نكمل معاكم
اليوم الثاني من عمرتنا
.....
كان يوم الثلاثاء اول صفر وفتح التأشيرة للأجانب

المهم بعد الفطور اخذنا نومة حلوة
والحلو في الغرفة انها تكون ظلمة خرمس عز الظهر
صحينا قبل صلاة الظهر وتجهزنا وطلعنا نصلي في الحرم
مافي مجال للنساء يوصولون للصحن
رحت نفس مكاني مال الفير وصليت مع الحريم بعد قراءة بعض الأيات بكمل ختمتي اللي وصلت لنص الجزء 29 والمهم

صلينا وطلعنا ...وتصوير














دخلنا أبراج الوقف ....نبي نتغدى ...ناوين مطعم أطياف اللي في فندق الفيرمونت

بس واحنا ماشين شفنا سميت سراي
قلت حق بوحسين خل ناكل عنده اذا في أكل تركي
ورحنا له









في قعدة محترمة عندهم
بس طلع عندهم بس السميت وحشواتهم يعني كافيه نفس اللي بتركيا ...بس ليش زحمة مو وقت المعجنات والسميت الحين

خليناه ورحنا حق صديقنا
الفيرمونت ....جميل جدااا لازم اسكن فيه مرة ثانية



ايي سألنا الكونسيرج عن مطعم الديرة السعودي ....مو فاتح ليش

المهم رحنا مطعمنا وقالو بعد نص ساعة يفتح واحنا يواااعه
قلنا ننطر شنسوي بعد
وقعدنا ننطر باللوبي



















صارت الساعه وحدة الظهر وافتحو المطعم
الشخص ب 175 ريال
قلنا يلا وأول ناس ندخل
واخذت راحتي بالتصوير

طاولتنا






كل قسم في تقريبا عمال بس ينظفون الطاولة وبخدمتكم على طول

بوفيه السلطات









المخبوزات فرق فرق عن الصبح









الحلويات ...









الباستات











الشوربات







الأطباق الرئيسية



دياي مشوي وبطاطا مشوية












القوزي ....لذيذ


















هني في كافيه او مطعم يطل على ساحة الحرم .... ليش مو شغال حلو المكان




اطباقي السلطة والرئيسي



وشوربتي



والحلووو للحلووو









بعد الغدا وشبعة البطن
طلعنا نتمشى بالسوق
ولازم الصيدلية اول يوم اخذنا حبوب مسكن للام العظام حق بوحسين

واليوم اخذت لي قطرة لعيني ...قعدت من النوم تعورني



وبعدها رحت اتمشى بروحي....بوحسين راح يشتري ماي زمزم دخلت هايبر ماركت الابراج جديد مفتوح
جمعية يعني ....ما حصلت اللي ابيه






لازم تروحون له الدور الثالث يمكن ... وبعدها السلم المتحرك هذا




بعدها رحت لأبن داوود
وشريت اللي موصتني عليه بنتي ولو عندي وقت ما طلعت الا خامة الأكو والماكو

المواعين حلوة وشغلات فناتك
رجعت ريحت بالغرفة ووقت صلاة العصر قلت لبوحسين
انت روح وانا بريح شوي
نمت وبعدها صليت ....انطر بوحسين ..طول ...
نزلت تحت قلت يمكن بالرسيبشن ...ما حصلته
المهم دزيت له واتس اب قلت له انا بشرب قهوة بكافيه الفندق
وطلبي









بعدها يه بوحسين ورحنا نتمشى باسواق الهيلتون اللي ورا الوقف...

ما شاءالله الاستقبال ما يوقف من المعتمرين يارب زيد وبارك





















وطلعنا ...اليوم ما شاءالله المعتمرين من الهند كانوا متواجدين



تم التصدق بالتمر















جزاهم خير مميزين بعملهم الدؤوب













المراوح ورذاذ الماي شغال عدل




وهني مكان الوضوء للنساء





















يتبع.....

دخلنا الحرم بنصلي بالصحن من هالباب






.... ما كو ..
بس في تحت مكان حلو للحريم ورحت...







وطلينا هني ابي انزل تحت...






ونزلنا ابوحسين راح بالصحن وانا هني







واشرايكم خوش مكان...










بعد صلاة المغرب ظلينا بالحرم وانا الحمدلله ختمت الي باقي لي
وبعد غيرت مكاني وياني أطفال اثنين بعمر السبع والتسع سنوات معاهم مطارة شاي ويوزعون على المصليات....والله خوش شاي فيه اعشاب شكله




هذه المظلات الخشبية اللي يبنونهم داير مدار الصحن



بعد الصلاة ....طلعنا صوب فندق التوحيد
بنروح نتعشى ونتمشى هناك...
هذه الساحة وهناك توسعة الملك عبدالله










ودخلنا الهيلتون خلف التوحيد
(( ترى الأماكن ما اعرف اساميها ان شاءالله صح))










وقصدنا العشا بالبيك بنذوقه ...مع اني من زماااان ماكله منه



واخيراا طلبت مافي زحمة...والا يطلع بدون بيبسي ولا سلطة..مو نفسنا وجبة كاملة لازم كل شي تطلبونه ...علشان جذيه تشوفون فاتورتين....استغربت من السعر شوية وعرفت عاد...طلبت البيبسي والسلطة









طلب بوحسين



وسندويشتي












شريت من السوق شي حلووو
اشرايكم


وطلعنا وردينا حق ساحة الحرم...






ورحنا هالمرة من صوب شارع أجياد,,,بندخل من السوق






مرينا السوق تمشينا ما شرينا شي
ورحنا قعدنا باللوبي...وهات يا سنابات













صعدنا الغرفة ونوووم لصلاة الفجر
طلعنا الحرم ....



وبعد ممنوع الحريم
رحت مكاني مال المغرب



بعد الصلاة ...صعدنا فوق نطل ونودع الكعبة ....













توني انتبه على اسم الله تعالى على الثريا







من الساحة والجووو حلو الفجر

















وبعدا الريوق....ونفس الشي ما شي...بس الحمدلله






بعد الريوق صعدنا الغرفة وريحنا ساعتين موعدنا مع وائل السايق نفسه اللي وصلنا علشان يرجعنا المطار
......يتبع

قعدنا الساعة 8 ونص

تجهزنا ووطلبنا خدمة الغرف ياخذون جناطنا وكرتون الماي

ونعمل التشيك اوت واتصلنا على وائل















وكان واقف تحت بالمواقف....بالغصب يقول خلوه يدخل

وعند الخروج من المواقف يمكن ما اخذ ربع ساعه

قال له السعر 15 ريال ....اشدعوة غالي ما طول عن ساعه

احنا عندنا الساعه بالكثير ربع دينار



توهق الولد قام يدور ويقول للرجل ما طولت .....قلت له وائل خذ عطه

...

مشينا وهالمرة من الطريق العادي....أي وقلت لبوحسين هالمرة اقعد جدام الله يخليك... وخذوا سوالف كورة ولاعبين ..

.... وقلت حق وائل افتح الراوتر...وعطاني الباسورد

وخذ سنابات طول الطريق...















































































محطة القطار ....شكلها قريب تخلص



























وصلنا المطار













ودعنا وائل ووعدناه ان كل ما نيي بنتصل عليه

وعلى فكرة بالروحة وبالردة بوحسين عطاه 300 ريال لكل درب يستاهل





اول ما دخلت انطر بوحسين ..































قصينا البوردنق ورحنا صالة المغادرين بعد التفتيش







بس هالكافيه موجود وزحمة ...مالنا خلق نوقف















المصلى نساء ويمه رجال









صلينا الظهر....بعد الصلاة غيرنا مكانا ملينا







يبيله باسكن









بوحسين ماتبي شي لا ....













وطرنا...بعد ما تم نقلنا بالباص للطيارة...مسافة كبيرة مشينا بالباص









طلبنا....بوحسين طلب كلوب ساندويتش...ما عجبه ومافي غيره كل شي خلص









انا طلبت بس ماي















غيم ... والا غبار...







طلع غبااار وهبوط بالسلامة









والحمدلله على السلامة











وهذه الكويت صل على النبي

المواقف اخذ منا 28 دينار يومين ...بوحسين ما وقف بالمدى الطويل....ولا يبي العيال يوصلونا المطار والا ياخذونا ...يقول احنا نروح بروحنا احسن ...

















ووصلنا بيتنا بالسلامة



مشترياتي اراويكم إياها ميخالف



اللي موصيتني عليهم بنتي ...المطارات الصغيرة اجدد نوع







تموور بنكهات مختلفة وسادة









وحقي من سوق هيلتون اللي خلف التوحيد....









وبخور للوالدة....وسيادة لزيونه...وقهوة من السوق الحرة..نوعين شقرا وسودا ...طلع مغلفات صغيره يعني تقريبا كل 3 مغلفات يكفي لدلة وسط









وسلااااااامتكم ادعوا لي ان اروح احج او اعتمر مرة ثانية ...ويكتبها لكم بعد قولو آمييييييين