جولة بريطانية من غلاسكو الى لندن - الصفحة 51

توبليرون · 31-01-2018, 01:05 AM

Borough Market

وننزل الدري على السوق

ومن أولها اكل

هذا سقف السوق واعتقد فوقنا جسر والسوق متفرع وايد

دونت تتش.....

مطعم تركي ...ربع دانة لازم تشتري منهم

عصاير فرش

وهذا اكل البنات يسوونه جدامنا

هذه نتيجة

انا اهم شي اني اقعد ما اشتهي بعد جيز كيك الليمون مال بريت

منتجات زيت الزيتون

ومنتجات العنب

وصلنا الفواكه واحنا رادين بنطلع ووقفنا عندهم شرينا منهم خوخ وغوجة

اشتريت بس الفواكه اللي قللت لكم عليهم وغرشة عسل للعسل بوحسين ومشمش مجفف

وطلعناااا بعد هالجولة والى الباص ومنها للفندق للراحة

ونتابع معاكم وين رحنا بعدين

توبليرون · 31-01-2018, 01:11 AM

طبعا الباص ينزلنا عند الهايد بارك ومنها مشي للفندق
وهذه الصوره يوم وصولنا للماربل آرش رايحين الفندق

بعد ماريحنا بالفندق
البنات اسبقونا وراحوا الويست فيلد ...والبابا مايبي يروح السوق خلاص من طبينا لندن وهو يروح ديوانية ربعه هناك

وانا ودانه بنروح الويستفيلد
قلت حق دانه خل ناخذ تكسي لاني ما اقدر على المشي من محطة الباص اللي راح ننزل فيها الى الويستفيلد
واخذنا تكسي من باب الفندق

ووصلنا الويستفيلد وتعرفون المواقف بالسرداب ونصعد السلالم او المصاعد للسوق

الافكت و ذكرى وفاة اميرة القلوب ديانا
حبيت آكل ايسكريم والبنات يتمشوون

تشريت عطور للعيال والبنات تشروا براحتهم

بضايعهم غير اللي عندنا والبنات ماقصروا بالمشترى

سناب

قررنا نتعشى بننادوز ولكن الطابور اووه يامال
وقفنا والبنات راحو يحجزون لنا فيلم

اخيراا يه دورنا وقعدونا والا دور الطلب بعد زحمة ههه ودور
واشوه ان عندنا وقت للفيلم

اول شي خلو واحد يوقف بالطابور بعدين عطوه طلباتكم لان زحمه وخاصه هالفرع دايما زحمه عندهم

شوفو الطابور بس مايبين كله

طلبت غنومه لنا ويابت لنا الصوصات

ووصل طلبي

وطلب البنات اثنين من هذا

وبعد ما اكلنا رحنا السينما كان الفيلم لاربع حريم وااايد يضحك مجانين ...استانسنا فيه

هذه قاعة السينمات كبيره

طلعنا من الفيلم والبنات بيروحون صوب الباص قلت لهم لا يا حبايبي بهالليل ناخذ تكسي ورجعنا بالتكسي

وبجذيه انتهى يومنا المتعب في المشي

الاسعار لليوم

السينما ب 5، 13باوند
التاكسي من الفندق للويستفيلد ب 16باوند
الرده من ويستفيلد للفندق ب 21 باوند

نشوفكم في يوم العيد ووين رحنا

الى لقاء

أرسلت بواسطة iPad بإستخدام Tapatalk

فيصل · 31-01-2018, 04:25 AM

ما شا ءالله
هذا أجمل أيام لندن بصراحه
يستاهل البرج والجسر والمنطقه كلها
أهم شيء العسل ابوحسين
ما قصرتي
بالعيد وين رحتي للمسجد واحتفال السفاره
صدق بسأل هل يقيمون صلاه العيد بالهايدبارك

توبليرون · 31-01-2018, 07:10 AM

اقتباس : المشاركة الأصلية كتبت بواسطة فيصل

ما شا ءالله
هذا أجمل أيام لندن بصراحه
يستاهل البرج والجسر والمنطقه كلها
أهم شيء العسل ابوحسين
ما قصرتي
بالعيد وين رحتي للمسجد واحتفال السفاره
صدق بسأل هل يقيمون صلاه العيد بالهايدبارك

تسلم يابو خالد وايد حلوة المنطقه وحركة وناس تصدق اول مره ازورها....بس كنت مره راكبه الكروز ومرينا تحت الجسر ...
ههههه لازم نقول عسل يستاهل علشان يسفرنا مره ثانيه
بالعيد جايتك علومه هههههه
لا مارحنا الصلاة ولا اعلم اذا يصلون بالهايد بارك ...بس عادي الصلاة في الهايد بارك اشوف جماعات تصلي
بس العيد والله ما شفت ...بعد المشي اللي كان بهاليوم ما قعدت مبجر ...حتى ما قعدت بوحسين

q8ya metnaqla · 31-01-2018, 01:17 PM

ماشاءالله
الله يازينها من جوله احب هالنوع من الجولات
واللي تكون برا اوكسفورد و ربعه
يا زين التشيز كيك الليمون [emoji169][emoji169][emoji169] عواااااافي
بروو ماركت احلى چبره ♥♥
حبيبتي الأميره ديانا
عليكم بالعافيه التشري
والعشا
اتصدقين انا ماادري ليش مو راعية سينما

Sent from my iPhone using Tapatalk

آخر مواضيع q8ya metnaqla

- هُنا إمبــــراطـــوريــ اليــابــان ــــة
- استفسارات اليابان
- رحلة صيفية بحرية في ربوع الجبل الأسود (مونتينيغرو 7/2024)
- حي الله هالقطري حي الله حبه ربى في حشاي .. مانحتاج حق السري سراينا هالجاي
- هنــــــــا سنغــافورة الكفــاح الإصــرار التعليــم التطــور

توقيع : q8ya metnaqla

كويتية متنقله في أعالي جبال الأنديز، قاطعه فيها الإكـــــوادور من الشمــال للجنـــوب

https://www.arabtrvl.com/vb/t49320.html

كنزٌ دفين اكتشافُ ارضٍ ضائعةٍ كنا نعرف بوجودها ولكن لم نستطع الوصول إليها(كولومبيــا)

https://www.arabtrvl.com/vb/t48941.html

مراسلتكم من الاتحاد السوفيتي سابقا (روسيــا 2019 )

https://www.arabtrvl.com/vb/t45053.html

في قصص الشعوب طرائف لاتنتهي وعالم حلو بهي يسكن في القلوب في قصص الشعوب (المكسيـــــك)

https://www.arabtrvl.com/vb/t41667.html

الى الزيتونة وعقبه بن نافع وابن خلدون بلد العلم والثقافة والتاريخ( تــونس الخضـــرا )

https://www.arabtrvl.com/vb/t39247.html

سـكــة سفــر فيهـا مشـاويـر العمــر ( امـريكــا ديسمبــر 2017 )

https://www.arabtrvl.com/vb/t31951.html

كل انسان يصبح شاعرا اذا لامس قلبه الحب : من بلاد الفلاسفه (اليونان)

https://www.arabtrvl.com/vb/t7554.html

توبليرون · 31-01-2018, 02:56 PM

اقتباس : المشاركة الأصلية كتبت بواسطة q8ya metnaqla

ماشاءالله

الله يازينها من جوله احب هالنوع من الجولات

واللي تكون برا اوكسفورد و ربعه

يا زين التشيز كيك الليمون [emoji169][emoji169][emoji169] عواااااافي

بروو ماركت احلى چبره [emoji813][emoji813]

حبيبتي الأميره ديانا

عليكم بالعافيه التشري

والعشا

اتصدقين انا ماادري ليش مو راعية سينما

Sent from my iPhone using Tapatalk

والله ابرار انا احب هالجولات واحب امشي وادش كل المحلات الغريبه بس شسوي من التعب

اقول لهم مره ثانيه بآجر كرسي علشان افتر على كيفي

معاكم

احب ديانا اموت عليها لها تواريخ متشابهه معاي فيها

ابرار السينما وناسه تريحين اعصابج بمتابعة فيلم والا تغيرين المود مع الفيلم الفكاهي

كان اسم الفيلم

يضحك حييل بس للكبار فقط

الايمان · 01-02-2018, 08:57 AM

يوم حلو وايد كله نشاط ومشي
والاحلى ختمتوه بالسينما وناندوز احلى شي
يستاهل بوحسين لازم تراضونه عشان يوديكم كل سنة
برو ماركت مارحت ولامرة هل يستحق الزيارة؟
جولتكم عند البرج روعه ومنطقة الشركات رايحه لها من زمان وايد مرتبة

توبليرون · 01-02-2018, 10:11 PM

اقتباس : المشاركة الأصلية كتبت بواسطة الايمان

يوم حلو وايد كله نشاط ومشي
والاحلى ختمتوه بالسينما وناندوز احلى شي
يستاهل بوحسين لازم تراضونه عشان يوديكم كل سنة
برو ماركت مارحت ولامرة هل يستحق الزيارة؟
جولتكم عند البرج روعه ومنطقة الشركات رايحه لها من زمان وايد مرتبة

تعرفين اخر أيام ودج تروحين كل مكان وما تطوفينه وهالمكان من زمان ودي اروح له من والحمدلله رحت له
بس الحمدلله اذا تعبت اريح شوي
ابوحسين ما يتشرى له ويبني اشتري له
اما الشركات وايد حلوة المنطقة
والسوق حليوو نفس الأسواق الشعبيه الموجودة بلندن واحنا رحنا له البنات خابرين مطعم الجبنة ورايحين له
واذا تحبين هالاسواق ما يمنع تروحين له مرة
مشكورة على المرور الجميل

الايمان · 05-02-2018, 01:21 PM

اقتباس : المشاركة الأصلية كتبت بواسطة توبليرون

تعرفين اخر أيام ودج تروحين كل مكان وما تطوفينه وهالمكان من زمان ودي اروح له من والحمدلله رحت له
بس الحمدلله اذا تعبت اريح شوي
ابوحسين ما يتشرى له ويبني اشتري له
اما الشركات وايد حلوة المنطقة
والسوق حليوو نفس الأسواق الشعبيه الموجودة بلندن واحنا رحنا له البنات خابرين مطعم الجبنة ورايحين له
واذا تحبين هالاسواق ما يمنع تروحين له مرة
مشكورة على المرور الجميل

كلهم مثل بوحسين نشتريلهم ومايشترون لنا

مخاوي البر · 05-02-2018, 10:10 PM

اقتباس : المشاركة الأصلية كتبت بواسطة الايمان

كلهم مثل بوحسين نشتريلهم ومايشترون لنا

ماهو بكلهم

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
جولة في هايد بارك ( لندن ) .. Hyde Park	فريق التطوير	بوابة بريطانيا	16	05-06-2017 01:32 PM
قرية بريطانية للبيع	احمد الحربي	البوابة السياحية	24	02-05-2016 05:07 PM
السفر من دولة والرجوع من دولة اخرى	Sajamug	فيزا	8	21-12-2015 03:00 PM
رحلتي إلى بريطانية وبعض مناطقها	أميره	اوروبا	29	03-11-2015 11:42 PM