وع يسارنا البحر والممشى الحلو








وع اليمين كلها محلات ومطاعم

وهاي البقاله عدال فندقنا






مشينا مسافه عن فندقنا وتركنا البحر ورانا






وفي نفس سكتنا مطعم آسيوي بس ماجربناه






أول سكه ع اليمين شفنا مكتب اليورب كار عشان ثاني يوم بنمر عليهم وبناخذ السياره

الحمدالله طلع عدالنا







عقب كملنا مشي ع طول ولفينا في السكه الثانيه

وكانت المفاجأه الحلوه







شفنا المطاعم والمحلات والحياه

قلنا ياسلام هذا الموقع ولابلاش كل شي عدالنا







وفي هاي السكه شفنا محل أورنج







دخلنا واشترينا شريحتين اورانج

وخذيت خدمة النت في آي فوني ب 5 يورو وفيها تقريبا 100 ام بي مب 50 ام بي

وقالت لما يخلص تعبينه مره ثانيه يعني ماشي بكج كامل لمدة اسبوع او شهرلخدمة الداتا

وعقب كملنا مشي ، وكل مانمشي نشوف المحلات والكوفيهات والمطاعم

وهاي الكشكات اللي بنوها في الساحه حق احتفالات الكريسماس

واسم هالساحه

Place Massena








وعقب لفينا يسار ومشينا في شارع كبير وكله محلات من الجانبين

وهذا شارع حيوي وفي وسطه يمشي الترام

ونسيت اذا السيارات مسموح تمشي فيها

شوفوا في الخريطه الخط الوردي هو هذا الشارع اللي انا راسمه عليه بالقلم

هو هذا الشارع الكبير واسمه

Avenue Malaussena

أما الخط الوردي اللي في الأتجاه الثاني واللي فيه المبنى الاصفر

هذا يوديكم للمدينه القديمه اللي كلها بعد مطاعم ويلسات ومحلات

يعني هذا الجزء الكبير هو الحيوي في نيس



في الخريطه الثانيه بتشوفون رقم 5

هذا الرقم هو فندقنا فندق ميركور


مشينا مسافه بسيطه في الشارع

وشفنا مطعم هندي بس ماجربناه





وشفنا محل سيفورا ومادخلته

لأني واعده بوعيسى اني ماشي شوبنج يعني تسوق في هاي الرحله
بس نتفسح ونسترخي

مع انه التسوق هو أحلى استرخاء عندنا
ياسلاااام كيف يهدي الاعصاب





وشفنا زارا





وعقب شفنا الساعه وتنبهنا للوقت





صارت الساعه 4 وماانجزنا اللي نباه

فوقفنا تمشي
وتعذيب لي

وقلنا بنرجع نسير البقاله اللي دلتنا عليها راعيت الاورانج وبنشتري بعض الاغراض

(( لاتحاتون بعطيكم صور أكثر عن شارع التسوق في زياره ثانيه له ))

رجعنا من وين مايينا

تذكرون لما خبرتكم عن السكه الثانيه اللي طلعتنا ع محل الاورانج

رجعنا عند هالشارع وكأنه كملنا ع طول وهنيه دخلنا سوبر ماركت صغير نسيت اسمه













عيبتني هاي الكوسا شكلها غريب






اتشرينا ماي وفواكه وأشياء بسيطه ورجعنا فندقنا حطينا الأغراض

ورجعنا

انطلقنا من صوب البحر