رحلتي للجنوب الفرنسي (نيس وكان وموناكو وغيرها )

هداوه · 13-03-2015, 03:36 PM

نكمل جولتنا وصعودنا فوق التله

وصلنا التله وهذا اسمها

عندكم 3 طرق لصعودها

* بالسلالم

* بالمصعد وهذا مجاني

* بالقطار السياحي اللي شفتوه ونحن نمشي

نحن أخترنا المصعد

ودخلنا

وصلنا عند اللفت ( المصعد )

ومافي داعي تدقون أي زر ، هو يصعد وينزل اتوماتيك

والباب بروحه يفتح فلاتحاولون تفتحونه بس انتظروا عداله

طبعا انا أشرحلكم لأنه نحن تلعوزنا شوي وعقب فهمنا

وصلنا فوق والمكان جميل ويرد الروح

وللاسف وصلنا متأخر وبدأت الدنيا تظلم فما طولنا فوق

ولكن المكان يستحق الزياره

نيس الجميله

فيها منطقة العاب للصغاريه ويلسات وكوفيهات

عقب بدأت الدنيا تظلم

نزلنا وفي طريج رجعتنا دخلنا جهة المدينه القديمه

المبنى الأصفر اللي راويتكم ياه في الخريطه

شفنا محلات ومطاعم بس كنا تعبانين ويوعانين ومالنا بارض نتفرج ع المكان

وكنا بس ندور مطعم زين ، والحمدالله أخترنا مطعم أكله لذيذ

وكانت اللي تخدم علينا تونسيه

(( ع فكره فرنسا وايد فيها من المغرب العربي ))

هذا المطعم اللي اخترناه

من التعب ماصورت هاي المنطقه واصلا مامشيت فيها ولكن

بعطيكم عنها صور في زياره ثانيه لها

أسم المطعم

طلباتنا

وأخيرا حلينا بـ

كريم بوريه

وبعد ماخلصنا عشا ونحن راجعين صوب فندقنا نشوف في طريجنا

وايد مطاعم أصناف ومغريات

رجعنا فندقنا وريولي كانت تعورني من المشي

لأنه المسافه كانت وايد طويله اللي مشيناها
وللاسف ماشي لياقه

وختمنا يومنا الجميل والشاق

ع أمل انه باجر بنزور كان

وبنحجز في الأنتركونتينتتال

تابعوني ...

ورحلتنا لكان ...

وليش صرفنا نظر عن السكن فيها ؟

Meme Bahrainمعجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
شرح حجز القطار من فيينا الى سالزبورغ وغيرها	حبْر	بوابة النمسا	39	19-07-2019 09:28 PM
سؤال شو يعنني جنيف الجانب الفرنسي احترت	india	بوابة سويسرا	10	04-08-2017 04:58 PM
في قرى قريبه من نيس وكان للسكن ؟	ريما عبدالعزيز	بوابة فرنسا	3	08-05-2015 08:47 PM