رحلتي إلى سلطنة بروناي دار السلام أغسطس ٢٠١٦ (تفاصيل + فيديو)

ناصر الخميساني · 23-12-2016, 12:09 AM

ولأنكم أكيد تبون تعرفون عن رحلتي وتفاصيلها
واهم ما تبون تعرفون فيه أكيد كم كلفتني
كتبت تفاصيل اليوم الأول
وشفت ان ما له داعي أكمل، وايد كتبت

بس ما احس بيفيدكم
فحذفته
وقلت بكتفي ببعض الأشياء المهمة
+
الصور اللي نزلتو تقييمي بسببها ف التقرير الماضي

المطار صغير جداً ما راح تطول إجراءاتكم فيه
إلا يمكن بالنسبة للي بيسوي فيزا (مب متأكد)

،

وانتو ف الطريق إلى الفندق من المطار
افضل انكم تاخذون بطاقة التلفون لانه يمكن ما يمديكم نفسنا
نحن وصلنا متأخرين وقفلت المحلات
وأيضاً عشان تحويل العملة من أقرب محل والأسعار تقريباً متشابهة
في كل المحلات
وأفضل لكم تاخذون وتحولون من مجمع ياياسن
عشان الوقت
السيم كارد الذي خذته أنا Dtscom
قيمتها ٣٠ دولار
٣ قيقا ومكالمات ما آذكر كم فيها
الشبكة حلوة حتى ف آصعب الأماكن ووسط الغابة

،

الحلو – التوصيل عن طريق سيارات الفندق إلى الاماكن القريبة وحتى
المطار مجاناً، نظراً لقرب الاماكن، وان هذا أيضاً ما يكلفهم بترول لتكلفته البسيطة

،

بالنسبة لاستئجار سيارة مع سائق بإمكانكم متابعة حسابات الانستقرام
فيه تقريباً 5 حسابات ممكن تنسقون معهم

،

شعب بروناي يحبون ممارسة الرياضة بتحصلونهم ف الشوارع
ف كل مكان خلال فترة العصر إلى المغرب

،

جربوا أكلهم، يمكن بعضها ما يعجبكم
واللي يحب الفلفل يمكن يستانس هناك هههههه
لأن اعتمادهم الرئيسي ع الفلفل
لكن تقدر تطلب أكل بدون فلفل
و ترا قائمة الطعام عندهم كبيرة ما تعرف شو تختار
لكن يغلب على أكلهم الطعم السكري
يعني عادي تحصل صالونة سكر ...
فتاكدوا قبل لا تطلبون ..

،

الأسعار في البلد مب غالية احسها ف كثير من الاشياء
يعني إذا بنتكلم عن غرشة الماي مثلاً
قيمتها عندنا درهم وعندهم 1.5 درهم وف اماكن تحصلها أرخص
لكن ف بعض الأشياء ممكن تحصل أشياء غالية
مثلاً إيجار السيارة والتكاسي (المواصلات بشكل عام)
وبعض السلع ف المولات

،

ما تصدقون كم كلفتني هذي الرحلة
كان تحدي ان أشل معاي 5000 درهم
وفعلاً أنا واخوي بالضبط كلفتنا 5000 درهم
الحمد لله
+
1750 لكل تذكرة مثل ما ذكرت سابقاً
يعني المجموع لكل الرحلة مع الفنادق والاكل والمواصلات
8500 درهم
(وهذا طبعاً يعتمد عليكم في الصرف)
بالرغم من ان كانت كل أمورنا طبيعية عادي
بس الهدايا ما خذينا وايد، بس قايسنا على اللي عندنا

إذا نسيت أي شي زين تذكروني
وإذا فيه أسئلة انا جاهز ان شاء الله

،

وهذي صور منوعة كنت مصورنها بالسناب
عشان ما تزعلون وتقولون ما عيشتنا الأجواء

هذا السندويج مش ممكن، الصراحة طعمه لذيذ جداً
كان ف وجبة الريوق ف الطيارة

أهم شي الصلاة الحمد لله

من الفندق

المهليغاي

جزء من المهلغاي مع مسجد عمر سيف الدين

ههههههههههه

مسجد عمر سيف الدين

احم احم، أعرف اني محترف هههههههه >>> مصدق عمره

مكان الوضوء ف مسجد عمر سيف الدين

القرية المائية

ههههههه واصلين بلادهم ما نسوي اندومي مستحيل
طبعاً كنا يوعانين، وخذيناه من سوق كيانغيه وسويناه ف الشقة كل شي متوفر هههه

المسجد مع فلتر السناب مالهم

نارجيل
هذا خذناه من قدام بوابة تاسك لاما فيه واحد يبيع

من داخل متحف كامبونغ اير

هذي الكتابة على المهليغاي مذكورة التفاصيل

عيبني الرسم

طبعاً هو مكتبة عامة

ميدان الاحتفالات

من بين بوابة ميدان الاحتفالات يبين مسجد عمر سيف الدين من بعيد

هذا كان ثاني يوم الظهر
لكن مب ذاك الزود الحر

اول فندق

فلوسهم
ياخي جميلة فلوسهم هههههههههه
حتى ملمسها غير

فلوس سنغافورة
عادي تمشي عندهم

مقام راجا ايانغ

ومكتوبة القصة كاملة

العصير هذا جميل

هذي الفاكهة

ومعلومات عنها

من خلف متحف الملايو

متحف السفينة الغارقة

هاي الساحة ورا متحف الملايو

من متحف الملايو

متحف الملايو

من مبنى متحف الملايو

منتزه داموان

الشارع قدام منتزه داموان وتمشي شوي وتوصل بوابة القصر

قصر نور الايمان

شعار الدولة على بوابة القصر

هذا الكتكات منتشر عندهم ف كل مكان
وبس هو الوحيد من نوع كتكات

يا سلااام ع البحري
والله لذيذ الاكل البحري عندهم ويتفنون فيه

المسجد ليلاً

عربة السلطان ف متحف العايلة الملكية

هذي كانت للحرس اللي عنده

جملة نهر توتونغ وهذا هو النهر نفسه

منتزه سونغاي باسونغ

الشوربة لذيذة

هذا مكان حق التخييم لكن مب موسمه

يا سلام حبيبنا البيم بمب

نصب المليار برميل

مسجر كامبونغ باندان من فندق سويس

مركز النفط والغاز الاستكشافي

منظر من كوالا بيليت

باسونغ ليالنغ

من داخل ممر الابتكار الحيوي

جامع عصر حسن البلقيه

ملاهي جيرودونغ

هذا المول يديد يعني مب كل المحلات اللي فيه فاتحة

اللي ف النص طعمها جميييييييييل

من مقاطعة تمبورونغ وحديقة اولو الوطنية

الكانوبي

الغدا كان لذيذ بعد

هذا آكبر مول ف العاصمة اسمه "المول" والا " ذا مول "

كان عيد ميلادي هناك وسويت هالاحتفالية البسيطة ويا اخوي ههههههههه

لا تحاتون بخصوص نقطة الكهربا
نفس اللي عندنا

يتبع >>>>>>

فيصل, آخـــرفـــرصـــة, أبن السلطنة و 10 آخرون معجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
قصتي مع مركز التآشيرات الموحد ( اسبانيا ) في الرياض ١٢-٠٧-٢٠١٦	Ta3bt	فيزا	33	06-07-2017 04:20 PM
الوقت اللازم لطلب فيزا في شهر أكتوبر ٢٠١٦	belalse	فيزا بريطانيا	1	23-10-2016 10:30 PM
اريد مساعدة في خطة ١٠-١٢ يوم في اسطنبول وما حولها (عرسان)	هادى	تركيا	25	16-04-2016 03:55 PM