اليوم الرابع صادف انه يكون يوم العمال فكانت المواصلات العامة متوقفة

جلسنا الصباح متاخر لان ما كان عندنا برنامج معين فطرنا

هذا فطوري المتواضع




و عالساعة 11 طلعنا من الفندق

وبما انه كان يوم العمال واكثر الاماكن كانت مسكرة الظهر فقررنا نروح اورتاكوي نتمشى ونتغدا

طلبنا تاكسي لان مثل ما قلت كل المواصلات العامة متوقفة عشان يوم العمال وكانت الشوارع فاضية تقريبا مافي زحمة

واحنا في طريقنا الى اورتاكوي شفت لافتحة مكتوب عليها يلدز بارك وقلت لخواتي ايش رايكم ننزل في الحديقة ونتمشى شوي قالوا اوكي قلت للسائق ينزلنا في يلدز بارك ونزلنا فيها وقال لنا اورتاكوي فقط 10 دقائق مشي من الحديقة وبس نمشي بشكل مستقيم ونكون هناك كان حساب التاكسي 23 ليرة واحنا 4 اشخاص يعتبر رخيض

نزلنا في الحديقة وتمشينا فيها و اخذنا شوية صور طبعاً الحديقة كبيرة نوعاً ما احنا تعبنا وما تمشينا فيها كلها بس استمتعنا . الحديقة صايرة مثل الجبلية نوعاً ما تركب وتنزل فيها مرتفعات ودرج مثل اميرجان

وهذي شوية صور



















بعض من العاب الاطفال







صورة لجامع اورتاكوي من الحديقة ومثل مو شايفين من الصور الجو كان نص غائم



وهذي صور لجسر البسفور من الحديقة








و هذيلا عرسان جايين يصوروا





يتبع في الرد القادم

جلسنا شوي نرناح في الحديقة وبعدها شعرنا بالجوع و خرجنا من الحديقة متوجهين الى اورتاكوي

وهذي صور لجسر البسفور و نحن في طريقنا الى اورتاكوي





وبعدها توجهنا الى مطعم علي بابا وهذي صورة طبقي تقيمي للمطعم جيد نفس مستوى مطعم المدينة لكن افضل منه





صور للمطعم









وبعد ما انتهينا من الطعام توجهنا الى جامع اورتاكوي







الشاي في اورتاكوي




تمشينا شوي في اسواق اورتاكوي طبعاً في مطاعم ومقاهي ومحلات هدايا تذكارية وغيرها

















بعد هاليوم الشاق قررنا نرجغ للفندق اخذنا تاكسي للفندق لكن الشوارع كانت مسكرة وممنوع دخول السيارات

نزلنا التاكسي في شارع نيشان تاشي وكانت المسافة من الشارع الى الفندق تقريبا 20 دقيقة مشي والمشوارع كلفنا 20 ليرة

وبما ان احنا في المنطقة وما كنا مرة تعبانيين تسوقنا شوي وبعدها رجعنا الفندق للراحة والنوم

بس للاسف ما صورت شيء لان كان مغرب وشيء ثاني تعبت من التصوير

هالمرة صغرت الصور أن شاء يكون المقاس مضبوط نوعاً ما

يا سلام عليك
شكرا لك علي تصغير الصور وحجمها مناسب كثير
حتي الصفحه تفتح بسرعه
أجمل شيء أذا شفت مكان حلو وقفت وتفرجت
ما قصرتي

الصراحة اورتوكاي الواحد ما يدري شنو ياكل فيها

كومبير او وافل او المطاعم او المقاهي او الجلسة مقابل الجسر او التسوق غير البازار في نهاية الاسبوع

وممكن تطلع جولة البوسفور

اقل شي تحتاج نص يوم

شكرا اختي

جزء جميل للحديقة ولأورتوكاي ...

بعض الأسوار القديمة ( الحجرية ) من خلال صورك ... لفتت انتباهي ..

الماضي القديم يفوووووح عبقاً من خلالها ( القديم يجذب انتباهي ) دائماً ..

اليوم الخامس كان خفيف مافيه فعاليات كثيرة

جلسنا من النوم متاخر فطرنا و عالساعة 11:30 تقريباُ طلعنا من الفندق

وماكان عندنا جدول معين الى هذا اليوم كان يوم مفتوح خصصناه للتسوق

لكن في البداية قررنا نروح حديقة اميرجان نتفسح شوية وبعدين ننطلق الى التسوق

اخذنا الباص من عثمان بيه الى محطة Nispetiye Metro ومن ثم النزول واخذ الباص من محطة Etiler Anatolian Vocational High ومن ثم النزل في محطة Reşitpaşa وبعدها مشي عشر دقائق الى الحديقة لان مافي موقف باص او مترو قريب جداً من الحديقة

نزل وتمشينا في الحديقة شوية الحديفة كانت عبارة عن مرتفعات و جداُ متعبة في الحركة

الوالدة تمشت معانا شوية وبعدين قررت هي واختي يجلسوا في مكان في الحديقة لان الوالدة ما تقدر تمشي كثر

وانا واختي الثانية رحنا نتجول - كانت الحديقة كلها عرسان يصوروا وين ما نروح نشوف عرسان

لما رحنا تل العرايس المرشد السياحي خبرنا ان يمكن نشوف عرسان لان دايم يجوا يصوروا في تل العرايس

لكن ماا صادف شفنا احد و في اميرجان وين ما نروح نشوف عرسان

اتركم مع الصور
















بعدها جلسنا وتمشينا شوي عالبحر و هذي صور لقلعة روملي حصار كانت قريبة من الحديقة و وحدة من خواتي قالت خلونا ندخل نشوفها من الداخل سالنا عن سعر التذاكر و كانت 10 ليرة للشخص الواحد قلنا يلا خل ندخل نشوفها من الداخل

اللي ما دخل القلعة من رايي انها مو من الاماكن اللي تستحق الزيارة لان من داخل مافيها شيء والمنظر من الخارج اجمل من الداخل بكثر
















وبعدها عالساعة 5 تقريبا رجعنا الفندق نرتاح شوي وعالساعة 6:30 طلعنا نتمشى ونتسوق في الاسواق القريبة من الفندق

وانتهى اليوم الخامس كان جداُ خفيف ومافيه فعاليات لكن ممتع

جولة مميزة ... والحديقة ماشاء الله ( أجواؤها راااائعة )

تنقلاتكم مابين محطات الباصات .. هل كان على دراية مسبقة أم استخدام تطبيق معين ؟؟

لإن ماشاء الله عليكم ... ضابطين المحطات وماتخدمه من معالم ..