السلام عليكم جميعا

واخيرا استطعت ان اصيد الحجز المجاني لهذا البرج
لانه من السنة الماضية واحاول ان احجز ولم استطع
ولكن هذه المره واثناء تواجدي بلندن فتحت الموقع
وصدت اخر فترة للزيارة

ومن خلال خبرة بالبحث عن حجز موعد
عرفت افضل وقت تصيد الزيارة
وهو يوم الاثنين ينزل مواعيد حق اسبوع
فكل يوم اثنين يفتح حق اسبوع قادم

طبعا دخول البرج له طريقتين
اما حجز موعد اكل او شرب وهذا بالدور 36 و 37 ( يحتاج بطاقة دفع )
او حجز مجاني وهذا صعب يحتاج متابعه

حجزت وارسلوا لي رسالة تاكيد حجز




والحجز كل شخصين مع بعض كان الحجز الساعه وحده
والساعه ثنتين الظهر
لما رحت لهم شرحت الوضع واحنا عائلة وحده
سمحوا لنا ندخل سوا

لانه ما تدخل الا قبل الوقت 10 دقائق
هنا حصلت مشكلة مع اللي يشيكون على الحجز
كانت حرمة من اصحاب البشرة السمراء تقول ان حجزك لشخص واحد فقط
انا ما طبعت الحجز لكن بالجوال وريتها الايميل وهي معها جهاز مثل اجهزة السحب حق البطاقات
اخذت يمكن خمس دقايق اشرح لها وتقول لا وانا مصر ان الحجز اربع اشخاص
الين ما طفشت مني وقالت ادخل خلاص لاني عطلتهم وواقف على المدخل للباب



















































هنا مشاري عزمنا على حسابه





















































تجربة بالنسبة لابومشاري رائعة
وانصح بها وبقوة

واحرص على اعادتها مستقبلا ان شاء الله

وعليكم السلام ورحمة الله وبركاته .. مكان مميز واطلاله جميلة .. ابدعت يابومشاري شكراً لك ..


أبو البراء

ما شاء الله على المكان وعلى فرصة الحصول على تذاكر مجانية عبر المتابعة واقتناص الفرصة والإصرار.

مكان رائع وتصوير أروع تبارك الله.

تمنياتي بالتوفيق.

وعليكم السلام ورحمة الله وبركاته .. مكان مميز واطلاله جميلة .. ابدعت يابومشاري شكراً لك ..


أبو البراء

جمييل جدا الحصول على تذاكر مجانيه
سفرتنا السابقه ماحصلنا الاحجز للعشاء وكانت ممتعه
بس التصوير للمناظر الخارجيه ما كان يبان
انت وقتك ممتاز الظهر او بالنهار جمييل جدا
وحتى الحديقه روعه
وهالسنه بعد بسبب الحجوزات مافكرنا نروح
صح يبيلها روحه ثانيه
وعقبال ما يعزمكم مشاري على حفل تخرجه بمكان احلى
شكراا لتقاريرك الجميله

ما شاء الله تبارك الرحمن
وش هالزين ابو مشاري
معلم جميل

السكاي قاردن عجيييب وخصوصا الصبح وانت وقتك وايد حلووو والجووو صحو انا انا غييييييم ومطر
ماشاءالله مبدع بالتصوير يابومشاري فنان
والمكان حلو بصراحه بس لو تقعد تشرب قهوه
تسلم ايدك