374الاعجاب
| |
27-05-2017, 06:40 AM
| #1 | ||
| مشرفة سابقة   تاريخ التسجيل : Dec 2014 رقم العضوية : 30 الدولة : الرياض المشاركات : 3,238
|  زهرة الياسمين .. تونس
بسم الله الرحمن الرحيم : جايتكم ركض عشان خاطر مشرفتنا الايمان الشهر عليكم مبارك وتقبل الله منا ومنكم صالح الاعمال الحلقة الأولى يا تونس الاحلام يا كنفا للفن والأنغام والعطر أعود من بلد الحبيب الى بلدي لاحيا لوعة الذكر سأعود من وطني الى وطني وكلاهما بصبابتي يسري في البداية احب اشكر ام زياد على مساعدتها لي بارك الله فيها ماقصرت  رحلتي الثانية لتونس كانت في شهر يوليو وكان وقتها إجازة رسمية عندهم اما الرحلة الأولى كانت في شهر نوفمبر وما كان إجازة وفرق بين الرحلتين وقت اجازتهم فيه حياة وكل الأماكن مفتوحة والشوارع مليانه ناس حسيت كل الشعب التونسي في الشارع ههههههه بالذات الرجال طول اليوم تحصلهم في المقاهي   هذى روابط مواضيعي السابقة عن تونس اين تذهب في تونس يا تونس الخضراء جئتك عاشقة الخطوط الناقلة  وترانزيت جدة ما فيه رحلات مباشرة من الرياض استأجرنا سيارة من موقع رينتال كارز rentalcars وهذل موضوع طريقة الحجز بالصور... شرح طريقة تأجير السيارات في تركيا من موقع رينتال كارز rentalcars ماجد الفهد من شركة بدجت وحصلت مشكلة معهم وتم حلها خط الرحلة  كان المخطط زيارة الشمال التونسي (طبرقة,عين دراهم)... طبيعة والوسط الشرقي (الحمامات,سوسة,المنستير)... مدن ساحلية مع تونس العاصمة وماحولها لكن بعد مشاورات الغينا الشمال لاحظوا دايما نلغي أي شي فيه طبيعة هههههه  السكن قررنا خوض تجربة جديدة ونسكن في فنادق من اختيارنا وما ندور على التوصيات او الاقتراحات  والحمدلله كانت تجربة جميلة ماعدا فندق واحد دون المستوى  هذي الفنادق تونس العاصمة فندق دار سعيد في منطقة سيدي بو سعيد Dar said الحمامات Hotel la couronne ماحصلته في بوكنج شكلهم شالوه يستاهل ههههههه  المنستير Marina cap monastir Apparthotel شرائح النت  من شركة اوريدو موجوده بالمطار اول ماتطلعون من استلام العفش وبسم الله نبدأ الرحلة  وزي ماقلت ترانزيت جدة والعفش على تونس لكن بالعودة استلامناه بجدة ورجعنا شحناه على الرياض وصراحة وضع مطار جدة لاتعليق  وكل الي معانا بالرحلة تونسيين وهنا بدت نظرات التعجب منهم هههههه لدرجة انهم يسألوني انتي سعودية ؟ رايحين تونس سياحة ؟!  لانهم مو متعودين على السياح الخليجيين في السنوات الأخيرة واغلب السياح من ليبيا والجزائر اعجبني المنظر  ما اعرف ايش بالضبط من زمان مو رايحة جدة    وكالعادة العفش تأخر مررررره  واستلمنا العفش و بعدها اخذنا شرايح النت ورحنا ندور مكتب بدجت واكتشفنا انه مالهم مكتب بالمطار  بالرغم اننا حطينا استلام وتسليم من المطار لكن لقينا الموظفة تنتظرنا ومعها السيارة وكانت تعاملهم غاية في اللطف والمشكلة الي صارت الفيزا مارضت تسحب لازم حروف بارزة لكن وافقوا ياخذون كاش وعملتهم مافيها فئات كبيرة اكبر فئة عندهم 50 دينار  (واذا غلط يصححون لي الاخوان التونسيين) والماكينة طلعتهم عشرات وعشرينات  حسيت اني مجمعة عيديات وجالسة اعدهم لا وبوسط الشارع هههههه وخلصت هالمشكلة وطلعت لنا مشكلة ثانية  شفنا السيارة ابدا ما تليق ان الواحد يركبها صدمات ومخشات وطلبنا تبديلها وهنا تغير اسلوبهم وتنرفزوا وحاولوا اقناعنا ان السيارة مضبوطة بس الشكل الخارجي هو الي تعبان وانتهت المفاوضات انهم راح يوفرون سيارة ثانية بكرة  وما تحركنا الا وإحنا مصورين السيارة فيديو من جميع الجهات  وفعلا وفروا لنا سيارة ثانية .gif "(89)") والسفرة الي قبلها من مكتب عادي من المطار و ارخص وسيارة جديدة ونظيفة وبعدها طلعنا على المنطقة الجميلة سيدي بو سعيد وكان اختيارنا في سنتر سيدي بوسعيد وفندق على الطراز التونسي وكانت التجربة جدا جميلة  الشارع الي عليه الفندق  والمبنى الي قدامه هذا مطعم تابع للفندق وسبق وتكلمت عنه في رحلتي الأولى مطعم (دار زروق) وهذا مدخل الفندق  انا ما ادري ليش دايم الفنادق الي نختارها لازم جرس هههههههه تذكرون فندق باريس  دقينا الجرس وفتحوا لنا الساحة الرئيسية للفندق وحولينها الغرف اعتقد دورين بس  وهذي من الدور الثاني  هذي جلسة الكافية والمنظر على البحر بانورامي      تبارك الرحمن النباتات في تونس شي خيالي وهذي الحديقة التابعة للفندق     والمسبح   و حولينه منطقة الفطور والغرف عندهم كل غرفة تختلف عن الثانية بالأثاث هذي وحدة من الغرف  وريحة الغرفه وررررررد حاطين ورد طبيعي   هالصورة تعبت وانا اصورها كل مره اصور يمر احد  شفتوا الشي الي عند الكوب ضيافة من الفندق .gif "(125)") زهور ياسمين الياسمين من رموز السياحة في تونس يثبتون الزهور على مجموعة اعواد وتنلف بخيوط حرير حمراء  وتحصل البياعين في كل مكان سياحي في تونس واغلبهم يلبس لبس تونسي تقليدي  ونشوفكم في الحلقة الثانية 
| ||
|  |
العرض الشجري
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| اين تذهب في تونس | زهرة نيسان | بوابة تونس | 41 | 02-06-2017 03:46 PM |
| ننقل لكم من تونس | ALFAHAD77 | بوابة تونس | 23 | 20-12-2016 12:05 PM |
| تونس.. حب من أول رحلة | Deena | بوابة تونس | 176 | 30-08-2016 11:13 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Friendly URLs by vBSEO
Search Engine Friendly URLs by vBSEO
