12-10-2017, 07:06 AM
|
#1 |
عضو قدير
تاريخ التسجيل : Mar 2015 رقم العضوية : 2615 الدولة : الكويت الجنس : انثى المشاركات : 2,760
|  معشوقتي كيف السبيل الى وصالك ؟؟
بسم الله الرحمن الرحيم
السلام عليكم ورحمة الله وبركاته
من دون مقدمات والا نبذه ولاحتى تفاصيل مهمه عنها لانه سبق وتكلمنا وكتبنا بتقارير موجوده في منتدانا سأختصر الحديث والمعلومات كلها بصور اخذت من هاتفي الذي سيصرخ من كثرة التصوير فكيف لي ان اقاوم جمال وروعة الطبيعه والاشجار والبحار يا تايلاند كيف لي ان اتغافل عن الكاميره وان لا ابالي بما تراه عيني الجميلتين [emoji12] عذرا للجميع لا املك الوقت بسرد كلام متكررر ومنسوخ
حكايتي بدأت عندما انتهت اجازتي التي قضيتها بعد العيد في احد الدول وردت الحلوه لبلادها الكويت وجلست فيها عشر ايام وبهالعسر ايام تفكير يروح ويرد وين اقصي الشهر المتبقي من الاجازه ناس تقولي تعالي اوروبا مع القروب الي طالعين فيه ونبيج معانا وناس تقول تعالي لتلك البلاد الذي اهذ صيت من بعدج ولكثره زياراتج له وانا قلبي يطق طقات سريعه ويقول ودي والهوى صدي xxXXXxxX مخربط تخطيطاتي وسفراتي المهم مثل المينونه فزيت من فراشي امسك تلفوني واسوي بحث اقرب رحله تاخذني لها
ماحصلت الا اقرب طياره تاخذني لها الساعه الثانيه عشر ضهرا اي بعد خمس ساعات هلا والله شلون وكيف وراح يمدي احهز الحقائب وعزبتي الي اهم من ملابسي المهم اخذت وضعية الارتب وانط من الفراش وافتح الحقائب وشنو جدامي اخذت وحطيت بالحقيبه وبعدها ع المطبخ اشيل من القهوه والزعفران والهيل ودلالي تقول عجوز وفناجين قهوتي والتمر الزين القصيمي والحساوي وذاك البرحي والخلال الكويتي
وجهزت الحقائب بساعتين وقفلت عليهم
وحجزت تذاكري
واخذت غفوه سريعه وبعدها الو امي ابي اخواني خوات استودعكم الله انني مسافره مع منتوشي وشحيته
الله وياج بس امي عطتني من ذاك الحجي الي ماودك تسمعه المهم العنيده وين تسمع الكلام الشوق غلاب ويقول لاتبدلين الديره وخليج ع نفس اختيارج طبع الخيانه مانعرفه فديتني بس مؤووووودبه
الو اخي حبيبي تعال ابيك بسالفه ثواني وانا عندج
هذي فايدة الاخوان الله يحفظهم للمهام الصعبه
ع المطار رحمه ع بيك ماعندي وقت باقي ع الرحله سلاسه ساعه واطير الطياره
الله وياكم وديروبالكم ع انفسكم واي شي تبون كلموني
فديتك يا الحكوكه يا اخر العنقود ناسي قبل جم يوم ماخذ مني فلوس
لوسمحت يا الحبيب تغليف جلدي جلدي الجناط تعبنا نشتري وانتو تخربونهم يامزلقين يا مكسره يا تفتحون وتسرقون عاد مادري شنو فيها يا انتي كلها ملابس ودلال المزاج
احم احم صباح الخير تفضل الجوازات وهذي الحقائب
طبعا لانه السفره بتكون متنقله حرصت ان تكون احجام الحقائب متوسطه وصغيره
اختي تفضلي الجوازات والبوردينغ الله وياكم
يابعد عمري تشكر بعد عمري قلتها بقلبي طبعا
اسرع سريع مكينة البنك سحبت مبلغ محترم وبعدها
نشوف الصور واهي تكمل باقي حكايتي التايلانديه
أرسلت بواسطة iPhone بإستخدام Tapatalk
التعديل الأخير تم بواسطة توبليرون ; 09-11-2017 الساعة 12:50 PM
سبب آخر: طلب من عضو ولا يجوز اللعن
|
|  |
290الاعجاب
العرض الشجري
المواضيع المتشابهه 
