28-01-2018, 05:14 PM
|
#23 |
مشرف سابق
تاريخ التسجيل : Jun 2015 رقم العضوية : 4269 الدولة : السعودية الجنس : ذكر المشاركات : 854
| 
الحمد لله على السلامة يا الأستاذ... يا المكاوي يهوووه ياولد الغربية... انتم حقين الهبقات تعجبني والله بلا زحمة بلا بطيخ برافو عليك وكل الشكر لك مشاركتنا تجربتك بزينها وشينها على العلم ان ماكان فيه شي شين على حد قولك *** انا توني اشوف الموضوع... وجاي متحمس ابدلي بدلوي وقريت الردود من الاخوان... الي مؤيد والي معارض والي ينصح والي يقول شيل الفكرة من رأسك الجميع مشكورين والله يجزاهم خير بدون استثناء وكل معه حق في ما قاله وكنت بقولك توكل على الله واقدم وسق السيارة بنفسك ومن يوم تحرك وتدخل الشارع وثاني لفة ووضعك ok والرهبة رايحة والنفسية مرتاحة من هول ماتسمع عن القيادة في اسطنبول الا وتفاجأ بردك انك عدت... والعود احمد والله اني فرحت انك عزمت... وما ابي اقول غامرت لان في تصوري حنا الي قلبناها مغامرة والا بسيطة ماتستاهل حتى نص مغامرة صحيح ان اسطنبول مدينة كبيرة مترامية الاطراف وتعتبر القلب النابض للاقتصاد التركي بل اسطنبول المركز الاقتصادي الاهم في تركيا ووجهة الكثيرين من السياح... وبلا شك السياحة جزء لا يتجزأ من الاقتصاد وتعداد سكانها اكثر من 14 مليون و800 الف شخص في عام 2016م لكن هذا مايعني ان حنا ما نقدر نسوق في شوارعها حنا الي نصعب الامر رغم سهولته بحجة الزحمة الزحمة والله عندنا في الرياض وقروشة القيادة فيها انا مستعد اسوق في اسطنبول بالراحة باذن الله لكن في الرياض رغم اني من سكانها وغيري كثيرين نعاني من القيادة فيها ماهي بقصة زحمة وبس لا نفس الي يسوقون السيارات هم البلا فيهم كانهم خلية نحل او مثل افلام الكارتون او الرسوم المتحركة شباب الله يهديهم وسواقين ماقد ركبو سيارة اصلا كيف عاد بيسوقون وامور كثيرة... لكن المقصد مكسرين المجاديف والي يهدون عزيمة الواحد انا متأكد ان الي ماينصحون بالقيادة في اسطنبول كتجربة شخصية قليل جدا اما الباقين فقط ناظرو المشهد من خلال تجولهم مشيا أو في تاكسي او في مواصلات عامة وانهبلو من الزحمة والسيارات الكثيرة... هم الي هبلو بانفسهم والا الامر عادي بسألكم سؤال... بس جاوبو بصراحة هذا كلام اجتزيته من موضوع للاخ ابوعبدالله خبير بريطانيا توني طايح على الموضوع ويشكر عليه والله يجزاه خير بعنوان مغامرة في انهار بريطانيا... وهذا رابط الموضوع https://www.arabtrvl.com/vb/t16175.html
السؤال هو تقدر تستاجر بوت كأنك مستاجر سيارة !! انت تسوقه !! انت قبطانه !!
مسؤول عن تحريكه عن توقيفه تمشي اذا بغيت وتوقف اذا بغيت !! مسؤول تشيك الوقود حقه وتفحص موية الاديتر له !! انت اللي ترسوا به في المراسي !! احيانا يكون المرسى جذع شجرة !! تقفز من البوت وهو يمشي
ومعك الحبل عشان تربطه تسحبه للجال !! يساعدك افراد عائلتك !!
يرمون لك بالحبال الاخرى ...لا احد غريب معكم !!
عادي تصدم به في المرسى !! او احد يصدمك ويضحك !! ***
الي شاف الموضوع يجاوب على طبيعته ماهو بعد ما قرأ الموضوع وشاف الدعوى سهلات يقول عادي...! البعض بيقول القيادة في اسطنبول اهون من قيادة هالبوت لا وعيالي معي هههههههههه تصفحو موضوع ابوعبدالله وتعرفون ان القيادة في اسطنبول سهلة بالمرة ***
حقيقة الحديث يطول في هذا الموضوع ويتشعب كثير لكن عموما في اسطنبول والا في غيرها... حنا الي نقدر نتحكم في قدرتنا على القيادة من عدمها آسف على الاطالة اخواني واخواتي بس حبيت اوضح وجهة نظري يمقن صح ويمقن خطاء وبايات
|
| |
53الاعجاب
العرض الشجري
المواضيع المتشابهه 
