Bollywood Parks


نكمل معاكم ...
بعد دخولنا للمويشن غيت واللعب والوناسة طبعا في العاب وايد ما صورتها
كل مكان الالعاب تصح للاطفال والكبار
وان شاءالله اذا خلصت هالجزء بضيف لكم الخرايط للباركس كلها
المهم طلعنا ومشينا للبوليوود باركس
بس خل نتابع ونشوف مع الصور التفاصيل

الساعة الحين صارت 3.30 الظهر توقيت دبي

كنا واصلين هني عند كرسي المخرج...وهذه الساحة امامه



والمحل الموجود يطلعنا على سكة فيها محلات ومطاعم نمر منها الى الريفر لاند والبوليوود والقرية الفرنسية

احنا رايحين للبوليود


































وهالممر حق الريفر لاند




والحين وصلنا الساحة الهندية




وهناك القرية الفرنسية



نرجع لساحة البوليوود














وقلنا نتغدى قبل لا نلعب متنا من اليوع

مطعم BOL GAPPA





وهذا مطعمنا قعدنا بره







تسلووا لان الاكل بيتأخر







وهالمحل مجابلنا




على ما يوصل الغدا راحو البنات يصورون






الطاولة فاضية







ووصل البرياني طلبنا تقريبا 3 برياني ومرق وعدس ووو مادري نسيت


















وبالعافية علينا خوش غدااا بس تأخر البرياني الثالث والسبب ان اللي تخدمنا اذاها المدير كل شوي يناديها تخدم الطاولة اللي عليها أجانب مع ان احنا طالبين قبلهم
بس شنقول حتى الهنود عندهم واسطة
بنت اخوي كانت معصبة ليش تأخر طلبها بس لما وصل هدت وتقول اشوة انه لذيذ هههه

الفاتورة لي ولبناتي بس عيال اخوي حسابهم بروحهم




وقمنا الى اللعب وبطريجنا الى ملاهي بوليوود






وصلنا الهند ههههههه
السفرة كلها علشان بناتي يحبون الأفلام الهندية

طبعا بعدنا ما دخلنا الملاهي






كان راعي سمبوسه وعصاير

شرينا منه بس ماي
















لاحظنا ان اغلب الزوار الهنود لابسين اللون البرتقالي ..
الظاهر عندهم مناسبة




واخيرااا دخلنا ملاهي بوليوود

والتصوير لابد منه للكل





رسومات لجميع الممثليين المشهورين قدامى وجدد



لاحظوا شبابيك التذاكر في الجهة اليمين مسكرة مافي الا شباك مفتوح على اليسار
واحنا اللي بس واقفين عليه.....مافي زحمة الساعة الحين 4.30 تقريبا المساء










وهذه التذكرة الوحدة ب96 درهم







ونشوف بوليوود وممرات الملاهي اللي ماخذه العمارة الهندية وتراثها
طبعا في محلات للسوفنيرز والمطاعم وبعد في عرباين للاكل



كان عندهم عرض بكل الملاهي اثنين بسعر واحد





















يتبع ....

ونكمل معاكم....
















على الجوانب صالات العاب ومطاعم ومحلات















هني بصالة فيها العاب لشاروخ وريتك







احلى لعبة مالت ريتك




ومحلات السوفنير بمخرج كل لعبة







لعبة شاروخ
الممر للطابور حوالين المجسم






لعبة شاروخ هي عبارة عن شاشة جدامنا ونقعد على كراسي وفيها طيران وسيارات وجذيه
حلوة

اما احلى لعبة وهي ان نقعد بكراسي صفوف على الوضع الافقي .....وبعد ما نربط الاحزمة ويمرون علينا يتاكدون
تبدا اللعبة بان يتحول الى صفوف عمودية واحنا كنا اعلى شي
والشاشه جدامنا ونتفاعل بالحركة وكأنه كل واحد طاير بروحه وايد عجيبة
وهذا اهو صاحب اللعبة ريتك






بعد ما طلعنا من اللعبة وصالتهم طلعنا لقينا العروض قايمة ورقص لاشباه الممثلين مثل شاروخ وسلمان خان

اخذنا بريك شوي نشوف ونصور فيديو للعروض في موسيقى واغاني للي ما يحب يشوف





وصور مع الابطال بعد العرض






ولعبة ثانية لشاروخان



صور مختلفة وحاطين ويه شاروخان










لبسونا نظارات













اهني وصلنا لباب شوفو الواقفين شوية






وهني طلعنا شفنا قعدات لمطعم على شكل قطار















وفي قعدات داخل و بره بعد




قعدت اهني والبنات في المحلات



مكان لعب للأطفال



وشرت بنتي لنا قهوة وجباتي بدون دهن والحلو مالهم جولاب جامون...






وتصير هني حفلة بعد فوق المطعم












الفيديو لهم




وهني رحنا للعبة فيلم اميتاب الشعلة
مللت العيال وانا أقول لهم القصة ....والسبب ان ولد اخوي يقول شكل الفيلم قوي من اللعبة وانا اشتغلت أقول له القصة







كل لعبة تلاقون بعض الأشياء اللي تم استخدامها بالفيلم وطبعا مو الأصل

هذه العربانه




ممر الطابور للعبة






بعد اللعبة طلعنا وكانت ديكورات أجواء قرية الفيلم












حتى السيكل المشهور






اغنية فيلم الشعلة وبالاخير لا تسمعون هههه




لعبة سلمان خان هذه مسكرة



























في علامة على الأرض تقول الصورة من هالمكان احلى شي كانت نصيحة من تريب ادفايزر بس مادري أي صورة فيهم لاني صورت من كذا مكان







وطلعنا مرورا من هني اللي ما دخلناه







وطلعنا ورحنا سيدااا عند الحريم هناك






نبي نوصل لاماكن التاكسي اللي نزلنا منهم لازم نمر على القرية الفرنسية


بعد ما وصلنا لأول الممر هناك في سيارات غولف تنقلك ب10 دراهم وصعدت انا ودانه والبنات قالو بنكمل مشي
تذاكر سيارة الغولف







وهذه اللي تسوق السيارة




المناظر بالليل حلوة مع الإضاءة










وبجذيه نكون خلصنا زيارتنا لدبي باركس ولو رجعنا بنرجع ندخل اللي ما دخلناهم والألعاب جدااا حلوة
والجوو حلوو والصحبة احلى




تصوير البنات لهذا اليوم

تقرير ممتاز يعطيج العافيه

مطعم بافلو وينجز اند رينجر



بعد ما وصلنا الفندق تقريبا الساعه 9 ....ريحنا شوي
والا العيال ها شنو العشا نطلب والا نطلع نتعشى

انقسمنا نصين نص قالو مانبي عشا
وانا وبناتي ثنتين رحنا مطعم ورا عمارتنا بس نعبر الشارع ...ماهو بعيد

طلعنا من الباب الخلفي للفندق ..وهذه جلسه خارجيه مسويها الفندق بس اعتقد مثل القهوة وشيشه وارجيله







بين العمارتين بنطوف ...العمارة اللي على اليمين مواقف للسيارات خاصه بالفندق مالنا




وهذا فندقنا من الخلف





طلعنا والا الشارع مانقدر نعبر لأنه مسيج الرصيف اللي بالنص
يعني لازم نوصل للفه ونعبر




وهذا احنا نمشي على الرصيف الوسطي عند السياج




وهذه العماره فيها مطاعم اعتقد او صالة احتفال
وفيها مواقف بعد

المهم وصلنا العماره اللي فيها المطعم ...والا رجل أمن
قلنا له بنروح المطعم قال لنا الدور الثاني وفتح لنا الباب الكتروني

ورحنا وهذا المطعم





هذا مدخله





وهذا المنيوو












































وهذه عنواينهم وتواجدهم بكم دوله عربيه
















من ديكورات المطعم





وشاشات للراليات والسباقات

















ووصلت الطلبات اولها حلقات البصل الرينجز




والبطاط مع الجبن







والوينجز ومعاه البطاط




الصراحه لذيييذ





والسلايدر




ولقطه جامعه









صور من المطعم










فيه العاب جيمز وطاولات بعد




ما اذكر كم طلع حسابنا

نزلنا بعد العشا ونفس العماره فيها سوبر ماركت
دخلنا فيه وتشرينا فواكه وماكرون حلينا بالشارع واحنا راجعين الفندق




ورجعنا واحلى نومة بعد التعب والدوش الدافي

ونشوفكم باليوم الثالث ووين رحنا

ما شاء الله واضح استمتعتوا
احلى ما في السفر الصحبة الطيبة
عليكم بالعافية العشى شكله لذيذ