الابتسامة الجميلة في سنغافوره - الصفحة 4

الايمان · 12-05-2017, 11:35 PM

اقتباس : المشاركة الأصلية كتبت بواسطة |القحطاني|

العودة رهيبة ولا اجمل من رائحتها
دهن العود هو اللي ما أحبه

تم الإرسال من SM-N920C باستخدام Tapatalk

ههههههه اخاف كلام ملاك صحيح

Sent from my SM-G925F using Tapatalk

|القحطاني|, توبليرون, ملاك و 2 آخرون معجبون بهذا.

فيصل · 08-05-2017, 03:17 PM

تسلمين علي البارت

العود يبيله راعي صنف حقيقه الغش فيه يكثر

كم كان قيمه الدهن والكميه وكذلك قيمه البخور

الدهن هل لو تروش الشخص تذهب ريحته علي طول
كم مدة بقائه بالجسم من تجربه
وكذلك البخور لو وضع بمسجد أو مجلس كبير كم حبه يبيله وكم مدته

المكان رائع بالفندق مول متميز النافوره كذلك

كم يعني سعر البوفيه للمطعم العالمي
ما شفت صور للمسبح

|القحطاني|, نانا ابو عابد, الايمان و 8 آخرون معجبون بهذا.

الايمان · 09-05-2017, 11:15 AM

اقتباس : المشاركة الأصلية كتبت بواسطة فيصل

تسلمين علي البارت

العود يبيله راعي صنف حقيقه الغش فيه يكثر

كم كان قيمه الدهن والكميه وكذلك قيمه البخور

الدهن هل لو تروش الشخص تذهب ريحته علي طول
كم مدة بقائه بالجسم من تجربه
وكذلك البخور لو وضع بمسجد أو مجلس كبير كم حبه يبيله وكم مدته

المكان رائع بالفندق مول متميز النافوره كذلك

كم يعني سعر البوفيه للمطعم العالمي
ما شفت صور للمسبح

هلاوالله مديرنا
راح اكتب الاسعار بالدينار الكويتي
بالنسبة للبخور الاسعار تبتدي من 350 دينار للكيلو
وفيه 600 دينار
وفيه 1100 دينار
انا خذيت كيلو من 350 دينار
ونص كيلومن 600 دينار
ونص كيلو من 1100 دينار
بالنسبة لدهن العود الكبودي الانواع مختلفة فيه الثقيل والخفيف
الثقيل ريحته تصدع الراس لكن اذا برد يصير روعه
انا خذيت من النوع الوسط قيمة التوله 240 دينار
لكن بصراحه شي روعه يستاهل سعره
لما رجعنا الكويت واستخدمته تحسفت اني ماخذيت كمية اكبر

آخـــرفـــرصـــة, فارس الجبيل, محب الطبيعة و 8 آخرون معجبون بهذا.

الايمان · 09-05-2017, 11:52 AM

صباح / مساء المغامرات
اليوم الثاني في سنغافوره واليوم مخصص الى

جزيرة سنتوسا Sentosa Island

سنتوسا جزيرة تقع جنوب سنغافورة وهي جزيرة سياحية يزورها 5 مليون سائح كل سنة، وتشتهر الجزيره بالانشطة السياحية والترفيهية ومن المواقع السياحية في الجزيرة حصن سيلوزو و ملعبين جولف وفندقين 5 نجوم و ستوديوهات سنغافورة العالمية والاكواريوم وبرج الاسد والتلفريك وبعض المتاحف.

طبعا الصبح لازم اشيك على الجو

وكم لقطة من الغرفه والمنظر الروعه الصبح

تذكرون الكافيه اللي قلت لكم بتريق فيه في المول التابع للفندق
رحنا نتفطر فيه

مدخل المول

هذا الكافيه من فوق

الكافيه مشهور جدا في سنغافوره ولقيت له افرع من تايلند
يتميز بتقديم جميع انواع الشاي المختلفة
ومايقدم اي مشروب غيرالشاي يعني سوالف القهوه والموكا ماعنده

لاحظوا الديكوارات كشخه تفتح النفس

ام حسين الاوركيد يذكرني فيج

شوفوا أنواع الشاي

اخترنا هذه الطاولة

طلبنا الشاي العادي

السكر اللي يقدمونه خشن مايذوب بسرعه

الشاي وحليب

زبدة ومربى مع الكرواسون

طلبنا اومليت لكن نسيت اصوره

وهذه الفاتوره

محب الطبيعة, q8ya metnaqla, فيصل و 19 آخرون معجبون بهذا.

الايمان · 09-05-2017, 12:18 PM

بعد الفطور خذينا تاكسي وانطلقنا الى جزيرة سنتوسا جزيرة المغامرات والوناسة

مدخل الجزيرة

مدخل بدايه الجزيره فيه العديد من الكافيها ت والمطاعم ومحلات بيع الحلويات للاطفال

لاحظوا النظافه حتى اطفالهم مايرمون شي على الارض

اول شي بالجزيرة يونيفيرسال ستوديو ماكنا نبي نروح له لاننا رحنا اللي في فلوريدا وفرنسا فما كان ضمن خطتنا

رحنا للاكواريوم بالنسبة لي جدا عادي ما فيه شي مميز

بعدها رحنا الى كهف المغامرات وقبل لااحجز لاحظت انه يناسب الاطفال غيرنا راينا ومادخلنا

مجسم لاسم الجزيرة

من الاشياء المهمه بالنسبة لي زيارة مجسم الميرليون

قصة المجسم

رجع اسم سنغافورة، وهي تلفظ باللغة المحلية "سنغابورة"، إلى كلمتي "سنغا" و"بورا" التي يعنيان "مدينة الاسد".وسبب هذه التسمية هو أن عند وصول أحد المستكشفين القدامى إلى هذه الجزيرة الصغيرة، وهو أمير سومطري يدعى "سانغ نيلا أوتاما" ويعتبر مؤسس سنغافورة، رأى أسد فسماها "مدينة الاسد". ولكن الأبحاث أظهرت ان الأسود لم تعش قط في الجزيرة، لذلك يعتقد بأن الأمير رأى نمرا. والأسد "ميرليون" ، وهو اسد بجسد سمكة، يمثل الشعار الرئيسي للبلاد منذ عام 1986 م.

التذاكر

مدخل المجسم

لما نحط التذاكر بفم الاسد تطلع لنا عملات معدنية
نقدر ناخذ فيهم اي شي ببلاش من الكافيه او نحتفظ فيهم انا احتفظت فيهم

شاشة كبيرة يعرض فيها كيفية اكتشاف سنغافوره وسبب التسمية

من داخل الاسد

احمد الحربي, Haksa77, AL Tunaiji و 19 آخرون معجبون بهذا.

الايمان · 09-05-2017, 01:10 PM

المناظر من اعلى المجسم

النوافير والبحيرات الصغيره خلف التمثال روعه

تركنا المجسم ورحنا لمغامرة ثانيه

الجزيرة كبيره ويكون التنقل عن طريق القطار ولازم تحفظون المحطات او تسألون

القطارات ملونه

مغامرتنا الثانية

المدخل

حجزنا التذاكر

نركب التلفريك عشان يوصلنا الى قمة الجبل والنزول عن طريق السيارات السريعة

كل واحد يركب سيارة ولازم نلبس الخوذه

يعطونا التعليمات ويتأكدون ان فهمنا التعليمات

وصل دورنا

واحنا نازلين بالسيارات يصوروننا وشريناالصور

رحنا كافيه نشرب كابتشينو

تمشينا بالجزيره ولاحظنا اهتمامهم بالاطفال وتعليمهم

جزء كبير من الجزيرة مخصص للوسائل التعليمية للاطفال

كان بودي اركب السيكل الوقافي لكن ماحصلت لي الفرصة

رحنا للمحلات وشرينا تذكارات وتيشيرتات

ودعنا الجزيرة الجميلة بعد يوم حافل بالمغامرات والانشطة

خذينا تاكسي ورحنا للفندق واخترنا مطعم ايطالي

هذا المطعم

ناتشوز وعصير برتقال

زيتون مطبوخ بالفرن وااايد مر ماعجبني

انتهى يومنا في جزيرة سنتوسا الرائعه

Haksa77, AL Tunaiji, احمد الحربي و 17 آخرون معجبون بهذا.

نانا ابو عابد · 09-05-2017, 01:18 AM

ماشاء الله جولة روعه بيوم واحد...
وانا فرحت قلت واخيرا ايمان اصبحت مستثمرة وتجارة مع سنغافورة وعود ودهن عود لكن طلع للاستخدام الشخصي.. عليكم بالعافية المشتروات وهل هم بلد منتج فاسعاره احسن لاني لست خبيرة ولا اعرف غير العطور المعباة جاهز ..

البلد حلو وصورك زادته حلاوه خصوصا بالليل ومطل الفندق جنان اهنيكي عالاختيار المول بالفندق لايمل في كل شيء حتى لو ماطلع الواحد ينبسط...

صحة وهنا الغدا والفواكه الاستوائية عجيبة ...

متابعين احلى تقرير ...

أرسلت بواسطة iPhone بإستخدام Tapatalk

|القحطاني|, آخـــرفـــرصـــة, فارس الجبيل و 7 آخرون معجبون بهذا.

الايمان · 11-05-2017, 09:24 AM

اقتباس : المشاركة الأصلية كتبت بواسطة نانا ابو عابد

ماشاء الله جولة روعه بيوم واحد...
وانا فرحت قلت واخيرا ايمان اصبحت مستثمرة وتجارة مع سنغافورة وعود ودهن عود لكن طلع للاستخدام الشخصي.. عليكم بالعافية المشتروات وهل هم بلد منتج فاسعاره احسن لاني لست خبيرة ولا اعرف غير العطور المعباة جاهز ..

البلد حلو وصورك زادته حلاوه خصوصا بالليل ومطل الفندق جنان اهنيكي عالاختيار المول بالفندق لايمل في كل شيء حتى لو ماطلع الواحد ينبسط...

صحة وهنا الغدا والفواكه الاستوائية عجيبة ...

متابعين احلى تقرير ...

أرسلت بواسطة iPhone بإستخدام Tapatalk

هلاوالله نانا هههههههههه اكيد ماراح اصير تاجره ولا مستثمره

سنغافوره مومنتجه للبخور لكن مشهوره في بيعه ويبيعون انواع ممتازة غير مخلوطه ولا مغشوشه وهذا التاجر معروف جدا بهذا الشي
سنغافوره حلوه بكل وقت بالليل والنهار روعه لكن جوها حار للاسف

وانتي عارفتني من محبي البرد والثلج

فيصل, السفيرة *ب*, توبليرون و 3 آخرون معجبون بهذا.

آخـــرفـــرصـــة · 09-05-2017, 11:26 AM

يسعد صباحك ايمان

ما شاء الله تقرير فخم بفخامة العود الكمبودي
اختيار موفق للفندق وهو لحاله معلم من معالم سنغافوره
مول و 20 مطعم يعني ما يحتاج كل شي حولك

اطلالة الغرفة رائعة والتصوير صار أروع
ميزة اللي يبيع بسنغافوره حسب توقعي ماعندهم لف و دوران
مو زي اللي بتايلند و اندونيسيا و ماليزيا
هل أسعاره ثابتة ولا لابد من مكاسرة ؟

تسلم الانامل
متابعين الابداع

|القحطاني|, فيصل, احمد الحربي و 6 آخرون معجبون بهذا.

الايمان · 12-05-2017, 11:33 PM

اقتباس : المشاركة الأصلية كتبت بواسطة آخـــرفـــرصـــة

يسعد صباحك ايمان

ما شاء الله تقرير فخم بفخامة العود الكمبودي
اختيار موفق للفندق وهو لحاله معلم من معالم سنغافوره
مول و 20 مطعم يعني ما يحتاج كل شي حولك

اطلالة الغرفة رائعة والتصوير صار أروع
ميزة اللي يبيع بسنغافوره حسب توقعي ماعندهم لف و دوران
مو زي اللي بتايلند و اندونيسيا و ماليزيا
هل أسعاره ثابتة ولا لابد من مكاسرة ؟

تسلم الانامل
متابعين الابداع

هلاوالله بوغسان فعلا هالفندق معلم من معالم سنغافوره والسكن فيه يخليك ماتحتاج تطلع بره لكن لانها زيارتنا الاولى كان لابد نشوف البلد
كلامك صحيح تجار البخور بسنغافوره ماعندهم غش وسمعتهم طيبه وكسرات اليخور مثل بعض مو خالطينها بالخشب
بالنسبة للاسعار ثابته لكن اذا شريت كميه كبيره يسوي خصم اكثر

Sent from my SM-G925F using Tapatalk

توبليرون, ملاك, آخـــرفـــرصـــة و 1 آخرون معجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
رحلتي الي اندونسيا الجميلة	بن قوت	بوابة اندونيسيا	342	28-07-2024 03:25 PM
تقريري عن أسكتلندا الجميلة	وجهات أوروبية	بوابة بريطانيا	119	18-08-2019 10:46 AM
تعرفوا على مدينتي الجميلة	توبليرون	البوابة العامة	105	24-10-2018 01:47 AM
باريس الجميلة	توبليرون	بوابة فرنسا	62	05-05-2018 06:23 PM
ذكرياتي الجميلة	عين على السماء	البوابة السياحية	71	29-01-2018 12:19 AM