المبني جديد والأثاث رائع شكرًا على المرور

شارلوك هولمز · 01-03-2015, 03:29 AM

روووووووووعه تسلم ايدك ..وكل الشكر لام عيسى على الاضافة ماقصرتوا جميعاً

هولمز

شارلوك هولمز · 01-03-2015, 03:46 AM

رجعت مرة ثانيه لها الصوره روووووعه ههههههه

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
قناة الجزيرة في اكبر بحيره في اثيوبيا	أبوهمس	بوابة اثيوبيا	6	07-09-2015 07:43 PM
مطار ميونيخ بس السكن الاطول في زلمسي باي سفاره اخذ الفيزا ؟	محبة الاسفار	فيزا	5	09-06-2015 06:54 PM