كيكة الليمون الاسفنجية

المقادير

اربع حبات بيض
كوب شكر
بشر ليمونتين lemon zest 2
قفشه صغيره فانيلا
نص كوب زيت
/ ثلاث ارباع كوب حليب سائل
نص كوب عصير ليمون
ثلاث أكواب طحين ابيض
قفشتين ونص بيكنغ باودر الصغيره
نص قفشه صغيره كربونات الصودا مهم
رشة ملح

صلصة الليمون

كوبين شكر باودر
عصير ليمونه وحده
نقطه وحده لون طعام اصفر وبشر الليمون نص قفشه صغيره اختياري

الطريقة
- خفق البيض والشكر لما يتضاعف ويفتح لونه ويثقل بالخلاط الكهربائي
- نخفف سرعة الخلاط ونضيف الفانيليا والزيت والحليب والليمون والخلاط شغال
- نوقف الخلاط ونضيف النواشف ( الطحين - بيكنغ باودر - كربونات الصودا - بشر الليمون والملح ) عقب نشغلها مدة عشرين ثانية على السرعه البطيئة و بعدين نخلط بالقفشه بهدوء من تحت لي فوق عشان الهوا يتم داخلها.
- ندهن صينية الكيك بزبده ونرش عليها طحين ونصب الخلطه
- نشغل الفرن قبل فتره على حرارة مية وثمانين درجه وبعدين ندخلها في الفرن لمدة 35 خمسه وثلاثين الى 40 أربعين دقيقه

الصلصه:
خلط كل المكونات بخلاطة اليد
ونصبها فوق الكيكة ونزينها بالبشر

وبالعافيه

Lemon zest





البيض والشكر











النواشف











بعد اربعين دقيقه





انا ما كان عندي وقت اسوي الصلصه فخليتها واليوم بسويها ان شاءالله واصبها فوق الكيكه
وبالعافيه






Sent from my iPhone using Tapatalk