السلام وعليكم ابو غسان وسلامة الاسفار،،،
انا زرت جنوب افريقيا لاول مره قبل سنتين وتقول مغصوب لكن لان التوصية من صديق عزيز (impact) اثق برائية رحت واجري على الله، ومن اول يوم بجنوب افريقيا همت عشقا فيها على الرغم اني زرت العالم كله تقريبا لكن هالدولة فيها بساطة وطيبة ومع توفر بنيه تحتية مناسبه وفوق هذا كله اسعار جدا معقوله مقابل الخدمة اللي تاخذها.

احدثك الان من كيب تاون بعد ما قعدت خمس ايام بالقارد روت ومتجه بعدها لصن سيتي باذن الله، في زيارتي السابقه لم اكن اعلم بوجود شي اسمه long street والمنطقة هذه كانت مجهوله بالنسبه لي، حتى عند رغبتي بزيارة مطعم افريقي زرت Gold وهالسنه بجرب MAMA Africa بعد مدحك له.

فتقريريك بالنسبه لي جاء بالوقت المناسب، طبعا long street على انها منطقة حيه لكن سبحان الله ماحس براحه نفسيه وانا امشي فيها، يمكن بسبب كثرة الشحاتين، او بسبب طبيعة المكان، على الرغم من جودة كثير من المطاعم الموجوده هناك ومثلا لا حصرا مطعم jason backery وشكشوكتهم الخطيره، او مطعم Royale eatery البرقر حقهم من الذ ماكلت والملك شيك هناك حاجه ثانيه وكل هالمطاعم في اللونق ستريت، فالمكان يستحق الزيارة لكن مادري ليش وانا هناك احس بتوتر ، يمكن علشان معي اسرة ووجود الكثير من homeless

فيه مكان زرته في الزيارة السابقه وما شفتك ذكرته، وناوي ارجع له اللي هو neighborgooda market يفتح كل سبت وجميل جدا جدا، انصح الجميع بزيارته، صحيح المواقف ممكن تكون مشكله لكن اوبر موجود ورخيص.

النقطه الاخيره اللي ودي تنبه لها الكل هو موضوع TIP البخشيش في بعض الدول جزء من ثقافة الخدمة، واكبر مثال امريكا، في امريكا عدم دفعك للبخشيش معناه انك غير راضي عن العامل او المكان، نفس الشي في جنوب افريقيا وطبعا البخشيش تختلف قيمته من دولة لدولة في جنوب افريقيا 10٪‏ من الفاتوره وللمرشدين السياحين تقريبا 20 راند او اكثر حسب نوع النشاط وحجم القروب. شفت للاسف عوائل خليجيه مطنشة هالموضوع وتتكلم مع العالم هناك كانهم اسياد نعمتهم وهالشي غلط، حنا بهالطريقة نأسس ثقافة ان الخليجي بخيل وهالشي راح يأثر بمستوى الخدمة اللي تقدم لنا مستقبلا

عذرا على الرد الطويل لكن اعتبرها مجموعة ردود مجتمعه