اقتباس:
المشاركة الأصلية كتبت بواسطة mgod0606
السلام عليكم ورحمة الله وبركاتة
شكرا جزيلا للقائمين على المنتدى وحرصهم على توفير محتوى عربي مهم للسائح لهم كل الدعوات
رحلتي ان شاء الله بعد شهر في 11 مارس لمدة 11 يوم والوصول لباريس وكذلك العودة بسبب حصولي على عرض ممتاز من القطرية ولا اريد البقاء في باريس بسبب زيارتي لها مسبقا
واريد الذهاب مباشرة بعد الوصول لأمستردام ومن ثم لبلجيكا
سؤالي ماهي أفضل وسيلة لذهاب من باريس لأمستردام هل الطيران أو القطار وأيضا كم تستحق يوم للبقاء فيها
في بالي أبقا 2 يوم في هولند و 2يوم في بلجيكا ومن ثم الذهاب لإسبانيا وزيارة الجنوب الاسباني
وش رايكم وش تنصحون أفضل وكمان اذا فيه شي يستحق أفضل من هالخيارات
أرجو الرد ولكم جزيل الشكر



السلام عليكم ورحمة الله وبركاته

الصيف الي فات زرت هولندا وبلجيكا وفرنسا فانصحك بالاتي :

اذا ما ودك تقعد بباريس ابدا خذ قطار TGV من مطار شالز ديقول الى بروكسل جرب فندق NH Stephani انه سكنته حلو ومريح وقريب منه مترو وفي منطقتة اسواق كثيره ومطاعم لو حبيت تتمشى . بس هو مو قريب من السنتر . تحتاج تاخذ المترو علشان توصل السنتر .

الانشطة الي ممكن تسويها ببلجيكا او بروكسل بالتحديد :
يوم للتمشى بالسنتر واتشوف المباني الاثرية وتمثال المناكن وواتروح متحف الشوكلاته وتجرب كيف تصنع شوكولاته . بس ان شاء الله يكون وقت وجوودك ببروكسل بنفس ايام Chocolate Walkingفتح المتحف Tour in Brussels .
يوم ثاني تاخذ المترو وتروح محطة الميني يورو والاتونيوم والحدايقة الي حوالينها . لو معاك صغار راح يفرحون .
يوم ثالث : ممكن تاخذ رحلة اليوم الكامل من 8 صباحا الى 8 مساء واتروح بروج وتستمتع بزيارتها ( لو عندك وقت كافي وتقدر تسكن فيها كم ليلة تستاهل ) اخذت البكج من موقع Brussels tours, hop-on hop-off bus tickets and city pass, Day trips to Ghent, Bruges and Amsterdam, Chocolate and beer tours.

,وبعدها ممكن تاخذ قطار من ميدي ستشن وتروح لامستردام

امستردام مدينه جميلة وفيها اشياء كثيرة اتشوفها واتسويها اذا هذي زيارتك الاولى. انا جلست فيها 5 ايام وحسيت انها قليله .
ياريت تقرا موضوعي عن صيف 2014 فيه تفاصيل كثيرة للاشياء الى ممكن تسويها بامستردام .

بالنسبه للتنقل الى المانيا . صراحة ما عندي خبرة فيها بس اتوقعها راح تكون رحلة ممتعه . مع تمنياتي لك برحلة سعيده

تحياتي