جولة بريطانية من غلاسكو الى لندن





السلام عليكم ورحمة الله وبركاته

شبكة ومنتديات العرب المسافرون

حياكم معاي بالجولة البريطانية لسنة 2017


ملاحظة تم وضع روابط لجميع الأجزاء بالصفحة الأخيرة مشاركة رقم 620
https://www.arabtrvl.com/vb/t30064-62.html




اليوم الأول
الأحد 13 أغسطس 2017




نبدا معاكم تقريري لسفرتنا هالسنة وان شاءالله يعجبكم

وكتابة التقرير تعرفوني احب اكتب التفاصيل كلها ممكن تكون مملة للبعض

ومشوقة للبعض ومهمة للأخرين وانا منهم لاني لما اكتب التقرير يكون ملخص لسفرتي وذكرياتي فيها

وتكون مرجع لي بعد



فاللي بيكون عليه التقرير ممل يسامحنا وحياكم جميعا







الحجوزات والتخطيط



القرار بالسفرة يه متأخر شوي بسبب قرار البابا

وبعد مشاورات تمت الموافقه على السفر للندن بعد ما كنا انا والبنات نبي جولة اوربيه تبدا بباريس ومنها بلجيكا وسويسرا وحوالينهم

بس بوحسون تعرفونه يبي الدوري البريطاني

قال نروح غلاسكو ومنها وين ماتبون لحد لندن

اتفقنا وبدينا الحجوزات قبل السفرة بشهر

وحجزنا يوم 18 / 8 / 2017

وحجزنا فندق غلاسكو وفندق لندن



بعد أسبوعين قال بوحسين ليش ما نقدم السفرة وخلو الرجعة مثل ماهي

قلنا واحنا بذيك الساعة احنا ودنا هههه

وغيرنا الحجز للطيران بالذهاب واخذوا بس عشرة دنانير لكل شخص



طبعا المسافرين انا وبوحسين والبنات

5 اشخاص كبار



الحجز اونلاين

وطبعنا التذاكر







خط الرحلة

الذهاب





والعودة







الوقت للرحلة مع الترانزيت







نشوف الأسعار من الصور



السعر للشخص الواحد = 270 دينار







والسعر الكلي للجميع







الفيزا سويناها اونلاين بعد

وطبعا شي ممتاز والسعر 15 باوند








اما الجدول للرحلة كانت



غلاسكو من 13 / 8 الى 18 / 8



وندرمير من 18 / 8 الى 20 / 8



بلاكبول من 20/ 8 الى 22/ 8



كارديف من 22 / 8 الى 25 / 8



لندن من 25 / 8 الى 3 / 9



نشوف الفنادق الحين اللي حجزناها بكل منطقة











وهذه أسعارها بالدينار الكويتي













نتكلم عن الفنادق كل بوقته ان شاءالله


وقبل السفرة صرفنا لجنيهات
صرفت انا دينار = طلع باوند تقريبا
كان الجنيه = فلس