شاليهات سما يا سنا

توبليرون · 25-10-2017, 12:09 AM

شاليهات سما يا سنا

قبل اسبوع وفي الزوارة

قالو العيال نبي شاليه من زمان مارحنا
ويبون حمامات برايفت
حصلنا هالشاليهات وتم الاتفاق بيومين وتم الحجز لشاليهين
اثنين

وكان موعدنا الخميس الى السبت
من / اكتوبر الى / اكتوبر

وطبعا اخذناه من هالاكاونت

وبالطريج

https://youtu.be/-KKo3ukqqsA

واول ما وصلنا لقيت بس ولد اخوي واخته واصلين قبلنا

وعاد استغليت الوقت وقبل العفسه للتصوير

وهذا الشاليه لنا والثاني لعايلة اختي

وهذا اول ما دخلت في مثل الحوش الصغير بس ما صورته وهذا اول ما دخلت الشاليه
الدرج الى الدور الاول

معلقه تدعو للسعادة

وتحتها. هالطاوله وصندوق للمفاتيح

على يساري غرفه رئيسيه وغرفة خدم مع حمامها طبعا
الفرش كلها جذيه ديباجات والشراشف مكويه ومحطوطه على السرير

هالكبت بكل الغرف

التكييف

حمام الغرفه

غرفة الخدم ومعاها حمام حليو لهم

وبعدها هذا الممر فيه غرفة غساله واوتي وبعدها حمام ضيوف ومغسله خارجيه

غرفة الغسيل

وهذا حمام الضيوف

الصاله جدامي

وفيها المطبخ المفتوح عليها

الصاله

التلفزيون

نطلع من الصاله الى جهة البحر وحمام السباحة البرايفت
وجلساته

الشاليه من بره ظلمه ههههه

والمنظر الليلي للشاليهات المقابله لنا وهي شاليهات لوذان

نصعد الحين الدور الاول فيه غرفتين رئيسيتين
وغرفتين مشتركين بحمام
الغرفه الاولى بوجه الدرج

السرير هني بونفر ونص

الغرفه الثانيه بسراير مفرد

والكبت طبعا الاثاث كله متشابه بس الاحجام مختلفه

وبلكونتها تطل على شاليهات ثانيه

وهذا حمامهم

وهذا الدرج للسطح ممنوع احديصعد الا الحارس

وهذه الغرفه الرئسيه الاولى وكانت لنا انا وبوحسين

وحمامها

والصاله فوق

البلكونه

نطل على الشباب

وصور من فوق

ومطبخ تحضيري ممتاز

والغرفه الاخيرة

وطاولة الاكل

أرسلت بواسطة iPad بإستخدام Tapatalk

q8ya metnaqla, كوثر طالب, الايمان و 5 آخرون معجبون بهذا.

توبليرون · 25-10-2017, 12:10 AM

وطلعت من شاليهنا حق شاليه اختي

نرجع حق مطبخنا علشان نسوي العشا بس خل نشوف تجهيزاتهم فيه

ثلاجتهم صغيرة وتحتها فريزر صغير
حليوين بس مو حق اغراضنا وفي فوق بعد ثلاجه صغيره

وحطينا التسالي وابرار شايفه شعر البنات هني خلص والا بالبيت بس انا اكل منه

وطاح العشا

وبعد العشا قعده عند حوض السباحه والسوالف وشرب الشاي
وكرك وقهوة وحليب كاكاو

والعيال قعدوا يلعبون انحش يا الذيب

وهذه انا وسميتي بنت اخوي مطقمين وعاد تعالو شوفو التعليقات والتصوير

وقعدة الليل والجو براد بعدها نوم لان كان يوم دوام للربع زين سهرنا للساعه

وانتهى اول يوم
تابعوني في اليوم الثاني

أرسلت بواسطة iPad بإستخدام Tapatalk

بن قوت, q8ya metnaqla, فيصل و 6 آخرون معجبون بهذا.

q8ya metnaqla · 25-10-2017, 08:24 AM

ما شاءالله خوش شاليهات مرتبه ونظيفه
بس اشلون المنطقه حواليكم عسى مافي شباب ؟ ولويتهم ؟؟

ههههههه عليكم بالعافيه دايم جذي اذا صار الشي بالبيت ما ينوكل ومن يصير برا يصير عزيز ولذيذ

Sent from my iPhone using Tapatalk

توبليرون, فيصل, الايمان و 3 آخرون معجبون بهذا.

آخر مواضيع q8ya metnaqla

- مركاز العرب المسافرون 11
- إندونيسيا استفسارات
- شبه الجـــزيـــرة الايبيـــريـــة ( اسبـــــانيــــا ) 2023
- هنــــا شبــــه الجــــزيــرة الايبيــــريـــة ( البــــرتغـــــال ) 2023
- ريوقنا في the orangery

توقيع : q8ya metnaqla

كويتية متنقله في أعالي جبال الأنديز، قاطعه فيها الإكـــــوادور من الشمــال للجنـــوب

https://www.arabtrvl.com/vb/t49320.html

كنزٌ دفين اكتشافُ ارضٍ ضائعةٍ كنا نعرف بوجودها ولكن لم نستطع الوصول إليها(كولومبيــا)

https://www.arabtrvl.com/vb/t48941.html

مراسلتكم من الاتحاد السوفيتي سابقا (روسيــا 2019 )

https://www.arabtrvl.com/vb/t45053.html

في قصص الشعوب طرائف لاتنتهي وعالم حلو بهي يسكن في القلوب في قصص الشعوب (المكسيـــــك)

https://www.arabtrvl.com/vb/t41667.html

الى الزيتونة وعقبه بن نافع وابن خلدون بلد العلم والثقافة والتاريخ( تــونس الخضـــرا )

https://www.arabtrvl.com/vb/t39247.html

سـكــة سفــر فيهـا مشـاويـر العمــر ( امـريكــا ديسمبــر 2017 )

https://www.arabtrvl.com/vb/t31951.html

كل انسان يصبح شاعرا اذا لامس قلبه الحب : من بلاد الفلاسفه (اليونان)

https://www.arabtrvl.com/vb/t7554.html

توبليرون · 25-10-2017, 12:31 PM

اقتباس : المشاركة الأصلية كتبت بواسطة q8ya metnaqla

ما شاءالله خوش شاليهات مرتبه ونظيفه
بس اشلون المنطقه حواليكم عسى مافي شباب ؟ ولويتهم ؟؟

ههههههه عليكم بالعافيه دايم جذي اذا صار الشي بالبيت ما ينوكل ومن يصير برا يصير عزيز ولذيذ

Sent from my iPhone using Tapatalk

اي والله اصلا انا اشتريت واحد وامي الثاني هههههه لا لا
الاهل كلهم عجبهم الشاليه والحلو انه واسع والغرف وايد

المنطقه مافيها وايد شباب وحركات هاديه جدا بس الشاليهات اللي جدامنا لوذان كان عندهم حفلات والموسيقى ومسابقات نسمعها بس مافي اذية من احد
يو صوبنا بقيات بس ماكو تحرش او شي وبعد ورانا في شاليهات تحتهم مطعمين وتأجير سيارات صغيره وبقيات وقواري ودوارف فكان نشاطهم داخل صوب بحرهم تعرفين الاخوار الصناعيه
بس ابدمافي ازعاج كلش
يمكن لان الجو مافي وايد حاجز مثل الصيف بيكون ازحم يمكن

اما الاكل افا عليج هناك ماكو ريجيم فطاحو له مع السوالف بالليل كل ما واحد اكل شي شوق الباجي وهلم جرا ههه
شكراا للمرور العسل

فيصل, الايمان, آخـــرفـــرصـــة و 2 آخرون معجبون بهذا.

بن قوت · 25-10-2017, 01:40 PM

ماشاء الله ي ام حسين

طلعة جميلة والاجمل الجمعه والاحلى جمعه القلوب في مكان جميل معا ناس اجمل

باين من ديكور الشالية الكلاسك وعدم التكلف
واهم شي النظافة

دايم الشاليهات مكان فرح وسعادة اكيد لازم من الازعاج
حلوووووووه جدا

وطاح العشا

بالعافية على قلوبكم

توبليرون, الايمان, آخـــرفـــرصـــة و 1 آخرون معجبون بهذا.

فيصل · 25-10-2017, 02:24 PM

يا عيني يا دلي

ما شاء الله رايق

والله الأزعاج الحين تخاف منه لو تسكن بفندق أو منتجع

أهم شيء الجمعه

توبليرون, آخـــرفـــرصـــة و نانا ابو عابد معجبون بهذا.

توبليرون · 25-10-2017, 02:33 PM

اقتباس : المشاركة الأصلية كتبت بواسطة بن قوت

ماشاء الله ي ام حسين

طلعة جميلة والاجمل الجمعه والاحلى جمعه القلوب في مكان جميل معا ناس اجمل

باين من ديكور الشالية الكلاسك وعدم التكلف
واهم شي النظافة

دايم الشاليهات مكان فرح وسعادة اكيد لازم من الازعاج
حلوووووووه جدا

وطاح العشا

بالعافية على قلوبكم

الله يعافيك يابن قوت
اي والله الشاليه مرتب ونظيف وجديد بعد
اليمعة مع الاهل والعيال ما تعادلها وناسه
الحمدلله كانت خوش طلعه
شكراا لمرورك الاجمل

آخـــرفـــرصـــة و نانا ابو عابد معجبون بهذا.

توبليرون · 25-10-2017, 02:35 PM

اقتباس : المشاركة الأصلية كتبت بواسطة فيصل

يا عيني يا دلي

ما شاء الله رايق

والله الأزعاج الحين تخاف منه لو تسكن بفندق أو منتجع

أهم شيء الجمعه

هههه اي والله مافي ازعاج هالمره يمكن لان انتهى تقريبا موسم الشاليهات والناس خفاف
اليمعه هي الاساس في الوناسه
شكراا لمرورك وتابعو بعد ما خلص التقرير

آخـــرفـــرصـــة و نانا ابو عابد معجبون بهذا.

توبليرون · 26-10-2017, 01:33 PM

في اليوم الثاني
وهو يوم الجمعه 20 / 10 / 2017

وصبحنا على الجو الجميل ....طبعا داخل الشاليه بره للحين حر

والريوق ...طبعا لقيت البنات قاعدين قبلنا علشان يسبحون

الهدوء قبل العاصفه مالت عيالنا

لزوم التان [emoji36]

يوسف وولد اخوي بالبحر

بعد حضور الزوار الغاليين الوالده وخواتي وعيالنا

شايفين الشاليهات هذه اللي جدامنا في بقاله واكشاك مطعم وبانكيك وتأجير سيارات صغيره وقواري وجت سكي

المهم بعد اكتمال العدد طيحنا الغدا

صورة جامعه لكل الصواني

نفصصهم لكم
عيش وتحته خلطة ربيان بالكاري شغل ام طلال

مجبوس دياي من مطعم تاج

مجبوس لحم على ماش من مطعم تاج

مطبق زبيدي من شغل ام حسين محدثتكم

وورق العنب

المرفقات لهذه الاطباق

المعبوج حاضر بقوة

والدقوس لزوم الشيء اعلاه

والحمدلله على النعمه ربي يحفظها عن الزوال

رجعوا للسباحه

وللاطفال نصيب من اللعب

والقعدات بالجو الحلو العصاري ما يخلى من البلع
شاي وقهوة ومرافقينهم اللي صورت لكم شويه منهم

والجو

المغارب

في مجمع العاب كوزمو وصالون وجمعية راحو العيال وهذا من العابهم هناك

أرسلت بواسطة iPad بإستخدام Tapatalk

الايمان, طوق الياسمين, q8ya metnaqla و 4 آخرون معجبون بهذا.

توبليرون · 26-10-2017, 01:36 PM

صور المغيب والليل

عندهم مسابقات وحفله

بعدها صار وقت العشا واللعب والسباحه ايوع

بعض صور العشا

وصاج من بنت اختي

بعدها سهره على الحوض والبحر له الحداقه على اليال

وسوالف واكل وشاي وضحك ومسابقات

خلصته عليهم

أرسلت بواسطة iPad بإستخدام Tapatalk

الايمان, طوق الياسمين, q8ya metnaqla و 4 آخرون معجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
شاليهات في الشرقية	fanda	بوابة السعودية	6	22-02-2017 10:11 AM
شاليهات لنكاوي لاقون ,, تعالو لاهنتوا	msm12	ماليزيا	11	09-11-2015 06:29 PM