بسم الله الرحمن الرحيم
مرحبا بيكم و على سلامتكم في موضوعي اللي انشاء الله يكون خفيف على قلوبكم ويعجبكم
نبداو مالاول..اقتراح من اخونا الغالي على قلوبنا الكل ابو غسان (اخر فرصه ) واللي بعدو توفى الفرص
خويا ابو غسان اقترح علي نعمل موضوع على اللهجه التونسيه للي يحب يتعلمها او للي تعجبو ويحب يسمعها واللي تعجبو لهجة المعلقين الرياضيين (ويوززززززع) (مش ممكن مش ممكن مش ممكن.. خليني نعبر..خليني نحكي ..خليني نريح ونرتاح...مش ممكن يازيدان ) من اقوال الشوالي هههههههههههه وزاده للي باش يسافر لتونس وخايف لا يلقى روحو واحل وما يفهم شي وماشي في بالو اللي التوانسه يتكلمو بالشلحه ههههه
قبل كل شي تفظلو قهيوه عربي بالزهر مفوحه وريحتها تعمل 66 كيف..وكانكم تحبو ايجاو بحذايا لعشيه ونشربكم كويس تاي اخضر منعنع وبالبندق من ايديات اختكم ام زياد..نودكم ولانشهيكم
اولا وبادئ ذي بدء وقبل ان اتطرق للهجه اريد ان اقدم اعتذارا لو بعض الكلمات لها معنى اخر (ممكن يكون معناها مخاف تماما عند اخوتنا الخليجيين او المشارقه ) وانا هنا لست ممن يتلفظن بكلمات نابيه او لاقدر الله قليلة حياء...هى فقط مصطلحات متداوله عندنا ولا تعني اي مس بالاخلاق او الحياء


مرحبا بيكم و على سلامتكم (تحية وترحيب) في موضوعي اللي انشاء الله يكون خفيف على قلوبكم ويعجبكم
نبداو مالاول..اقتراح من اخونا الغالي على قلوبنا الكل ابو غسان (اخر فرصه ) واللي بعدو توفى الفرص
خويا ابو غسان اقترح علي نعمل موضوع على اللهجه التونسيه للي يحب يتعلمها او للي تعجبو ويحب يسمعها واللي تعجبو لهجة المعلقين الرياضيين (ويوززززززع) (مش ممكن مش ممكن مش ممكن.. خليني نعبر..خليني نحكي ..خليني نريّح ونرتاح...مش ممكن يازيدان ) من اقوال الشوالي هههههههههههه وزادا (وايضا) للي باش (سوف )يسافر لتونس وخايف لا يلقى روحو (يجد نفسه) واحل (محتاس)وما يفهم شي وماشي في بالو (ويتصور او يعتقد) اللي التوانسه يتكلمو بالشلحه ههههه
قبل كل شي تفظلو قهيوه عربي بالزهر مفوحه وريحتها تعمل 66 كيف(رائحتها تنعش)..وكانكم تحبو ايجاو (تعالوا) بحذايا (عندي او بجانبي او في ضيافتي ) لعشيه (بعد الظهر) ونشربكم كويس تاي اخضر منعنع وبالبندق (بالصنوبر ) من ايديات اختكم ام زياد..نودكم ولانشهيكم ( اريد ان اكرمكم وليس فقط اجعلكم تشتهون)

اولا وبادئ ذي بدء وقبل ان اتطرق للهجه اريد ان اقدم اعتذارا لو بعض الكلمات لها معنى اخر (ممكن يكون معناها مخالف تماما عند اخوتنا الخليجيين او المشارقه ) وانا هنا لست ممن يتلفظن بكلمات نابيه او لاقدر قليلة حياء...هى فقط مصطلحات متداوله عندنا ولا تعني اي مس بالاخلاق او الحياء
اماله ( اذن) نرجعو لموضوعنا واللي حاب يتعرف على الدارجه التونسيه ماعليه كان يجبد (يخرج)كراسه وستيلو (قلم حبر ) ويشد بلاصه (ياخذ مقعد او مكان) جنب ابو غسان وانا بحول الله باش (سوف) نولي (اصبح )الاستاذه المدرسه ام زياد.ههههه بعد ماشاب ودوه للكتاب (من الامثال التونسيه وتعني بعد ان شاب راسه اخذوه للكتاب وهو المكان الذي يحفظ فيه القران للاطفال)
اللي عندو اقتراح يقدمهولي ومرحبا بيكم الكل.وتوه (والان) باش نقوللكم بالسلامه والى اللقاء

يسعد مساك ام زياد

جبنا البلاصة و الكراسة والستيلو شغال تمام
باش نتعلم تونسي عشان مايهدروا علينا
واحنا مثل الاطرش بالزفة

على سلامتكم مرحبا بيكم
هيا نبداو باسم الله مع اول درس
اللهجة التونسية هي اللهجة العربية المحليّة في تونس ..وتختلف شوي باختلاف المناطق.يعني لهجة العاصمة تختلف على لهجة السواحليه (اهل االساحل) وتختلف على لهجة اهل الجنوب
ولكن في النهايه نفهمو بعضنا وبسهوله تامه
هي لهجه سهلة الفهم في الشرق مقارنة بلهجات غرب الجزائر و المغرب وهي قريبة من اللهجة المستعملة في ليبيا و شرق االجزائر كما قلت سابقا و قد دخلت عليها كلمات من لغات أجنبية كالفرنسية ..الدارجة أو اللهجة العامية التونسية عربية أساسا خلافا لما يزعمه البعض من أنها خليط من العربية والبربرية والفرنسية ولغات أخرى.. بل يمكن اعتبارها من أكثر اللهجات العربية في المغرب العربي قرباً من الفصحى
بعض الأوساط المثقفة في العاصمه والمدن الكبرى تكثر أحياناً من استعمال ألفاظ فرنسية مثلها مثل الأوساط المشابهه من الطبقه الراقيه في مصر ولبنان وبعض البلاد العربية الاخرى، ولكن معظم التونسيين، وخاصة في الجنوب التونسي والأرياف والقرى يتكلمون لهجة اقرب للعربية
ربما تجد بعض الصعوبه في فهم كلام التونسيين من سكان بعض الأحياء المترفة والميسورة في العاصمة مثلاً. ولكنك ستفهم بسهولة كبيرة حديث سائر التونسيين وسرعان ما تألفه ويعجبك بل وستصبح قادرا على تقليده والتكلم به

ومن ابرز الكلمات التي تميز اللهجة التونسية وتعرف بها كلمة
برشه او برشا كما يكتبها البعض بمعنى كثير..
بالنسبة لكلمة برشه التونسية اصلها برشاء وتطلق بمعنى الكثؤة تقول العرب ارض برشاء اي كثيرة الزرع
ياسِر = كثير أيضا
يْعَيْشِك = الله يخليك او شكرا
يِزّي = يكفي
باهي = حسن..وطيب ..اوك
مايْسَالِش = لا مشكلة..مافيش مشكله
آش خَص = ياريت .. من يستطيع على ذلك
شْنوّا = ماذا نقول مثلا شنوا احولك ياغردقاوي ماو لاباس بمعنى كيف حالك . هل أمورك حسنة.
ربي يعيشك = يحييك أو الله يخليك
فلان قِلّيل = فقير
مِشحاح = بخيل
شْتاء = المطر عند اهل الشمال فيقال عند نزول المطر الشتا تصب اي المطر تنزل
حوت = سمك
القوّاد = الواشي أو النمام
بليد = سيىء الخلق
بْخيل = كسلان
باش = سوف.. باش نسافرو لمصر االسبت الجاي اي سنسافر الى مصر الاسبوع القادم
غُدوه = غدا
آش رأيك = ما هو رأيك
شْكون او شكونك = من يكون اومن تكون
ولنا لقاء في الدرس التالي بحول الله(كان عشنا وحيانا ربي)

لهجة الجنوب الغربي المحببة عندي و القريبة جدا من العربية الفصحى تنطق في ولايات توزر و قبلي و بعض مناطق قفصة و قابس
و لعل اشهر مثال الفنانة القديرة نبيهة كراولي