21-03-2015, 11:47 PM
|
#1 |
مميزة العرب المسافرون
تاريخ التسجيل : Dec 2014 رقم العضوية : 398 الدولة : الامارات الجنس : انثى المشاركات : 781
| أوسـمـة: هداوه |
كل الاوسمة:1 (more»)
| |  رد: هامبورغ حبي الجديد
مسالورد
ماشاءالله ع خبيرتنا شو هالزين شو هالجمال ياجميل
طبعا واصله متأخره لأني ماأدري انج نزلتي تقريرج ولو ماخبرتيني أمس ع الخاص جان لين الحين ما أدري .gif "(150)")
اليوم قريته الصبح وتوني رجعت أكمله ، وكان ودي أرد من العصر عليج بس رجعت من ابوظبي متأخره وتعبااانه
نرجع لتقريرج
في هالشي ماطلعنا شرات بعض ، أنا عكسج ما أجب هالاجواء الثلجيه وايد
أحب الثلج واشوف السنو بس ماتعجبني الارض كلها بيضاء جيه ، ومره زرت سويسرا في الشتاء وأبدا ماحبيتها
أحب أشوف الخضار أكثر
بالنسبه لهامبورغ انا سبق زرتها وكتبت تقرير دسم عنها لأنه وقتها يلسنا فيها 3 أسابيع بس للاسف ضاع التقرير وما أدري اذا بقدر أرجعه
هامبورغ جدا جميله وسياحيه بالدرجه الاولى وحواليها وايد اماكن سياحيه ولكن تعتبر مدينه وبعيده عن الطبيعه الموجوده في سويسرا او النمسا
أو الجزء الالماني اللي ع حدود سويسرا والنمسا
رحلتكم حلوه وأحلى مافيها احساسج اللي يوصلنا واللي نشعر فيه بسعادتج فيها الله يسعدج دوم يارب
حتى شعور البرد وصلنا من تقريرج ههههههههههههه
رغم جمال هامبورغ بس ماحيبتها في هالوقت من صورج أحس تيبلي الكآبه
لما كنتي في براغ حسيتها جميله وأحلى من هامبورغ يمكن لأنها ممكسوه بالبياض
بالنسبه للمطعم التركي اللي كلتوا فيه بغيت أتذكر اذا كان هو نفسه اللي كلنا فيه ولاغيره بس ماذكرته
وعموما هالشارع فيه كم مطعم تركي واللي كنا ناكل فيه أكله كان لذيذ
بالنسبه لملاحظتج ع هالشارع فعلا أنا هالشي لاحظته وتكلمت عنه في تقريري ووقتها أستغربت انه هالشارع
مطاعم وسوبرماركتات وفيه هالسوالف فعلا غريبه ، وشكرا ع تنبيهج انه الافضل مانروح بالليل
وشكرا أنج بينتي شوفيه هالشارع لأنه اغلب اللي يسافرون هم عوائل وفي منهم مايحبون يمرون من أماكن جيه مع عيالهم
وتنبيهج لهم هذا بيخليهم يتجنبون هالمكان فجزاج الله خير
مثل مانتكلم عن ايجابيات أي مكان سياحي لابد وانه نتكلم عن سلبياته عشان نعطي صوره واضحه
لأنه نحن مثل دليل سياحي للمسافرين وهذا واجبنا
بالنسبه لدردسن
بغيت أسألج عنها
لما كنت في كارلوفاري كنت أشوف بعض الخليجيات يروحون لها من الصبح حق التسوق ويردون بالليل
ولما فكرنا نزورها وسألنا عن سياره تودينا وتردنا في نفس اليوم ، قالولنا بـ 200 يورو وحسينا المبلغ كبير وكنسلنا
سؤالي
هل شفتي فيها أسواق تستحق العنوه ؟ ولا أسواق براغ أحلى ؟
في الأخير
كان ودي أعلق أكثر عشان واصله متأخر بس خفت أترس الصفحه ههههههههه
بس ان شاءالله متابعه وياكم التقرير وبكون معاج أول بأول
تسلم ايدج ياأحلى فني جيرل | توقيع : هداوه | |
حياكم الله في كل تقاريري
| |
|  |
113الاعجاب
العرض المتطور
المواضيع المتشابهه 
