انا لي تجربه القيادة في اسطنبول ولكن قديمة بمعنى قبل ما استخدم قوقل ماب لو كنت مع سايق كان شرح لي المناطق وفهمني على اشياء كثيره

وتجربتي ان اتبع اجهاز الملاحة القارمن تبهدلت معاه

الحصول على مواقف للسيارة كان اصعب شي في اسطنبول في السوق المصري وفي سلطان احمد وتقسيم و وكورنيش مضيق البسفور و اذا حصلت في الكورنيش يجيلك المحصل ويحسب عليك بساعة مبلغ كبير ما اذكر اذكر اني كتبت في موضوع عنه

وفي اماسيا يوم كامل 5 ليرة خارج اسطنبول

اذا كنت تريد تاخذ معاك سيارة وانت الي تسوق والله لها مميزات اكثر من المشاكل بكثير

الخصوصية وين ماتريد ولكن كما ذكر الاخوان الزحمة واتباع القوانين انا تعرضت الى سحب السيارة بالبركدون وبلطف الله اني لحقت عليهم وشفتهم كان لا اعرف رقم السيارة ولا من الي خذها اصلا قدر ولطف

نصيحة لو تبي تاخذ سيارة
لاتاخذها طول تواجدك في اسطنبول
مثلا لو بتقعد في اسطنبول اسبوع تاخذها في خامس يوم وقت الي تبي تطلع صبيحة مثلا او بورصة او اي مكان خارج اسطنبول

يعني تخلي وقت الاستلام من الفندق وقت خروجكم مش شرط من اول ما توصل اسطنبول