19-01-2017, 09:45 AM
|
#8 |
خبير اوروبا
تاريخ التسجيل : Feb 2015 رقم العضوية : 1789 الدولة : المملكة العربية السعودية الجنس : ذكر المشاركات : 3,285
| أوسـمـة: أبو مهاب |
كل الاوسمة:1 (more»)
| | 
 |
الف شكر اخوي ابو مهاب ماقصرت وجزاك الله خير
لا شكر على واجب ، يكفيني دعواتك
1)بخصوص باريس وديزني قصدك اني اسكن في باريس 5 ليالي واترك الشنط في الفندق واروح ديزني ابات ليلتين؟؟...لكن بهالطريقة راح ادفع لفندق باريس ليلتين انا ما احتاجهم !! صحح لي اذا كنت غلطانه
الله يسلمك اقصد تسكنوا في باريس 5 ليالي وتروحوا ديزني بالمترو وترجعوا في نفس اليوم
2)ورايك اذا كانت بداية الرحلة باريس هل اتجه لديزني مباشرة اول ما اوصل لو ابات ليلة في باريس ويوم ثاني اروح لديزني ؟؟
باريس ، ولا تروحوا ديزني السبت والاحد
3)بالنسبه للسكن في انسي او ديفون و فرنيه فولتير تقترح كم ليلة ؟؟ انا في بالي نروح مصنع نستله وحديقة الحيوانات سيرفيون رايك اي منطقة من هالثلاث اقرب لو ما تفرق ؟؟
مصنع نستله وحديقة الحيوانات جنب بعض (نص ساعة بينهم) والاثنين بنص الطريق بين انترلاكن و جنيف
اقترح وانتوا خارجين من انترلاكن (الخروج عادة بيكون 10 الصبح) باتجاه جنيف تروحوا المصنع بتوصلوه على 12 الظهر تخلصوه وتروحوا الحديقة واذا ما في وقت او تعبانين روحوا الحديقة من جنيف ثاني يوم
4)حديقة القطارات المصغرة هل هي نفسها سويسرا المصغرة؟؟ واذا مو نفسها هل تستحق الزيارة؟؟
لا مختلفين
حديقة القطارات قريبة من مونترو وتبعد عن جنيف ساعة وربع تقريبا
صراحة ما رحت لها، اذا حابين تروحو لها ممكن تجمعوها مع حديقة الحيوانات
5)شنو اقتراحك للسكن سواء شقق او غيره في انسي و ديفون و فرنيه ؟
انا افضل الشقق بالنسبة للعوائل ، لكن أحيانا اروح فنادق حسب المتوفر
آخر مرة ما لقيت شقق قريب من أنسيف سكنت في فندق قريب من أنسي (أظن أسمه ACE) لكن اضظريت اخذ غرفتين وكانت أرخص
6)بالنسبة لاقتراحك لخط الرحلة هو : باريس ثم انترلاكن ثم انسي او ديفون وفرنيه بحكم قربهم من جنيف والمطار ...صح؟
صحيح، واللي يحكمك هنا وسيلة المواصلات والسعر من باريس الى سويسرا والافضل قطار او طيارة
وكمان رجعتكم من وين جنيف ولا زيورخ
7)بالنسبة للسيارة كم راح يكلف استئجارها في سويسرا وكم احط ميزانية للبنزين والباركينق ؟؟
تختلف حسب نوع الوقود (بنزين او ديزل) والناقل (القير عادي او اتوماتك) والشركات والتأمين
لكن اجمالا 10 أيام بحدود 5000 ريال مع البنزين
الباركنج في الشقق بيكون اجمالا مجاني ، والفنادق بعضها مجاني وبعضها بفلوس بحدود 15 - 25 يورو باليوم
ا8)لمصروف اليومي اللي اقترحته شنو يشمل ؟؟ هل يشمل دخول الاماكن السياحية؟؟
الأكل والسناكات والتمشيات والاماكن السياحية (من غير القمم والألعاب)
9)حسب ما فهمت ان فيه اكثر من قمه ثلجية واكثر شي اسمع عنه تتلس هل هي الأفضل لو في افضل منها ؟؟
قمة تتلس في انجلبيرج قريبة من انترلاكن (100كم) والوصول اليها سهل بالسيارة وبعدين تلفريك وسعر دخولها أقل من قمة جوانفراو اللي قريبة جدا من انترلاكن
قمة جوانفراو تحتاج سيارة وقطار وتلفريك وسعر دخولها أغلى
الاثنين حلوين ، بس انا احس تتلس أريح والاطغال ينبسطوا فيها اكثر
10) نسيت اسأل عن طريقة التنقل من باريس لسويسرا هل هي قطار ام طيران ؟؟
حسب راحتك ووقتك وفلوسك ههههه
عن نفسي طيران بحكم العيلة والعفش
11)اذا بستأجر سيارة في سويسرا منوين استلمها وفي وين اسلمها؟؟ وشنو المواقع الي تقترحها علي من ناحية السعر والتعامل
طبعا اذا جايين بالطيارة فمن المطار واذا بالقطار فمن وسط المدينة وفي النهاية تسليمها في المطار
انا أفضل أتعامل مع الشركات مباشرة (يوروب كار - سكست - بدجت،...) وبعضنا مع الشركات الوسيطة
12) من وين استخرج الفيزا ؟؟فرنسا لو سويسرا؟؟
فرنسا لأن اقامتك في فرنسا بتكون أكثر (5باريس + 3 أنسي ) مقابل 7 انترلاكن
| | فكري وشاوري وارجعي اسألي |
|  |
21الاعجاب
العرض الشجري
المواضيع المتشابهه 
